ادهم ببتسامه : ماعليك انا بتصرف اخر سوال ؟
محمد : قول
ادهم كان متردد بس فيه فضول : من هو الشخص اللي فقده طلال
محمد : كنا ٣ اقرب من الاخوان من كثر ما احنا كل يوم مع بعض وحتى اذا تهاوشنا * ابتسم* مره تهاوش هو وطلال بالليل طلعت مع صاحبي حتى وهو زعلان من طلال ماتركه وجلس بجنبه
ادهم بستغراب قوي : زعلان منه ويجلس معه كيف كذا ؟
محمد : سالته انا مع اني كنت واثق من اجابته جاوبني
لما يكون طلال لحاله يدخل بدوامات تفكير قويه وخيال مو زين وبنفس الوقت انا بكون معه بكل اوقاته حلوها ومرها فا ماله داعي موضوع سخيف يفرقنا وخصوصا انك طالع مع صاحبك وهو لحال وانا لحال
ادهم باعجاب : لها الدرجه ؟
محمد : واكثر من كذا
ادهم : وايش اللي جمعكم سوا ؟
محمد : امم حكايتنا طويله وما اتوقع اني اناسب احكيها لك انا متاكد ان طلال بيتكلم معك بهالقصه قريب
ادهم: تمام اسف اني رجعت لك ذكريات انت مو حابها
محمد : عادي ولايهمك
ادهم: تمام انا بروح الحين تركت امي واخواني بالبيت بروح اشوفهم وشوي وارجع لكم تبغى شي تاكله واضح انكم ماكلتو من الصباح وخصوصا طلال واضح من اغمائه
محمد تنهد: اي والله ياليت اذا مافيها تعب عليك انا لو بشقتي كان رفضت بس شوفه عينك الشقه فاضيه من كل شي
ادهم طلع تاركهم وراه بعد نص ساعه فتح الباب وطلع انتبه لمحمد اللي جالس بالارض وبخوف قرب منه
طلال : محمد
محمد ابتسم : صح النوم
طلال : صح بدنك انا كيف جيت هنا؟
محمد : سالفه طويله بس لاتحاتي ماصار شي
طلال : محمد انا ضايقتك ؟
محمد : لا ماضايقتني
طلال ظل فتره ساكت تكلم وصدم محمد بكلامه اللي حتى اهو خايف يقوله : محمد اطلع من الشقه وانساني
انسى ان لك صاحب اسمه طلال انساني اعتبرني مت مع جاسر
محمد مو مستوعب كلام طلال وليه هالاندفاع : طلال انت وش جالس تقول
طلال بصرخه: قلت لك اطلع اتركني بروحي مابغاك معي
محمد تنهد ووقف : انت متاكد ؟
طلال بحده: اي اتركني خلاص انساني انت ماعندك كرامه تبقى بجنب واحد مايبيك ؟خلاص اتركني
محمد مشى متوجه للباب بنكسار ماكان متوقع طلال يوصل لها المرحله ووقف التفت عليه : انا بشقتي لو تبغاني باي وقت رح يكون مفتوح لك قلبي قبل الشقه
طلع محمد ادهم اللي كان واقف وسمع نص الكلام بس عرف وش اللي صاير دخل بتردد
ادهم : متاكد من اللي سويته ؟
طلال رفع راسه له وبحزن: هذا الاحسن له
ادهم: بس انت ماسالته عن اللي هو يبيه واللي احسن له
طلال: اذا بقى بجنبي رح يتدمر
ادهم : بس مالك حق تقول له
طلال بنفعال ودموعه تنزل: عارف عارف محمد هذا مو اخوي وبس هذا روحي وتوامي بس ماقدر اخليه بجنبي اكثر من كذا انا كل يوم حالتي تكون للاسوء وهو يبقى بجنبي ويقويني ويساعدني ومهما قال انه رح يتركني مايتركني وبالعكس يكون بجنبي يطبطب علي ويهون علي كل شي يصير
ادهم: بس حتى ولو كان المفروض انك تقول له هالكلام
طلال : ماقدر
ادهم: انت ماتدري ايش ممكن يصير بمحمد الحين بسبب كلامك
طلال بخوف : ايش وش تقصد ؟
ادهم: اقصد انك خسرت شخص بالبدايه ناوي تخسر الثاني
طلال قشعر جسمه وبخوف وضح بعيونه وملامحه: لا لا الا محمد تكفى ادهم قول له
ادهم مسك يد طلال وخذاه وراه ركبو السياره : وين بيت محمد
طلال بدا يوصف البيت وهو يحاول يتصل على محمد شاف الساعه ورجفت يده بخوف الساعه١١.٣٥ فرق ساعه : لا لا لا تكفى محمد لا تكفى تكفى لاتقولها تكفى محمد
وصلو للشقه ونزل طلال قبل يوقف ادهم وراح يركض لشقه طلال بدا يدق الباب بشكل جنوني لدرجه طلع صاحب الشقه اللي بجنبهم
تكلم بنزعاج: نعم خير على هالازعاج
طلال : اسف بس صاحبي مايف مايفتح
بدا يدقق بملامح طلال: انت صاحب محمد اللي دايم يجي له صح ؟
طلال: اي انا
تنهد قبل يقول : محمد صعد السطح صاير يق
طلال ما انتظره يكمل كلامه وصعد للسطح فتح الباب وهو يحاول ينظم تنفسه
محمد اللي كان جالس على الكرسي فز بخوف على صوت انفتاح الباب ومنظر طلال : طلال ؟
طلال ركض بتجاهه وضمه :انت بخير
محمد كان مستغرب ومحتار من حاله طلال : طلال شصاير قول تعبان فيك شي
طلال بعد عنه عض شفايفه بقوه قبل ينطق : وين جوالك
محمد : بالشقه تركته وجيت هنا اريح راسي
طلال ضرب صدره : انت متخيل كل الافكار اللي جات براسي * كمل يضربه* كنت مفكر خسرتك مثل ماخسرته ليه تتعمد تسوي كذا ليه انت تبقى بجنبي ليه ما احس اني بخير الا بجنبك
ادهم استند على الجدار ويشوفهم من بعيد محمد رفع راسه وعرف ان ادهم متكلم معه
محمد مسك يدين طلال : ماكنت بتركك او اخليك وانساك كنت انتظر متى تروق وترجع تعتذر بس ماتوقعت انه بيصير بسرعه هالشي
طلال بعد عن محمد وجلس بالارض قبل يغطي وجهه بيدينه : انا اسف اسف اني قلت لك كل هالكلام ادري اني جرحتك بهالكلام بس انت كل وقتك وانت بجنبي احسك تتعذب مو عايش حياتك نفس العالم ودايم اسبب لك مشاكل واتهاوش معك
محمد نزل لمستواه ولعب بشعره: وهذا دور الاخوان
طلال ابتسم بوسط دموعه اللي تنزل : تكفى سامحني واوعدك اروح اتعالج وارجع نفس قبل جاسر مارح يرجع من جديد وانا لازم اكمل حياتي بعد
محمد بفرح : صددق وعد توعدني انك تروح ؟
طلال ابتسم: اوعدك واني ما اروح الا معك
محمد ضمه له بقوه: الله لايحرمني
طلال ابتعد عنه وظل يناظر بالفراغ: محمد عندي سوال بعد اللي صار كله من فقدنا جاسر
محمد: قول
طلال: ليه انت معي وليه تحاول تساعدني باني اكون افضل حتى بعد مرور سنه كامله للحينك تساعدني وتكون معي دايم
محمد ابتسم: لانك اخوي ياطلال كم مره بقول لك انت اخوي وجاسر اخوي خسرت واحد منكم مستحيل افرط في الثاني
ادهم تنهد وهو يصفق : يلا ياحلوين ماودكم تجون علشان ناكل
محمدرفع راسه له: شكرا
ادهم: ماتوقع سويت شي تشكرني عليه
طلال ابتسم قبل يمشي بجنب محمد نازلين لشقته بعد الاكل كانو بالصاله وطلال طلب يسوي الشاي
طلال حط لكل واحد كوبه: خذو بالعافيه
ادهم: يعافيك
طلال : اسف ادهم اذا سببت لك ازعاج او مضايقه
ادهم ابتسم: لاتعتذر ماصار شي
محمد : ايوه طلال تقول لي بكرا كيف دوامك ؟
ادهم: من الساعه١٢ ل١٠ الليل
محمد: حلو حلو يعني الصباح فاضي
طلال اللي كان يشرب وكانه فهم محمد بدا يكح بقوه: محمد توني ترا خلني استعد نفسيا
ضحكو عليه قبل يتكلم محمد
محمد : ادري بس بما انك مستعد ومتجهز حاليا كل ماصار اول باول يكون احسن
طلال تنهد: يالله انا ليه وافقت
ادهم: ابد وحتى لو بيطول معك خذ راحتك
طلال بصدمه: بعد ياخذ راحته ؟
ادهم ضحك على طلال واسلوبه وصدماته اللي كل شوي يستوعب شي : اي ليه لا
طلال : تاكدت انكم متفقين علي
دق جوال محمد واللي خلاه يروح للغرفه ويشوف المتصل طلع من الغرفه قبل يرفع الجوال بوجه طلال اللي عقد حواجبه بقلق وتردد من انه يرد
ادهم انتبه لاسم المتصل * فلاح * بس ماكان يعرف من هو
♥️♥️♥️🙆🏻♀️
