طلال اللي كان نايم بسلام
اصيل بخوف قرب منه لما شافه بدا يتمتم ويعرق كثير : طلال طلال
طلال صحى وتمسك ب اصيل بخوف ورجفه: لا لا والله مو بسببي تكفى قول لهم
اصيل مسح بيده على ظهر طلال : اشش اهدا
طلال بعد ماهدا : خايف خايف يا اصيل
اصيل: لاتخاف انا هنا
طلال تنهد قبل يرجع راسه على الوساده ويغمض عيونه
بعد ساعتين
طلال فتح عيونه وبخوف قام تاكد ان اصيل مو موجود طلع من الشقه بعد ماترك الباب مفتوح شوي اما اصيل اللي توه وصل من برا وانتبه للباب مفتوح وبصدمه راح يتاكد من طلال اذا موجود ولا لا ماشافه راح يركض لتحت العماره شافه يمشي بعيد عنه راح له يركض اصيل بداء ينادي طلال بس مارد عليه انصدم معقوله مايسمعه ؟
اصيل مسك يد طلال بقوه وبخوف : طلال
طلال اللي كانه فاق من سرحان طويل : اصيل ؟
بعد يده بخوف عن اصيل: بعد عني ليه تجي ؟
اصيل مصدوم ؟ وش جالس يصير : طلال اهدى
طلال بخوف بداء يبعد عن اصيل: لا ابعد اذا قربت بتموت اذا صرت بحياتي بتموت
اصيل مسك طلال من كتفه ماعاد يقدر يسكت ويظل هادي لما يشوف اخوه يضيع منه : طلال اهدى اسمعني انا مارح اموت فاهم صحصح انت لازم ترجع طلال اللي قبل واحسن علشانك * هدت نبرته* وعلشانا ابوك انا هادي اخوانك محمد ادهم تميم نايف اصحابك لازم تستمر بالعلاج فاهمني طلال
طلال كان يناظره وكانه مو فاهم شي وكانه بعالم ثاني : كلكم بتموتون هو قال لي
اصيل فتح عيونه بصدمه: لا انت انجنيت رسمي
طلال سحب يده من اصيل ؛ بعددد عني
اصيل رجع مسك طلال وسحبه وراه لشقته تحت مقاومه طلال بعد مادخله بالغصب
طلال دخل الشقه بندفاع وطاح على الارض : مجنون ؟
اصيل بصرخه: اي مجنون علشانك رح اكون مجنون ليه تسوي كذا ليه وش تبي توصل له
طلال : ابي اموت كل مره احلم بنفس الحادث وانه خايف علي لايصير لي شي وهو اللي مات امي وابوي ماتو انتو اذا بقيتو معي رح يصير لكم نفس الشي
اصيل مسك ياقه الثوب عطاه كف طلال فتح عيونه مو مصدق لاول مره الشخص الحنون اللي بداء يحتويه يمد يده عليه
اصيل: اصحى اذا صار لي شي فا هو بسببي مو بسببك فاهم ؟
طلال: بس
اصيل: لا بس ولاشي قوم اخلص بدل وتعال بسوي الفطور
طلال: بس ثيابي
اصيل: جبتها من شقه محمد تقدر تاخذ لك من دولابي بعد
طلال وقف وراح اخذ له بدله ودخل الحمام وقف قدام المرايه مسك خده : اصيل ؟ ليه يسوي كل هذا معي معقوله يقدر يرجعني مثل اول ؟ بس احلامي رح تستمر معي والخوف رح يستمر كيف رح اقدر استمر انا ابي اتعالج واكون احسن من اول بس ايش صار لي من شوي
اصيل دق الباب : طلال انت بخير ؟
طلال : اي بتروش واطلع
اصيل بعد عن الحمام بستغراب : له ربع ساعه للحين ماتروش ؟
طلال بعد ماتروش طلع وشاف الفطور وكوبين قهوه اخذ كوبه : صباح الخير
اصيل ابتسم: صباح النور
وبدو ياكلون بعد مده وقف اكل
طلال: اصيل ابي اسالك سوال
اصيل اللي رفع راسه لطلال: قول ؟
طلال: ليه تبي تساعدني
اصيل : كل مره برجع اعيد لك نفس السبب ؟
طلال ابتسم ابتسامه غريبه: ماتوقع علشان اخوك ولا
اصيل قشعر جسمه من ابتسامه ونبره طلال: شتقول انت
طلال : ولاشي اسف
بعيد عنهم
الجده: محمد وين ولد خالك فلاح ماجاء معك ؟
محمد ببتسامه تسليك: ياجده عنده دوام مايقدر يتركه
الجده بتكذيب: لك سنتين تسكت فينا بالوظيفه
محمد وقف بغضب: تبينه اتصلي على خالي اساليه لاتزعجيني
الجده بكره: دايم ولدك كذا يا عبدالله مايحترم اللي اكبر منه
عبدالله حاول يهدي الوضع : ياخاله لاتضغطين عليه
الجده وقفت بعصاها : بيتي يتعذرك ترا مو اول تصرف تسويه
محمد طلع من البيت بعصبيه عبدالله لحق ولده
عبدالله: محمد اهدى ياولدي
محمد بعصبيه: يبه مو شايف تصرفها معي وكل مره يجي طلال تقط عليه من الكلام اللي يسم البدن ويخليك تكره عيشتك مو ناقص الولد
عبدالله: حتى ولو هذي جدتك
محمد: جدتي على عيني وراسي بس لكل شي حد
عبدالله: خلاص ياولدي ارجع للبيت وانا بشوف امك اذا بتجي ولا لا
محمد ركب سيارته بعصبيه انتبه لجواله اللي يدق كان بيتجاهله لولا انه شاف اتصالات من طلال وفلاح وكم اتصال قرر يتصل على فلاح اول
فلاح اللي رد على طول : هلا بالقاطع
محمد سند راسه على المقود : لاقاطع ولاشي بالديره كويس الواحد يحصل وقت لنفسه
فلاح : شفيه صوتك ؟
محمد : ولاشي وبعدين تعال قول لي متفقين علي انتو ؟
فلاح بستغراب : شتقصد ؟
محمد: انت متصل وولدك متصل شعندكم
فلاح : يعني مانتصل نتطمن
محمد: الا تطمن عسى مايتطمن غيرك
ضحك فلاح: ايوه خلك كذا نفس ماعرفتك
محمد: بقول لك شي مضايقني
فلاح عقد حواجبه بضيق : قول
محمد حكى له اللي صار
فلاح تنهد: امي مارح تترك طلال بحاله ؟
محمد : عجزت كل مره اقول لها ولاتسمع انفجرت فيها اليوم وطردتني
فلاح: ماعليك تزين
محمد: قول لي انت كيف علاجك ؟
فلاح: ماعلي باقي لي شهرين واخلص العلاج كامل
محمد ابتسم براحه: كويس طمنتني
فلاح : يلا بسكر الحين تبي شي ؟
محمد: انتبه لنفسك
سكر منه واتصل على طلال
طلال اللي كان في شقه اصيل: هلا بالغالي
محمد بضحكه: اوووووه لا واضح اشتقت لي
طلال ضحك: بدون كذب اللي يسمعك يقول ماقول لك كلام حلو
محمد: ايوه واخبارك
طلال ضم رجوله لصدره: خايف يامحمد
محمد : ليه
طلال: من كل شي خايف يعني من التغيير من اخواني من اللي جالس يصير انا حتى انا نفسي خايف مني
محمد بقلق: طلال لاتقول كذا وغلاتي عندك لاتترك اصيل وابدا علاج فلاح باقي له كم اسبوع ويرجع يبي يكون معك مو انت اللي اصريت عليه بانه يتعالج ويكون معك بالحلوه والمره ؟
طلال: اي
محمد: يلا عاد لاتتصرف بطفوليه واستمر بالعلاج
طلال ابتسم: تمام بحاول
محمد: لاتحاول قول بسوي هالشي علشانكم
بمكان ثاني
التقول بكوفي
هادي: معقوله كل هذا خايف من التغيير ؟
اصيل : احس اني مو عارف كيف اتعامل معه نسيت كيف اتكلم معه قبل يعرف كان ييتكلم لي عن كل اللي بقلبه واللي يصير بدنيته
هادي: ولاتنسى الاحلام اللي يحلم فيها
اصيل: تصدق خاطري اساله عن نوع الحلم وليه يخاف من احلامه لهالدرجه
هادي : لاتساله ولاتسبب له وجع غير اللي فيه
اصيل وقف: يلا بروح له انا الحين انتبه لنفسك وزورنا عاد تمام
هادي لوح له بيده
بالشقه
اصيل دخل للشقه: طلال ؟
طلال: انا هنا
اصيل دخل وشافه متكور على نفسه بالكنبه : نبدا ؟
طلال عقد حواجبه: بايش؟
اصيل: جلسات العلاج
طلال رفع حاجبه: هنا ؟
اصيل: هنا واليوم وببالساعه وبهالدقيقه
طلال وقف : بس
اصيل قرب منه وبحماس: لاتقول خايف خليك قوي ورح نتغلب على كل شي
♥️♥️♥️♥️ توقعاتكم للجاي ؟
