وصلو لهادي وتوجهو للمطعم
هادي بنص الاكل لاحظ هدوء طلال الغريب واللي حسه اول مره يشوفه بهالحاله عكس اصيل اللي شاف حاله طلال قبل العلاج وانه ما انتهى من العلاج وبيرجع لحالته
اصيل انتبه لنظرات هادي له بمعنى ايش فيه طلال
اصيل عض شفايفه بمعنى لاتتكلم معه رح افهمك بعدين
هادي فهم على اصيل وكملو اكل
طلال انتبه لحركاتهم : اقول شرايكم نسهر بالسينما اليوم ؟
اصيل وهادي تفاجئو من الاقتراح بس ماعارضو
اصيل : عن نفسي ماعندي مشكله
هادي: وانا بعد بس بتصل على امي اول اقول لها علشان ماتخاف
طلال: حلو اجل بحجز لنا فلم اكشن ولا ماتبون ؟
هادي : الا بالعكس لو تحجز يكون افضل
طلال طلع جواله وحصل فلم حجز لهم خلصو اكلهم وطلعو يتمشون كل واحد اخذ له اللي يبي من الاشياء اللي يحتاجها للفلم مثل البوب كورن والببسي والشبس
طلال : اصيل خذ مشروبي معك بروح اغسل وجهي احس جاني النوم وانا للحين مادخلت
اصيل ابتسم : تمام يلا علشان نتحمس كلنا اول مره نتابع سوا
راح طلال
هادي بسرعه وكانه يستغل فرصه غياب طلال: شصاير ؟ وش قالب حاله كذا
اصيل تنهد : هذا وهو ماقابله للحين
هادي: منهو ؟
اصيل : واحد جانا اليوم الصبح وقال انه يبي يكلم طلال عن جاسر وانه اخوه
هادي فتح فمه بصدمه: امااااا ؟ وبعدين
اصيل: ماصدقه واتصل على محمد قال لي انه مو لازم يقابل هالشخص وانه اذا قابله رح يرجع طلال لحالته واسوء واننا مستحيل نقدر نطلعه من اللي هو فيه
هادي بجديه : لها الدرجه ؟
اصيل: واكثر
انتبهو لطلال يطلع من الحمام
سكتو
اصيل رفع يده وحطها على خد طلال كانت بارده من الببسي اللي كان بيده بعد طلال
طلال بنزعاج : هيي بارد
هادي ضحك بعفويه على الحركه : خليه يمكن ينشطك شوي
اصيل: وهذا القصد
دخلو كلهم للفلم
بمكان ثاني
محمد كان يمشي روحه وجيه بالبيت بتوتر
عبدالله دخل وانصدم من حاله ولده : شفيك محمد ؟
محمد : يبه انا لازم اروح لطلال
عبدالله عقد حواجبه : ياولدي وين تروح له الليل ظلم وين تروح بهالظلام وتعرف انه يكره احد يسوق خصوصا بالليل وخط سفر ٤٠٠ ياولدي
محمد ضرب الجدار بقوه وصرخ: ااااااه ليه ليه كل مايصير له شي ما اكون بجنبه
عبدالله ربت على كتف محمد : محمد اهدى طلال مو صغير والحين اخوانه بجنبه
محمد تنهد قبل يجلس بستسلام وانه وعد طلال بانه مايجيه
اليوم الثاني
صحى من النوم بعد مابدل وارسل له بانه يبي يقابله طلع ماشاف اصيل تنهد براحه مايبي يواجهه ويوقفه
طلال طلع حرك سيارته لوجهته اما اصيل اللي صحى بعد ساعه راح يشوف طلال وانصدم انه مو موجود وبخوف راح يركض لغرفته اخذ الجوال واتصل عليه
طلال : هلا اصيل
اصيل: وينك ؟
طلال: بالدوام ليه ؟
اصيل براحه: اها تمام بس خفت لما صحيت مالقيتك
طلال اللي انتبه له جاي من بعيد تكلم مع اصيل: لا لاتحاتي
سكر منه وهو يردد بنفسه * سامحني يااصيل بس انا قلت اني لازم اتخطى هالمسئله ولازم اواجها بروحي *
طلال: تفضل
دخل للشقه اللي انصدم انها فاضيه
طلال : عارف ان الشقه فاضيه بس هذي الشقه اللي سكنت فيها انا وجاسر لما توفى بعت كل شي لاني تعبت
التفت لطلال: لها الدرجه تعزه ؟
طلال: واكثر
ابتسم بمتنان. ومد يده : فراس اخو جاسر الكبير
طلال: طلال
فراس : عارف كان يتكلم كثير عنك
طلال كان مستغرب فراس فهم التساؤل : رح اسمع كل اسئلتك بعدها بجاوبك
بعد ماجلسو بالارض في وسط الشقه الفاضيه
طلال: انت صدق اخوه ؟ واذا انت اخوه ليه ماقال لي ان عنده اهل ؟ كيف كان يجيكم ومتى ؟
فراس ابتسم : علاقه جاسر فيك غريبه
طلال: ليه ؟
فراس : الله يرحمه . سكت فتره. اول سوال انا اخوه صدق . طلع جواله وبحث عن الصوره كان فيها فراس وجاسر وشخص ثالث . هذا صوره لنا قبل شهر من وفاته كان يوصيني انه اذا صار له شي اني ازورك واطمنك اننا بجنبك واننا اخوانك مثل ماجاسر اخوك
طلال حس ببالعبره تخنقه
فراس كمل: لما بداء يعيش معك قال لنا عن ظروفك وانه يبي يبقى معك بشقتك وانه لو بيجي لنا بيجي باوقات تناسب وضعه وانك ماتنتبه وتتضايق صح بالبدايه ابوي زعل بس تعود وحس شكثر انتو قراب من بعض هذا السوال اذا كنت تسال كيف يلتقي فينا كان يقول اخذو كل شي بس لاتقولون لطلال شي او تضايقونه تعودنا ان اخونا يكون مو موجود دايم قبل وفاته بيومين جاني بالليل الساعه ٣ الفجر قال لي يافراس طلال لاتتركه لو ايش مايصير بيوم وفاته اتصل علي وكان متضايق مره قال انه صارت له مشكله مع مديره بالدوام وانه مره مو قادر يتحكم بنفسه واذا رجع للشقه رح يزعجك ويتعبك بتصرفاته خصوصا انك انت بعد كنت بفتره تعب
قال لي انك تتصل عليه وبيرد * سكت * ماكنت متوقع انه اخر شي اسمعه منه بهذاك اليوم قبله بيوم جاء لعندي وعطاني ظرف فيه رساله وجواله امني اني اعطيك اياه واقول لك افتح محادثته اللي مع نفسه واسمع الفويسات اللي مسجلها * تنهد*
طلال بتذكر: بس يوم وفاته انتو ماسويتو عزاء ولا حضرتو الدفن
فراس هز راسه بنفي : سوينا له عزاء لما كنت بالمستشفى بعد ما انهرت جانا صاحبكم الثالث وطلب مني اني ما اشوفك ولا اجلس معك ولا اتكلم معك عن جاسر ابد بسبب اللي تمر فيه يعني
طلال بصوت متقطع: محم محمد ؟
فراس: اي صاحبك محمد هو نفسه اللي طلب مني ما اتكلم معك او حتى افتح معك موضوع بس ماقدرت صح اني ظليت سنه ونص ماجيتك ولا تطمنت عليك بس لما عرفت انه سافر قلت اجيك وخصوصا اني تحلمت بجاسر امس يطلب مني اني ازورك
طلال كان متوتر ويرجف : يعني كل هذا هم سووه علشاني بس اخوك مات بسببي
فراس بعتراض وخوف على طلال: لا ياطلال لاتقول كذا اخوي يومه المكتوب جاء علشان كذا لاتحمل نفسك فوق طاقتها وتحسس نفسك باللوم وانت مالك اي دخل او يد باللي صار
طلال بدت شهقته تطلع بخفيف: بس انا السبب لولا اتصالي عليه ماكان صار له كذا انا خسرته وخليتكم تخسرونه ماعاد معكم ولا
فراس قرب منه وقاطعه بجديه: طلال اسمعني انا قلت لك اخوي يومه جاء وتوفي وراح لربه انت عش حياتك مارح يتركك الماضي وانك تتمسك بذكريات مثل كذا تعيش رح تتعب رح تموت تكفى طلال لما جاني بالحلم امس كان تعبان وحالته غريبه كنت خايف عليه ولما كلمته قال لي طلال اهم مني روح شوفه انا عارف انه ميت بس كنت كنت يعني اتمنى انه حلم يكتمل لما قال لي انك تعبان وتحتاجني اكثر منه قررت اني اشوفك تكفى طلال لاتسوي بنفسك كذا
طلال ابتسم بالم: شكرا فراس
فراس وقف ومد يده لطلال: هات يدك
طلال مسك يده قبل يودعه
فراس طلع الجوال والظرف : هذا الجوال والرساله
طلال مسكها برجفه : شكرا
فراس ربت على كتفه: خلينا نشوفك
اول ماطلع فراس جلس على الارض بنهيار بداء يبكي بهستيريا من اللي صار من كل اللي سمعه معقوله جاسر كان يخبي موضوع اهله علشان يكون معي ومايحسسني بالوحده ؟ ليه ليه يسوي كذا مات بسببي وترك اهله وعاش معي والحين كثير افكار كانت براسه
بعيد عن شقه طلال
اصيل كان راجع للشقه قرر يمر محل ادهم ويشوف طلال بس انصدم انه مسكر لا يارب اللي ببالي مو صح يارب
رجع للبيت وهو يحاول يتصل على طلال بس كل المحاولات فاشله
اصيل: معقوله راح يشوفه بس هو قال بينتظر بس اذا شافه الحين ايش ممكن يصير لا لا انا مارح افكر كذا اكيذ انه طلع لمكان بس ليه مايرد
اهليييين حبيت التفاعل على اخر بارت وقررت اني اكتب واحد جديد وانزله لكم ♥️♥️♥️ احبكم
طلال حالته كيف بتكون بعد ما التقى بفراس محمد لما يرجع ايش رح يكون موقفه اصيل هل بيرجع لنقطه الصفر مع طلال وعلاجه
عطوني رايكم بالبارت وتوقعاتكم للجاي
