تركه وراح يشوف طلبات الزباين بعد ما انتهى طلبه
تميم تقدم والطلب بيده حطه على الطاوله ورتبه: نورت استاذ
طلال مارد عليه اكتفى انه يومئ براسه
بدا ياكل اما الباقي انشغلو بالترتيب وتلبيه طلبات الزباين بعد ما انتهى قام وكتب بورقه وطلع ما انتبهو له وبعد ما اخذ اخر طلب بالدور التفت يشوف طاولته شافها فاضيه استغرب تقدم منها حصل ورقه
مشكور على اسلوبك معي وشكرا على الفطور كنت محتاج هالطلعه من فتره طويله
طلال
ادهم بهمهمه : طلال
سكت وخبى الورقه داخل جيبه وراح يلتفت للزباين
بوقت الغداء راح نايف يوصل الطلب لطلال مع رساله
طلال استلم الطلب والرساله
اهلين طلال اعتذر لاني رسلت لك الاكل بس ماقدر اتواصل معك بغير هذي الطريقه فا اتمنى تعذرني
واذا ممكن اطلب منك طلب انا محتاج موظفين اذا فاضي وعندك وقت تجي تتقدم لها المنصب
ادهم
طلال حط للورقه على الطاوله ودخل لغرفته دخل لسريره وهو يشوف جواله طايح بالارض طافي ماحس بنفسه لما نام اليوم الثاني صحى من النوم وهو يحس بحراره بجسمه ورجفه خفيفه تنهد لما تذكر انه ما اكل من الاكل اللي امس وانه تركه على الطاوله بعد مده
لبس وتجهز ورش عطر عدل شعره وحس انه شكله غريب شوي بالشعر وانه اهمل نفسه وله مده طويله ماراح للحلاق قرر يروح بعد مشواره اللي بيروح له وقف قدام المكان وكان يشوفه من مسافه بعيده انتبه للي وقف سيارته اللي واضح انها من احدث الموديلات واللي نزل منها نفس الشخص اللي يقدم له الاكل ويهتم فيه ادهم
تقدم منه وبتردد
طلال: ادهم صح ؟
ادهم اللي كان يقفل السياره وما انتبه لطلال وهو يتقدم منه التفت ببتسامه: هلا والله طلال
طلال: اسف اسف اسف برجع وقت ثاني
ادهم قرب منه ومسكه طلال بعد يدين ادهم بسرعه: لاتلمسني
ادهم تاكد ان سبب خوف وعدم اختلاط طلال بالناس له سر : طيب خلاص مارح المسك بس لاتروح خلك هنا انت جاي علشان الرساله صح ؟
طلال كانت نظراته تايهه : اي بس
ادهم: تعال ندخل ونجرب نص اليوم مارح اجبرك على شي ماتبيه
طلال تردد قبل يدخل ويروح معه
اول ماوصلو لغرفه التبديل
تميم : تتوقع من الموظف الجديد مررره متحمس له
نايف رفع حاجبه بستنكار: ليه متحمس ؟
تميم ؛ طفشت من وجهك وادهم مو كل يوم هنا ولا ياسلام لو اقابله كل اليوم ماعندي مانع
نايف : اهه ليته يسمعك
تميم : تكفى لاتقول اسمه ينظ عليك
ادهم وطلال اللي سمعو حرفيا كل شي
ادهم؛ تميم ؟
تميم برتباك: هلا ادهم
ادهم عض شفته يكتم ضحكته: ناوي تنام بغرفه التبديل ؟
تميم طلع بسرعه بعدها رجع : انتت ؟
طلال تفاجى ورجع على وراء من ردت فعل تميم : هاه
تميم بحماس : انت الموظف الجديد يسسس ياربي الطاقم كلهم حلوين
نايف تنهد بقله حيله : تميم اهدى شوي لايشطح تفكيره بعيد الحين
ادهم: تميم طلال بيجلس معنا اليوم كتجربه
تميم بحماس : مو مشكله يتعود بعدين
طلع وهو يغني ويدندن اما ادهم اللي دخل لغرفه التبديل
ادهم : طلال تعال
طلع له البدله وكانت ابيض واسود
طلال اخذها وقرر يخوض هالتجربه مارح يخسر شي بعد التبديل طلعو راح مع ادهم يعرفه عن المكان بكل تفاصيله
ادهم: اتمنى تكون تجربه ناجحه
طلال اللي ابتسم بتوتر : اتمنى
ادهم: شوف طلال متى ماحسيت انك مرتبك او متوتر من شي قول لي واطلع من المكان تمام
طلال اومئ بدا الدوام هادي بس بنص الوقت
طلال انتبه لدخوله وقف بخوف ورجفه وبنفس الوقت كان التساؤل الوحيد اللي بداخله* كيف عرف اني هنا *
محمد تقدم من ادهم وطلب طلبه المعتاد اما طلال صد بعيد عنهم وراح لزاويه بعيده
رفعت يدها : لو سمحت
طلال ارتبك ورجع صدم بتميم وطاحت منه الاكواب زاد توتره وخوفه محمد التفت ناحية الصوت انصدم لما شاف طلال اما طلال اللي نزل وبدا بجمع كل شي تكسر وطاح وما انتبه للدم اللي بيده
البنت وقفت بخوف : يدك تنزف
طلال بعد عنها بسرعه وماحس بنفسه لما طاح على الارض ويدينه ترجف ادهم اللي انتبه لتعقد الوضع ونظرات محمد لطلال مشى بتجاه طلال ومسك يده يساعده
ادهم: طلال قوم معي
طلال مسك يده رغم الالم اللي تجاهله وحاول يهدي نفسه دخل مع ادهم ومارفع راسه ويده بيد ادهم ترجف بقوه ادهم شد على يد طلال
ادهم: طلال اهدى ماصار شي
طلال بخوف : شلون ماصار شي وكل هذا صار بسبب
ادهم قاطعه: مو بسببك بسبب صاحبك اللي جاء صح ؟
طلال رفع راسه وواضح الرعب بعيونه: هو ماعاد يبي يشوفني حتى اهو يلومني على موته هو هو كان الوحيد اللي يعتبرني صاحبه واحتواني بكل هالسنه وهو اللي حاول يقربني للدنيا ويطلعني صدمته بكلامي وتصرفاتي
ادهم مسك كتفه : طلال اسمعني صاحبك اللي برا اذا هو صاحبك حقيقي
قطع كلامهم الباب اللي انفتح بقوه
محمد بخوف قرب منه: طلال صار لك شي طلال انت ببخير
اما طلال اللي بدت تتوسع عيونه بصدمه : محمد
محمد قرب منه ومسك يده تنهد وبدا يتحلطم على تصرفات طلال الطايشه
طلال بصوت متقطع: انت ليه
محمد رفع راسه له : ايش اللي ليه ؟
طلال بتوتر وخوف : ليه ت
محمد قطع كلامه: مو وقته بس تخلص دوامك نتقابل بشقتك تمام ؟
ادهم اللي اول مادخل محمد قرر ينسحب ويبتعد عنهم شوي تميم ونايف رتبو المكان ورجعو للشغل ولا كانه شي صار انتبه لخروج محمد وبعد دقايق طلع طلال
محمد التفت لطلال وببتسامه: ممكن تسوي لي قهوتي لان ماحد يضبطها غيرك
طلال للحين فيه توتر انحرج : طيب
راح وبدا يسوي القهوه وبعد دقايق عطاه الكاس
محمد : اجيك ولا تجيني ؟
طلال : مدري متى بخلص علشان كذا برسل لك
محمد تنهد: جوالك مغلق دقيت عليك الصبح شكله طافي
طلال : اي صح خلاص مو
ادهم قاطعه : رح ينتهي الدوام ١٠ اذا تبي تجي ابكر عادي لان طلال مو موظف رسمي للحين تحت التدريب
تميم بنفعال : ايششش ليه تحت التدريب المفروض توظيف على طول انت ماشفت مهارته وترتيبه ؟
محمد تفاجئ من انفعال تميم وحمايته لطلال وانه يبيه يظل عندهم ضحك عليه : طلال متعود من زمان مايحب شي مو مرتب او شي فوضوي
طلال بعتب : محمد
محمد ابتسم والتقت عيونه بعيون ادهم: شكرا لك
ادهم اومئ براسه
بعد مده طلع محمد وبدو يرجعون يرتبون كل شي
وقت نهايه الدوام
ادهم بتفكير: همم كيف اقنعه يعني انه يبقى ؟
تميم: شوف اعرض عليه يعني
نايف : لاتضغطون عليه اتركوه على راحته اذا بيكمل او لا
ادهم: بس
نايف كان الوحيد اللي بينهم يفكر الف مره قبل يسوي اي شي وكان بباله مايبي يسوي شي يسبب لطلال الاحراج او المشاكل
ادهم تنهد ورفع نظره لتميم: خلاص بننتظر يعني لما اهو يجي ويقول لنا
طلال اللي طلع بعد ما انتهى من كل شي كان متوقع محمد ينتظره برا وطلع حصله بسيارته وقف فتره يفكر قرب من عند باب السايق
محمد نزل النافذه وبستغراب : شفيك يلا اركب
طلال: تنتظرني شوي عادي ؟
محمد ابتسم: اي عادي
طلال رجع داخل وشافهم مجتمعين : ادهم
ادهم بستغراب : هلا طلال ماطلعت ؟
طلال بحرج : طلعت بس رجعت اقول لك اذا اقدر اجي بكرا
تميم من الفرحه صرخ بحماس : يسس
نايف اللي كتف يدينه واكتفى بابتسامه
ادهم اللي فاجئه الطلب : اي عادي المحل محلك باي وقت
طلال ابتسم: شكرا لك
البارت الثاني كيف الروايه معاكم 🙆🏻♀️♥️ ؟؟؟ ايش توقعاتكم للجاي ؟
