اصيل كان يعتني بطلال طول الليل مانام تنهد بتعب قبل يتصل على موظف الاستقبال
اصيل: هلا الغي مواعيدي لليوم
الموظف : حاضر
اصيل سند نفسه على الكرسي : وش صاير معك ؟ لدرجه حرارتك ترتفع وحالتك تكون كذا معقوله صاحبه له دخل ؟او ابوه صار له شي ؟
سكت لما سمع صوت جوال طلال : هلا
محمداستغرب الصوت: هلا من معي ؟
اصيل: انا اصيل
محمد: دكتور الخاص بطلال؟
اصيل: اي
محمد: وينه طلال
اصيل : نايم مرتفعه حرارته من امس الليل وتو خفت اذا ماخفت باخذه المستشفى
محمد: لااذا صحى وهو بالمستشفى بيقلب الدنيا
اصيل :تمام
بعد مده دق جوال طلال من جديد بس كان رقم استغرب ان طلال قال له باول لقاء بينهم ان ماعنده ارقام احد الا محمد وفلاح واصيل
بعد ٣ مكالمات وراء بعض
رد اصيل: الو
تكلم بتوتر: هلا طلال ؟
اصيل: طلال نايم من معي ؟
هادي: انا اخوه
اصيل عقد حواجبه: اخوه ؟
هادي: اي اخوه اذا هو نايم لاتصحيه بتصل بوقت ثاني
اصيل بستغراب للي صاير : تمام بس دقيقه انت اخوه كيف ؟
هادي : انت من ؟
اصيل: انا الطبيب الخاص فيه
هادي طبيب ؟ ونايم عنده : تمام ممكن بس يصحى تقول له اني اتصلت
بعد ساعتين
فتح عيونه بثقل كان يحس بحراره بجسمه وثقل غريب
رفع نفسه وشاف اصيل نايم ويده على صدر طلال
طلال حاول يتذكر وش صار كان مع هادي وجاء لموعده عند اصيل واغمي عليه تنهد * معقوله سهران كان ؟*
اصيل اللي حس بحركه طلال صحى واعتدل بالكرسي : صحيت انت بخير الحين ؟
طلال: اي بخير
اصيل: كويس
طلال حط يده على راسه بالم: ايش صار ؟
اصيل: حرارتك مرتفعه واول مادخلت الشقه طحت مغمي عليك اتصل محمد ورقم يقول انه اخوك
طلال وبلهفه : ايي وينه جوالي
اخذ الجوال واتصل على اخر رقم : الو هلا هادي
اصيل عقد حواجبه بتركيز
طلال: لا كنت تعبان ونمت عند صاحبي
هادي : تمام طمنتني عادي اشوفك اليوم؟
طلال: اي بجيك المحل
هادي : تمام
سكر منه والتفت لاصيل: اسف لاني سببت لك ازعاج كذا
اصيل : لاتعتذر ماسويت شي شكل صاير لك اشياء كثير
طلال اللي رفع الغطا وقام من السرير : اي بس مدري ليه مرضت كذا
اصيل: مو زين لك الحركه الكثيره
طلال: بس انا لازم اروح للدوام
اصيل : اعتذر اليوم
طلال: ماقدر
اصيل تنهد بستسلام: تمام بوصلك انا وتحكي لي بالطريق عن اللي صار لك
طلال: تمام بس الاول ابمر الشقه علشان ابدل
اصيل: تمام
بعد وصولهم للشقه
محمد بقلق: وينك انت قال لي الدكتور انك مرضت
طلال: اي ببدل الحين واروح للدوام بس ارجع المغرب بجلس معك صارت اشياء كثير لازم اقول لك اياها
محمد: تمام
طلال بدل وطلع: انت مرتبط الليل ؟
محمد: اي بس عادي لو اكنسله
طلال: لا وين لاتكنسل لاني عندي مشوار بعد يلا بطلع الحين
محمد ابتسم * اخيرا لي فتره طويله ماشفتك كذا ماشفت حماسك للطلعه صح انك مريض بس مو مهم بما انك بخير ومبسوط وصرت تختلط بالناس *
طلال ركب السياره وبالطريق بدا يحكي ل اصيل عن كل شي من سفر ابوه ل حد ماوصل لبيت اصيل
اصيل : يعني عندك اخوين واحد حصلته والثاني للحين صح ؟
طلال: يب بس اكيد انا وهادي بندور عليه
اصيل وقف قدام المحل : رح اجي اخذك لاخوك اليوم الساعه ٦ وعلشان اتطمن على وضعك تمام
طلال: تمام
قبل يقفل الباب وقفه صوت اصيل
اصيل: طلال
طلال التفت له: هلا
اصيل طلع الكمام الاسود : البس هذا علشان ماينعدى احد للاحتياط
طلال لبسها ونفش شعره: هاه كيف ؟
اصيل ابتسم: ضابطه عليك
طلال دخل للكوفي وراح بدل وبدا الدوام عادي بنص الدوام
ادهم: طلال تقدر تروح اذا تعبان ؟
تميم : اي صدق انت شكلك مرهق اليوم
طلال: لا مايحتاج بالعكس انا مبسوط بالشغل
نايف : اجل تعال ساعدني يلا
تميم بهمس : عمري مارح افهم نايف انسان غريب ومتناقض
ادهم: ليه ماتساله عن تصرفه بس يصير لحاله
تميم ضحك: اكيد لاتقول لي
ادهم ضحك على لقافه تميم وحماسه
بغرفه التبديل
تميم : اي ماتعلمني عن تصرفك اليوم مع طلال ؟
نايف : عادي واحد يبي يطلع من جوه ولا يبي يجلس لحاله فا قلت له يجي يساعدني انتو بكلامكم تحسسونه انه ماله لازم وانه لازم يجلس بالبيت
تميم بصدمه: لااااااا
نايف اومئ: الا كذا وزود فا خففو اهتمام وتركيز عليه واضح طلال يبي يبدا حياه جديده وتفاصيل جديده وانتو باسلوبكم هذا تحسسونه بالعجز
تميم : اوووه ماركزت تصدق ؟
نايف : يلا نطلع ونقفل ورانا
بالسياره
اصيل: الحين انت واخوك تداومون بنفس المكان ؟
طلال: اي توني ببدا معه باول يوم
اصيل ابتسم: عادي تعطيني العنوان بزوركم بس مو اليوم لان عندي مواعيد يمكن اخلص بوقت متاخر
طلال: مايحتاج تجي انا اجيب لك وبالمره نتكلم
اصيل: حلو ماعندي مشكله بس ولو ابي العنوان
طلال كتب له قبل ينزل الشقه ويصعد حصل محمد
محمد : جيت اخيرا يلا تعال قول لي شصار
طلال بدا يحكي لمحمد قصته مع هادي
محمد بصدمه: يعني انت عندك ٢ من الاخوان ؟
طلال : اي تصدق ماكنت متوقع ابد
محمد : وهادي ذا اخوك الكبير ولا ؟
طلال: لا هادي الاوسط انا الاصغر والكبير للحين مانعرفه
محمد : طيب ليه ماتدورون بطاقه ابوك اكيد موجود فيها التفاصيل
طلال: بس كل اشياء ابوي عند ابوي فلاح
محمد: اتصل عليه واساله
طلال : فكره بس كم الساعه عندهم ؟
محمد : مدري بس اتوقع عادي اتصل
طلال اتصل على فلاح وبعد محادثه طويله سكر
طلال: يلا لازم اروح انا بكرا بنروح انا وانت تمام ؟
محمد : تمام انتبه لنفسك واذا رجعت البيت ارسل لي
طلال : تمام
طلع لدوامه مع هادي واول ماتقابلو ضمه هادي وكانه طفل ومو مصدق عن اللي جالس يصير بدو يكملون طلبات لما صار المكان هدوء ورايق
طلال: هادي كيف تتوقع اخونا الكبير ؟
هادي برتباك: مدري بس اخاف مايتقبلني
طلال ضحك : مايتقبلك ليه ؟
هادي : عادي مو شرط انت تقبلتني صح لانك تعرفني بس هو مايعرفني فا ممكن مايتقبلني ولاني اخوكم من ابوكم بس
طلال: لا ماعليك انا متاكد رح يتقبلك
هادي : طلال انت ليه تقبلتني طيب يعني اللي بنفس مكانك كان ممكن يكرهني او حتى يحقد علي
طلال: تبي الصدق مدري بس انا كنت متلهف اني اعرف اخوي الكبير وكنت خايف انه مارح يتقبلني بسبب ظروفي ووضعي لدرجه صرت اتعالج عند طبيب نفسي وانا ما كنت لمده سنه ونص ماسح الفكره من راسي بس علشان الشخص اللي رباني طلب مني اني ارجع مثل قبل واحسن علشان اذا صادفت اخوي اكون شخص مناسب
هادي : ماتحس انك كذا تغلط ؟
طلال استغرب : كيف ؟
هادي : يعني انا كا اخ لك واكبر منك ابي اكون سندك ابي اكون الشخص اللي تستند عليه ماتخاف من الدنيا وانا موجود
طلال حس بخنقه: مدري صح ممكن انت تتقبل بس الغير لا وخاصه اني ماعرف منهو الشخص هذا
هادي تنهد: طلال خليك طبيعي لاتغصب نفسك على شي ثقيل ويتعبك مو سهل ان الواحد يتغير بيوم وليله والشخص اللي خسرته غالي عليك كثير وصاحب عمرك وكان قريب منك ومثل اخوك
طلال كان يفكر بكلام هادي حتى بعد ماطلع توجه للمكان اللي ارسله اصيل واول ماوصل
اصيل: شفيك مو على بعضك !
طلال: ولاشي
اصيل: طلال اذا تبي تتغير لازم تقول لي اصغر التفاصيل
طلال: اخوي
اصيل حس بضيق مفاجئ : شفيه
طلال: تكلمنا عن اخوي الكبير جلسنا نتكلم وقلت له عن اني اراجع عندك بس قال لي اني مو لازم اجبر نفسي اتغير بيوم وليله واني لازم اكون على طبيعتي مع اخوي حتى لو التقيته وانه ك اخ لي بيكون سند لي واللي استند عليه بوقت حاجتي
اصيل : وكلامه اقنعك او لا
طلال: اول ماعرفت ان هادي اخوي حسيت باني صدق حصلت السند الحقيقي واللي ممكن اكون معه حتى بحزني وضيقتي بس اخوي الكبير للحين متخوف من فكره انه يكون لي اخ
اصيل : ليه طيب ؟ مو الاصح انك تكون مبسوط ؟
طلال: انا مبسوط بس فيه شعور بداخلي غريب
اصيل: اوصفه
طلال: ماعرف اوصفه لنفسي كيف ابوصفه لك
اصيل ابتسم: بتنحل وبتكون مع اخوانك بنفس المكان وانت تبتسم وتضحك ويرجع ابوك بسلامه
طلال: اتمنى
اصيل: يلا اوصلك ؟
طلال: سيارتي معي
اصيل: عارف بس بروح يعني معك علشان اتاكد انك وصلت ترا للحين حرارتك مرتفعه وحالتك يبي لها انتباه
وصلو للبيت بعد وداعهم صعد طلال
طلال اول مادخل للغرفه رمى نفسه على السرير دق جواله قام بتعب وفتح الخط كان فلاح
فلاح : طلال اسمع ايش اسم الطبيب اللي تتعالج عنده
طلال وكانه انتبه لكلام فلاح عدل جلسته: اسمه اصيل
فلاح: اصيل ايش ؟
طلال: مدري مو عارف
فلاح : توني فتحت البطاقه وصدق مسجل ان لك اخ اسمه هادي واصيل بحثت عن معلوماته بس محجوبه ولا ادري ايش اسوي علشان كذا تذكرت انك تكلمت عن طبيبك اسمع اتصل بالمستشفى واسالهم
طلال على طول سكر منه برجفه واتصل بالمستشفى
فتح السبيكر ويده للحين ترجف مو قادر يشيل الجوال اذا طلع الكلام صدق وطلع اخوه هو مستحيل يرتاح لاحد كذا بدون سبب وارتاح لاصيل بشكل كبير معقوله واذا كان اخوي هو ماعرف ؟
رد الموظف : هلا والله
طلال: ابي احجز عند الدكتور اصيل
الموظف : متى ؟
طلال: كم طبيب عندكم باسم اصيل
الموظف : واحد بس يا استاذ
طلال بدت تثقل انفاسه : ايش اسمه الكامل
الموظف : استاذ انت ناوي تحجز او لا
طلال: اي بس بتاكد من اسمه يمكن غلطت
الموظف : اصيل فهد ال **
طلال حس بهبوط وحس بانه فقد قوته يده اللي زادت رجفتها وكانه مو مستوعب كلام الموظف
الموظف : استاذ انت معي
طلال سكر بوجهه
اما الموظف اللي سكر التلفون مستغرب
اصيل دخل المستشفى : فيه مواعيد جديده ؟
الموظف : لا بس من شوي جاء اتصال واحد يسال عن مواعيدك وركز على اسمك
اصيل بستغراب : ماحجز
الموظف : لا
اصيل ما اهتم
اما بالشقه
دخل محمد بخوف : طلال طلال انت بخير ؟
طلال : اخوي يامحمد كنت متاكد ان ارتياحي له مو طبيعي اني اتكلم له عن كل شي هذا مو من طبعي
محمد ضم طلال بمحاوله لتهدئته
اهليييييين يلا انتظر تعليقاتكم الحلوه 🌚♥️♥️♥️♥️♥️♥️♥️ مارح اقول لكم ايش توقعاتكم للجاي لان فيه باقي مفاجئات كثير يلا انتظر تعليقات الجميله
