فلاح بغضب: انت وينك !
طلال : هلا يبه موجود
فلاح: جوالك وين ؟
طلال : طافي ماشحنته جيت من الدوام ونمت
فلاح: طيب وينك ؟
طلال: يبه انا عند محمد
فلاح: تعال طيب انا عند الشقه
طلال وقف بصدمه: عند الشقه ؟
محمد اللي ضحك على ردت فعل طلال وان واضح علشان شقته فاضيه بس ماعلق اشر له بانه يقول لفلاح يجي لشقه محمد
طلال: يبه انا الحين ساكن مع محمد
فلاح : ايش ؟
طلال: يبه برسل لك اللوكيشن وتعال تمام ولا اقول لك بجي اخذك
فلاح: لاتجي ولا اشوفك تسوق فاهم بجيك انا ارسل لي يلا
طلال توتر وسكر من المكالمه رجع فلاح يدق رد على طول
فلاح بغضب وقله صبر : ليه تسكر بوجهي
طلال: يبه علشان ارسل لك الموقع
فلاح تنهد : طيب ارسله اتفاهم معك اذا جيت
سكر منه وبداء يرجف : بيجي
رفع راسه لمحمد محمد فهم نظراته ضحك: والله مو انا مو هو ابوك اكيد حس فيك
طلال: كم صار لنا ماشفنا بعض
ادهم بتلطيف للجو: لاتكبر الموضوع وكانه ليله دخلتك
طلال برتباك وقف يدور بالشقه : ياليته ليله دخلتي
ادهم ناظر بمحمد : لها الدرجه
محمد اللي استمر يضحك: يمكن او انه يبالغ احيان فلاح مستحيل يمد يده عليه بس يهاوشه
سمعو صوت الجرس
طلال وقف بستقامه واخذ نفس قبل يتقدم من الباب ويفتحه مامداه يفتح الا بالحضن القوي اللي صار له
فلاح بقلق بعد عنه مسك وجهه: انت بخير مافيك شي * عقد حواجبه لنا انتبه ان طلال فيه حراره * انت حار ليكون نايم بالمكيف كالعاده
محمد كان وراء طلال واقف ببتسامه
فلاح رفع راسه وانتبه لمحمد : اوه حمود اسف والله
محمد : شدعوه ياعم ماصار شي حياك لاتوقف عند الباب
فلاح التفت لطلال: فيك شي ؟
طلال ببتسامه وعيونه مليانه دموع: لا بس اشتقت لك
فلاح قرب منه وحضنه بقوه : لاتخاف هالمره جاي وبطول معك
دخلو وشاف ادهم حس بحرج كبير
فلاح : هلا اسف على اللي صار بس
ادهم قاطعه: ياعم ماصار شي شدعوه تعتذر واضح شوقك لولدك وخوفك عليه
فلاح تنهد: اي والله وليته يحس
طلال بعتب : يبه
فلاح : عيونه
طلال: لاتقول شي عاد ترا ماعادني طلال الصغير
فلاح لعب بشعره وضحك: تمام
مد يده لادهم: فلاح ابو هالمتوحد
ادهم صافحه بدوره: ادهم مدير طلال بالدوام
طلال اللي كان ماسك يد فلاح: وصاحبي
فلاح ببتسامه: اوووه وظيفه وصاحب جديد
طلال : يب تشوف كيف فيه تطور صح ؟
فلاح ضحك: يمكن فيه شوي بس
محمد : حياك اجلس
سمعو صوت الجرس
فلاح : هذا المطعم قبل لا اجي طلبت منه ورسلت له الموقع خذ بطاقتي
مد بطاقته لمحمد اللي مارفض وخذاها استغرب ادهم المفروض انه يرفض
طلال لاحظ استغرابه: فلاح يكون خال محمد ويمونون على بعض كثير علشان كذا مارفض ياخذ بطاقته
فلاح برسميه: من فلاح ياولد شويه ادب ابوك انا
طلال ابتسم : انت مو ابوي وبس انت دنيتي كلها
ادهم ببتسامه: الله يخليكم لبعض
وقف
محمد : وين ؟
ادهم: بروح والله الوالده لحالها مع اخواني الصغار
محمد : تمام انتبه لنفسك
ادهم: طلال اذا حسيت بتعب بكرا فيك تاخذ اجازه
محمد : لا لا مستحيل اخذ اجازه لازم اداوم
فلاح اومئ بالايجاب : باخذه المستشفى بعد شوي
طلال كان بيعترض
محمد بنظرات : اي انت قايل لي بتروح تسوي فحص
ادهم طلع وهو يضحك على تصرفاتهم
طلال كان يسب محمد بداخله
فلاح : تعال ابي تفصيل ممل بكل شي صار بغيابي
طلال بعدم اهتمام : ليه كان يوصلك تقرير يومي مايحتاج اقول لك
فلاح مسك يدين طلال: طلال اسمع انا جاي مو علشان اسمع هالكلام منك ابيك تفتح قلبك لي قبل كل شي
طلال: يبه اسمع ابيك تعرف هالشي قبل اي احد يقول لك
فلاح حس بقلق وخوف : وش فيك ؟
طلال: يبه اسمعني انا بهالفتره يعني تعبت واحتاج اني اروح اتعالج عند طبيب
فلاح عقد حواجبه ومسك يدينه ببعض بتوتر: طيب
محمد وقف وانسحب منهم علشان يتركهم على راحتهم من زمان ما التقو وماتكلمو
طلال اخذ نفس قبل يبوح باللي بقلبه : يبه انا بعد وفاه جاسر تعبت والتعب هذا بسبب افكاري وتخيلاتي واني الوم نفسي على اللي صار له بسببي يعني يبه احس انه لو اني رديت على اتصاله ماكان مات لو اني منعته بهذاك اليوم يطلع ماكان ميت صرت اخاف اطلع اشوف الناس صرت اتوتر من اسمع صوت قلت لك اني بخير بس ماكنت بخير كنت اتمنى اني مكان جاسر بديت اتخيل انه يجي بالبيت ويلومني ويزعل مني بديت ابيع شي شي من اشياء البيت بقى بس سريري محمد كان يحاول بقد مايقدر يطلعني من اللي انا فيه حاول انه ياخذني دوامي فصلت منه
فلاح قام من مكانه وقرب من طلال اللي كان واقف يمشي رايح جاي ويرجف بدا لسانه يثقل حس فلاح ان طلال شوي وبيصير له شي مو كويس مشى بتجاهه ومسكه ونفس ماكان متوقع طلال استند بجسمه على فلاح
فلاح ضمه له وبمحاوله انه يهديه: اهدى اهدى مارح يصير شي انا هنا رجعت بجنبك خذ نفس طلال
طلال اخذ نفس قوي حس بالام بصدره : يبه انا لازم احكي لك كل شي او مارح اتكلم
فلاح بعده عنه وجلسه على الكرسي : قول ياعيون ابوك بس لاتتعب نفسك اذا مو قادر مو لازم
طلال حس بضيق قوي بصدره حط يده جهة قلبه : ماقدر يبه يوجع يوجع شعور الفقد يبه صاحبي واخوي اللي عشت معه ننام سوا نصحى سوا دراستنا سوا زعلنا سوا رضانا سوا طلعاتنا كل شي يبه ماعاد اتحمل حاولت اتخطى كثير لما وصلت لمرحله الخوف من ظلي تعبت يبه والله تعبت
فلاح ابتسم بحنيه: بنتخطاها
طلال سند راسه على كتف فلاح اللي ربت على راس طلال : اهدى اهدى
طلال بدا تنفسه يرجع طبيعي : تعبان ابي انام
فلاح كان متوقع هذا الشي مسك يده وسنده عليه قبل ياخذه للغرفه المخصصه له خطاه قبل يجلس بجنبه على السرير : بكون حولك بس تحتاج شي انا هنا تمام
طلال ابتسم ونطق بصوت متقطع: الله يخليك لي
فلاح : ويخليك لي
طلال بهمس: يبه تتوقع رح اتخطاها
فلاح مسك يد طلال وببتسامه: نام انت واترك كل شي علي من اليوم
بعيد عنهم
ادهم وهو يتذكر الموقف اللي صار هذا الشخص اللي ربى طلال بس شكله مو كبير صح انه كبير وبعدين ليه اقول انه كبير انا ماعرف اصلا كم عمره بسال طلال بكرا او محمد
نرجع للشقه
طلع من غرفه طلال بعد ما تاكد من نومه وبنفس الوقت فتح الباب علشان يسمعه اذا احتاج شي
فلاح شاف محمد ومعاه كوبين قهوه خذا القهوه: كنت احتاجها شكرا
محمد ابتسم: العفو ياخال
فلاح عطاه نظره: كم مره قلت لك
محمد : لاتقول اني خالك لاني اكبر واننا مابينا وان
فلاح : تعرف هذا كله وترجع تقول
محمد تغيرت ملامحه للجديه: ليه جيت ؟
فلاح رفع حاجبه بستنكار لكلام محمد: شقصدك
محمد: عارف انك مو جاي علشان طلال
فلاح تنهد قبل يبتسم بالم: لا قصدك ان السبب برجعتي هنا هو طلال
محمد مو مصدق : ليه يعني وش اللي تغير علشان ترجع علشانه
فلاح : ماقدرت اتحمل
محمد : تتحمل ؟
فلاح : صح كنت اكابر ومو ناوي ارجع بس ان حاله طلال واللي صار اليوم قدامي خلاني اتاكد ان قراري صح باني نقلت كل شغلي هنا لي٦ شهور بمرحله النقل وتغيير مقر الشركه الاساسي
محمد : يعني الحين رح تبقى معه دايم ؟
فلاح : اي ببقى معه وبكون معه وارجعه مثل قبل وافضل
محمد: اتمنى لان صدق حسيت اننا بدينا نفقده اليوم كان بيصير له حادث لولا ادهم
فلاح : ادهم ؟
محمد: اللي كان موجود هنا لما جيت
فلاح : اها
فلاح وقف ومعاه كوبه : بنام مع طلال لاتحاتي روح نام انت بعد وراك دوام
محمد وقف : تمام بس اسمع لازم اجلس معك نتكلم تمام
فلاح: اكيد ضروري
اهلييين كيف البارت وعطوني توقعاتكم للجاي وايش ممكن يصير بعد رجوع فلاح وهل صدق شكوك محمد ان فلاح جاي لهدف صح ولا لا
طبعا بوقف كتابه بهالروايه لايام قليله لاني رح ابداء اكتب البارتات الاضافيه بروايه كان العالم توقف عند عينيك تقريبا بارتين بس رح يكونون شوي طوال و رح اشوف ردات فعلكم وتحمسكم للجاي بهالروايه واذا شفت تفاعل قوي ممكن ينزل بارت قريب او بكرا ♥️♥️♥️♥️♥️♥️♥️♥️♥️♥️♥️♥️ احبكم
