باليوم الثاني بالمطار
طلال: انتبه لنفسك ولاتترك العلاج ترا بتصل عليهم اتطمن
فلاح ضحك: تمام
طلال : يلا روح لاتتاخر
فلاح بجديه: صدق طلال بقول لك شي او بطلب منك طلب
طلال: امرني
فلاح : عادي لو تزور هادي ؟
طلال استغرب: هادي صاحب الايسكريم ؟
فلاح : اي عادي
طلال: اي تمام ولايهمك
فلاح ابتسم بحب قرب من طلال وضمه: انتبه لنفسك واذا اتصلت رد علي على طول
طلال : تمام
طلال رجع للشقه بعد ماوصلت له رساله من اصيل بانه بيلتقي فيه بالليل
محمد: وصلته ؟
طلال اللي جلس بجنبه: اي يارب يتعالج خايف من فكره اني اخسره
محمد: لاتخاف فلاح مو كذا وبيرجع قوي مثل اول
طلال تنهد : اتمنى يلا بروح ابدل واروح الدوام
محمد: وش جدولك لليوم كامل ؟
طلال التفت لمحمد: مدري بس بروح للدكتور يعني بيومي
محمد: اها تمام لاني يمكن اسهر عند اصحابي تروح معي ؟
طلال: لا لا بخلص وارجع البيت
محمد بتدقيق: انت متاكد انك بخير ؟
طلال : اي ليه
محمد: وجهك تعبان وحالتك ماتطمن
طلال ابتسم: لاتخاف بخير انا
محمد: تمام
طلال راح وبعد التبديل راح للمقهى
بعد ما انتهو دوامهم
ادهم: ياعيال تعالو ابغاكم
اجتمعو كلهم
ادهم: بنغير دوام المحل ورح يكون ل٦ المغرب بس بعده لازم اداوم بالشركه لفتره
تميم : الله يعينك مو تعب عليك ؟
ادهم: لا عادي المهم الشغل يستمر بنفس الانتاجيه
طلال: ادهم عندي سوال
ادهم التفت له: قول
طلال: عادي لو اداوم بدوام ثاني
ادهم: تقصد انك تشتغل بمحل ثاني ؟
طلال: اي
ادهم هز راسه بنفي تغيرت تعابير طلال للاحباط
ادهم: لا ماكنت اقصد . يعني عادي انت حر بباقي يومك لو تتوظف بالف وظيفه لمده شهر بعدها رح ترجع الامور طبيعيه وعادي لو تستمر بوظيفتين بحيث ياتميم يا نايف ياخذ دوام الليل وانت الصباح
تميم ونايف : عادي . يناسبني كذا
طلال ابتسم: شكرا
طلعو كلهم انتبه طلال ان تو الساعه قرر يرجع يبدل ويتروش ويروح لمحل هادي
بعد ماتروش وتجهز حصل اتصال من ادهم ومحمد
اتصل على ادهم اول
ادهم: هلا طلال اسمع انت نسيت محفظتك بالمحل انا تحت العماره
طلال : تعال اصعد اذا مو مشغول
ادهم اللي كان موقف السياره بعد ما انتهى من الدوام وباقي على وقت الشركه: تمام جايك
قفل السياره ونزل لشقه طلال
دق الباب
طلال اول ماسمع صوت الباب فتحه : ادخل
ادهم: تمام اسف على الازعاج
طلال اخذ نظره عليه: ماله داعي الاسف مافي الا انا
ادهم: ليه وينهم ؟
طلال : ابوي رجع سافر ومحمد طالع خذ راحتك ايش تشرب ؟
ادهم: مويه
طلال رفع حاجبه: مويه ؟
ادهم ضحك: لاني طول اليوم بالمحل اشرب قهوه فا ابي اغير شوي
طلال دخل للمطبخ واخذ من الثلاجه عصير
ادهم: شكرا
طلال: شفيك محترم بزياده
ادهم ضحك: مو محترم بزياده بس تعودت
طلال: اها
ادهم: هذي محفظتك اسمع طلال اذا كنت محتاج شي او يعني محتاج دوام اضافي قول لي
طلال سكت فتره بعدها ابتسم : ليكون فكرت اني باخذ دوام ثاني علشان الفلوس ؟
ادهم عقد حواجبه: تقريبا
طلال ضحك: لا ماعليك انا اعتبر من اغنياء المنطقه
ادهم : تمزح ؟
طلال : لا والله بس اني اخذ الوظيفه علشان اندمج مع الناس لي سنه ونص ماختلطت بالناس ولا شفتهم وبنفس الوقت علشان ما اجلس وافكر كثير
ادهم بتفهم: اها طيب ليه ماتطلع مع محمد او تسوون لكم فعاليات بدال الدوام ؟
طلال: لا بالنسبه للدوام اللي قلت لك اني بدخله هذا ابوي موصيني عليه وقال لي لازم ازوره واشوفه
ادهم: اها
بعد حديثهم طلع ادهم ومعه طلال وكل واحد ركب سيارته وتوجه لوجهته ادهم للشركه
وصل للمحل وكان من حظه انه فاضي الا من كم شخص
دخل وتقدم من عند هادي
هادي بفرح : ياهلا والله تو مانور المحل
طلال ابتسم قبل يتقدم منه: هلا فيك منور بصحابه
هادي : حياك اجلس
طلال: ابي اكلمك بموضوع بس بعد ماتنتهي من الدوام واضح انو باقي شوي وتخلص
هادي : اي والله بس شفيك شكلك مو طبيعي تعبان؟
طلال اللي كان يحس بجسمه حار وصعوبه حركته اللي فجاءه صار جسمه ثقيل : لا مافي شي ارهاق بس
هادي : اجلس اجل شويات واجيك
طلال: تمام
بعد ما قفل المحل تقدم منه وجلس قدامه: امرني
طلال: مايامر عليك عدو فيه مجال لموظف جديد ؟
هادي بستغراب : تبي تتوظف هنا يعني ؟
طلال: اي ياليت اذا ماكان يضايقك
هادي : لا والله بالعكس بنبسط كذا رح يكون معي احد واتسلى معه
طلال ابتسم: اجل شوف وش الازم علشان اخلص التقديم
هادي بحماس : دقيقه بس
قام هادي وراح للغرفه الموجوده طلع الاوراق ورجع لطلال والدنيا مو سايعته وكان الكلام اللي بخاطره* كان امي حست انه رح يصير كذا * حط الاوراق قدام طلال
هادي : اكتب اسمك هنا ووقع
طلال ابتسم قبل يكتب : طلال فهد ال **
هادي فتح عيونه بصدمه: ايش ؟
طلال استغرب وحس انه غلط بشي : شفيك ؟
هادي : اسمك ؟
طلال: اي اسمي شفيه ؟
هادي : متاكد ؟
طلال: اي متاكد شفيك هادي
هادي طلع بطاقه الاحوال وحطها قدام طلال : نفس الاسم
طلال عقد حواجبه: بس انت اكبر مني
هادي : اي
طلال: كيف كذا ؟
هادي : مدري بس متاكد ان امي عندها الاجابه لهالسوال
طلال: بس انا عندي اخ من ابوي وامي كيف امك عايشه ؟
هادي برتباك : مدري مدري طلال
طلال: اتصل على امك وشوف اذا فاضيه
هادي طلع الجوال برجفه ورد لان امه جاوبته بسرعه : الو هلا يمه
الام : هلا هادي شفيه صوتك كذا ؟
هادي: يمه وينك ؟
الام؛ بالبيت يعني وين بروح
هادي : مسافه الطريق جايك
الام بستغراب سكرت الجوال بعد ربع ساعه سمعت صوت القفل تقدم منها
هادي: يمه انا عندي اخوان ؟
الام حست بالخبر مثل الصاعقه كانت تخبي الموضوع عن هادي بس ماتوقعت يجي اليوم اللي يسالها فيه عن هالشي تنهدت قبل تسال: قابلتهم ؟
هادي بسوال : قابلتهم ؟ ليه كم اخ عندي
الام : ٢ واحد اكبر منك وواحد اصغر منك
هادي : طلال اللي اصغر مني
الام بتعابير قلق: طلال ؟ هو نفسه اللي يجيك بالمحل
هادي : اي يمه اليوم كتب اسمه وكنت مستغرب انه نفس الاسم شصاير يمه ليه كذا
الام : ياولدي ابوك تزوجتي بعد ماجاب اخوك الكبير وجبتك بعده انفصلنا
هادي : يعني اللي واقف برا صدق اخوي ؟
الام : هو برا ؟
هادي : اي
الام طلعت صوره من محفظتها: خذها له واذا تاكدت انه عرف الشخص اللي فيهاا بيكون صدق اخوك
هادي اخذ الصوره وطلع بسرعه شاف طلال واقف برا
طلال تقدم منه وشاف الصوره : ابوي ؟
هادي ضم طلال بدون مايتكلم اما هو اللي كان مو مستوعب هل صدق هذا اخوه يعني باقي واحد من اخوانه مفقود ؟ رفع يدينه ودموعه تنزل مو مصدق اللي جالس يصير ضمه له بقوه
بعد ماهدو
طلال: تمام انا بروح الحين وبزورك بكرا تمام ؟
هادي : تمام
طلال راح منه لموعده المقرر مع اصيل
اصيل اول ماشاف شكل طلال سال بغضب: شصاير ليه شكلك كذا ؟
طلال اللي دخل للشقه حاول يفتح عيونه بصعوبه وطاح على الارض مغمي عليه
اصيل بخوف واربتاك: طلال طلال شصاير ؟
قرب منه ومسك وجهه * حرارته مرتفعه * سنده عليه وشاله للغرفه سنده على السرير وراح يجيب العلاجات بدا يعطيه العلاج والمنشفه البارده اللي على راسه تنهد بقلق * وش صاير لك ليه حالتك كذا امس ماكان فيك شي *
طلال اللي كان يتنفس بصعوبه وثقل بانفاسه وكان يتمتم باشياء غير مفهومه
اصيل: اشش طلال انا هنا اهدى
صباح اليوم الثاني
صحى من النوم سكرعيون بالم من نور الشمس : وين انا
عارفه طولت عليكم بس هالفتره اجازه عندنا وصاير اغلب الوقت سفر ♥️♥️♥️🌚 بس جايتكم باحداث
كيف المفاجئه وايش توقعاتكم للجاي معرفه طلال بهادي وهل رح يتقبل هادي طلال والعكس فلاح وسفره وتعبه محمد ووجوده بحياه طلال هل رح يتغير اصيل هل هو فعلا اخو طلال او انه يعرف اخوه ♥️♥️😍 يلا انتظرررر توقعاتكم
