اليوم الثاني
ماصحى لانه كان مواصل ومانام من الخبر اللي وصل له
كان يحرك جسمه بشكل عشوائي بالغرفه ويلبس لانه بيروح لدوامه طلع شاف محمد اللي جالس بس مغمض عيونه وواضح انه للحين فيه نوم
محمد: ها بتروح؟
طلال: اي اسمع اذا جاء اي احد يسال عني قول له مو موجود
محمد استغرب : من بيجي ؟
طلال: ولا احد بس لليوم والايام الجايه
محمد زادت حيرته صح انه عاش مع طلال بس للحين مو فاهمه ولا عارف تصرفاته الغريبه اللي كل فتره تتغير
طلال طلع من الشقه للسياره
شغل السياره وبباله الافكار الكثير* كيف بواجهه بعد ماصار اللي صار امس كيف رح يتقبل فكره انه اخ لمريض لا انا لازم احط حد *
فتح محادثته قبل يحرك السياره: اسف بس اليوم ماقدر اشوفك
اما من جهه ثانيه اصيل اللي كان جالس بشرب قهوته انتبه لصوت جواله فتح الرساله : غريبه ؟
طلال راح للدوام وكان مره نشيط صح فرحان بس بنفس الوقت غريبه تصرفاته
تميم بهمس: نايف شرايك نطلع اليوم الليل طلال عنده دوام بالليل متاخر بس انه عنده وقت بعد الدوام ل٩
نايف : قول له واذا اعترض لاتجبره
تميم : تمام
رجعو للشغل باقي نص ساعه على انتهاء الدوام
تميم: طلال تطلع معنا ؟
طلال اللي استغرب : وين ؟
تميم حب تفاعل طلال معه وانه يساله: بنطلع نتمشى بعد الدوام عارف ان عندك دوام الساعه ٩ علشان كذا مارح نطول اذا يناسبك ؟
طلال: اي عادي
تميم بفرح: صدق يلا تمام اجل نروح بعد الدوام
بعد ما انتهو من طلعتهم
تميم بفرح: ماتوقعته كذا يعني جوه حلو
نايف : واضح انه شخص مره مرح وروحه حلوه بس الظروف اقوى منه
ادهم: هو شخص عادي مثل اي شخص بس نفس ماقال نايف ظروفه صارت صعبه بالسنتين الاخيره
تميم : ايوه ووين نكمل الجدول ؟
نرجع لطلال اللي حكى لهادي عن اخوه الكبير وكانت صدمه لهادي رغم انه حاول يقنع طلال بانه يقابل اصيل بس فشلت خططه وبنفس الوقت هادي كان خايف على طلال بشكل كبير خصوصا اسلوبه وكلامه ورجفته معه
مرت ٥ ايام
طلال للحين يتجاهل اصيل ولا كانه يعرفه وكل ما اتصل يتطمن يقول انه بخير ويسكر
اصيل وقف قدام الشقه دق الباب
محمد: جاي يلا
راح للباب وفتح انصدم لما شاف اصيل: هلا ؟
اصيل: طلال موجود
محمد تذكر كلام طلال له بانه مايقول لاحد : طلال طالع
اصيل بجديه : بس سيارته هنا
محمد : اي واحد من اخوياه جاء خذاه
اصيل عقد حواجبه وتنهد: تمام
تركه ونزل جلس بالسياره لاكثر من ساعتين طفش وقرر يروح ويرجع الليل
اما طلال وصله مكالمه من محمد يقول له اخذ نفس وهو يفكر هل يروح ولا لا قرر انه يتجاهل الفكره رجع للشقه يحس بتعب صاير نومه قليل واكله مو منتظم توتره من اي كلمه عن اصيل من هادي او محمد
بدل ثيابه بينزل يمشي بمكان بعيد عن الناس
اصيل اللي وقف سيارته وانتبه لخروج طلال على طول اتصل عليه اما طلال اللي طلع جواله وقفل المكالمه بقلق
ركب السياره
اصيل: شصاير معك ياطلال لدرجه تتجاهلني وماترد علي وترفض انك تشوفني وتتهرب مني
حرك سيارته وراء طلال ووصلو لمنطقه المشي
نزل طلال حط سماعته
اتصل اصيل بمحاوله اخيره قبل يتصرف وتنهد لما شاف طلال مقفل جواله
نزل من سيارته طلال انتبه لاصيل فتح عيونه بصدمه لوجوده بنفس المكان
طلال برتباك: اصيل اقصد دكتور اصيل
اصيل قرب منه وبضيق : شصاير؟ شايف مني شي
طلال : هاه لا ماصار شي تبي شي ولا بروح
اصيل: توك واصل فهمني انا وش سويت
طلال بتهرب : ولاشي ليه شصاير
اصيل مسك يد طلال وبجديه وعصبيه : تجاهلك الغاء المواعيد اتصالاتي اللي ماترد عليها انك تقول كل مره انك مو بالبيت
طلال رفع يده على وجهه: ماقدر اقول لك
اصيل عقد حواجبه: اجل صاير شي مني
طلال: لا ماصار شي
اصيل صرخ: اجل ليه فهمني ؟ الليل اكون معك واليوم الثاني ماتبي تشوفني شصار علشان تكون كذا تجاهي ؟
طلال برجفه: مابغاك تعرف السبب
اصيل ضحك بستهزاء: اها يعني بتتجاهل وتتصرف بطريقه غريبه تجاهي وماتبي تقول ؟اوك براحتك انا بروح ولا ترجع للعياده
طلال اول ماشافه يعتبر جلس على الارض بنهيار وهو يشوف اصيل يبتعد عنه الف فكره جاته بهاللحظه*بيكرهني . بيبتعد . بينساني . بيروح مارح اقدر احصله. راح؟ . خلاص انتهى كل شي ؟ علشان ايش * : صرخ بغصه: لانك اخوووي
اصيل وقف وقشعر جسمه من كلمه طلال كان يسمع الكلمه كانه يسمعها لاول مره صح هادي جاه وكلمه بس ماقال له ان طلال يعرف التفت عليه
طلال بدت دموعه تنزل: لانك اخووي تعبت لما عرفت انك اخوي ماقدرت انام كيف جلست اتكلم معك عن اكثر شي خايف اقوله لاي انسان كيف شكيت لك همي اللي كنت اعالجه علشان اقابلك الف سوال وتصرف سويته والف كلام قلته تركني اتهرب منك حاولت كثير بس كل اللي كان ببالي كيف ارجع واقول لك اني اخوك وانا اتعالج عندك علشان اقابل اخوي وانا بخير مافيني كسر او جرح او خوف من اي شي بهالعالم
اصيل نزل لمستوى طلال وحط يده فوق كتفه : طلال حط عينك بعيني
طلال ماسمع له
اصيل بامر: ارفع راسك
طلال رفع راسه وكانه يستوعب: انت تعرف؟
اصيل : انت لما جيتني تبي تغير من نفسك علشان اذا قابلت اخوك تكون بعينه افضل شخص صح ؟
طلال: اي
اصيل بحنيه : وانت بنظر اخوك افضل شخص بس لازم تشارك حزنك وضيقك مع اخوك الاشياء اللي تحسها صعبه بحياتك وثقيله لازم تشكيها لاخوك
طلال بدت شهقاته تعلى: خايفف يااصيل خايف عشت بالخوف بعد فقد جاسر مرض ابوي وخبر ان عندي اخوان كيف رح يتقبلوني بكل الحزن والاكتئاب اللي كنت اعيشه
اصيل ضمه : قلت لك ايش فايده اني اخوك اذا ما احتويتك واذا ماساعدتك واذا ماكنت معك باصعب المواقف ؟
طلال رفع يدينه وتمسك باصيل بقوه وهو يشهق كان فاقد الحضن الامن بالنسبه له اللي يبكي ويحس انه مرتاح
اصيل: كنت متوقع ان من تهربك رح اتركك بالعكس كنت عارف واراقبك واشوف تصرفاتك عرفت انك لك اسبوع نومك مو منتظم واثباتها الهالات اللي بعيونك رجفتك من قله الاكل ليه تسوي كذا بنفسك مو وعدتني انك تهتم بنفسك علشان اخوانك ؟
طلال ابتسم: اخواني صارو بجنبي الحين
اصيل لعب بشعره: اجل يلا قوم معي الحين وخلينا نروح ناكل شي مع هادي
طلال عقد حواجبه: انت عرفت عنه بعد ؟
اصيل: مو قلت لك تفاصيل حياتك الدقيقه اعرفها
طلال برجفه : اتركني اصيل
اصيل عقد حواجبه بعد كل اللي صار واللي قالوه يقول اتركني ؟ : طلال
طلال نزل يده للارض : اتركني تكفى روح
اصيل عض شفايفه للمرحله اللي وصل لها اخوه وهو مو قادر يسوي شي له او يساعده قرر يروح ويتركه بس التفت له وبنبره غريبه :طلال مثل ماقلت لك انا اخوك مو عدوك وبالعكس انا متقبلك بكل عيوبك بنتظرك حتى لو تستمر بتجاهلي اعرف اني موجود علشان اكون بجنبك
راح اصيل تارك طلال وراه واللي ماقدر يجلس اكثر ركب سيارته وفرغ كل الضيق والحزن اللي بداخله كان يصرخ: ليه ليه صديته ليه قلت له مابيك ليه بعد مالقيته وصار بقربي اقول كذا له لييه ياطلال ليييه
صرخ باخر كلمه وسند ظهره على الكرسي
اما من جهه ثانيه
هادي كان جالس عند شقه اصيل
اللي هز راسه بنفي: رفض يجي معي او حتى يسمع لي
وقف هادي بحزن: بروح اكلمه
اصيل بنفي : لا ياهادي اتركه بيجي هو بنفسه انا واثق
بينما من جهه ثانيه طلال كان يحجز تذكره لمكان بعيد عن هالمكان
♥️♥️♥️♥️♥️♥️♥️ كيف البارت معكم عارفه قلت بنزله امس بس تغيرت الافكار ورجعت اغيرها 😉انتظر توقعاتتتتتكم للجاي
