محمد بغضب دخل للشقه شاف فلاح جالس بهدوء صرخ بغضب : من جدك انت
فلاح اللي فز بخوف من اندفاع وغضب محمد : شفيك ؟ شصاير ؟
محمد اخذ نفس قبل يتكلم: انت تعرف انك مريض وفوق هذا جاي هنا؟ ليه مايكفيك الحاله اللي هو فيها
فلاح ارتسمت على وجهه علامات البرود : كيف عرفت
محمد: وماكنت ناوي تتكلم صح ؟
فلاح : انا مو مجبور اقول لك شي
محمد بيأس: وهو ايش ذنبه مايكفيك انه بعد هالسنه ونص قرر يروح يتعالج علشان يرجع انسان طبيعي ناوي تقتله ؟
فلاح اللي نزل راسه مايدري وش يقول كل اللي يقوله محمد صح : بس انا ابي اقضي اخر ايامي معه
محمد بصدمه: تترك العلاج اللي ممكن يخليك تعيش وتجي هنا علشان تموت عنده من كل عقلك ؟
فلاح ناظره بتفاجئ: طلال ؟
طلال اللي سمع الكلام من اول بس ماعلق ابتسم وكانه ماسمع شي: هلا يبه شخبارك
فلاح وقف بخوف : طلال
طلال: شفيك يبه صاير شي
محمد تنهد قبل ينطق : طلال لاتمثل
طلال: شفيك جيت باخذ جكيت واطلع
فلاح بعد عنه اما طلال بدوره راح ياخذ جاكيت بس طول داخل الغرفه طلع ماسك الجاكيت وكم شي بيده : يبه اليوم يمكن اطول بالدوام وبطلع بروح لمشوار ضروري تامرني بشي ؟
فلاح رفع حاجبه بشك: وين بتروح ؟
طلال: بروح للمستشفى مواعيدي صارت يوميه
فلاح بتردد من كلام طلال: متاكد ؟
طلال ابتسم: اي يبه لاتحاتي
رجع لدوامه وكان سرحان طول الوقت بس كان ينجز اشغاله اول باول بعد مده
تميم : اسمع نايف ماتحس ان طلال غريب ؟
نايف اللي التفت عليه مو فاهمه بس ملاحظ سرحان وهدوء طلال: تميم خلك بشغلك
بعد ما انتهو
ادهم : طلال ابغى اتكلم معك بس تخلص
طلال التفت على ادهم : تمام
خلص كل اشغاله وتوجه لمكتب ادهم دق الباب قبل يدخل
ادهم:تعال طلال
طلال جلس بالكرسي اللي مقابل المكتب : امرني ؟
ادهم: مايامر عليك عدو احنا تكلمنا انك بتكون موظف بس للحين ماحطينا صفه للشغل اللي بينا
طلال: اذا يناسبك اني اكون موظف رسمي بكون شاكر لك
ادهم بتفاجئ مو مصدق : تمزح اكيددد بكون مبسوط واقبل فيك دقيقه
طلع العقد ومده لطلال اللي قراه بهدوء : موافق
مد ادهم يده يصافح طلال: اهلن فيك بينا وبين اسرتك الجديده
طلال انتبه لجواله يدق : هلا فيك
رفع جواله وشاف اسمه : استئذنك
ادهم: برسل لك جدول الشغل تمام
طلال: تمام
طلع طلال بعد مابدل ورجع اتصل فيه
اصيل اللي كان بسيارته : هلا طلال
طلال: معليش توني خلصت دوام وماقدرت ارد عليك
اصيل: ولايهمك وينك الحين اجي اخذك ولا تعبان ؟
طلال: لا محتاج لك محتاج اتكلم معك عن شي
اصيل حس بمشاعره تتبعثر من كلمه طلال محتاج لي ؟ : وينك طلال انا بجي اخذك
طلال: برسل لك الموقع
اصيل انتبه انه مو بعيد وبينهم ٤ شوارع ويوصل له حرك السياره بسرعه وكانه صاير له شي ومستعجل بدا ياخذ طرق مختصره وقف قدام الموقع ماشافه انتبه له يطلع من بين المبنى اللي قدامه وواضح انه بردان وكان يدور مكان دافي اصيل حرك السياره ووقف قدامه على طول طلال تقدم من السياره وفتح الباب ركب وهو يرجف ضم يدينه ببعض بدا ينفخ فيها
طلال بيتسامه مهزومه : اسف خليتك تجيني هنا
اصيل بعتب : لاتعتذر من جديد انا اللي طلبت منك نلتقي وماكانت عارف ظروفك
طلال : تمام
تحركت السياره
اصيل : تبغى مكان محدد ؟
طلال قال برتباك: مكان مافيه زحمه ياليت
اصيل : لاترتبك وقول كل اللي بخاطرك تمام
طلال : تمام
اصيل: يناسبك لو نروح لشقتي ؟
طلال: اي عادي بس مارح اضايقك او اهلك ؟
اصيل : اهلي متوفين
طلال بتوتر ليه تكلمت كذا انا
اصيل: من وقت طويل تعودت انا الحين لاتهتم
طلال: حتى انا
اصيل: انت اهلك متوفين ؟
طلال: اي بس عندي اخ عرفت عنه قبل كم يوم
اصيل بتفاجئ: وكيف عرفت ؟
طلال: الشخص اللي رباني قال لي عنه وعلشان كذا طلبت منك تغيير مني وتخليني شخص افضل من اللي انا فيه
اصيل: من عيوني
طلال ابتسم : يخليهم
اصيل: شرايك ناخذ معنا شي نشربه ؟
طلال: مثل ايش ؟
اصيل: اي شي يعني شي دافي
طلال : لا امم اذا مايضايقك انا احب اشرب الاشياء اللي انا اسويها او من مطعم واحد اتعامل معه وهو مسكر بهالوقت
اصيل: تمام اجل نروح للسوبر ماركت ونشتري اشياء تعرف تطبخ ؟
طلال: اي
اصيل: اكلت انت ؟
طلال: لا للحين
اصيل: عادي تطبخ !
طلال ابتسم بحماس : اي عادي بس
اصيل عقد حواجبه: لاتخاف باخذك لمكان فاضي قريب من شقتي
طلال: تمام
وصلو للسوبر ماركت وكانت عكس توقعات اصيل زحمه انصدم هو بدوره
اصيل: دايم تكون فاضيه مدري وش صار اليوم
طلال : مو مشكله ننزل
اصيل كان ناوي يطلع طلال من هالخوف اللي يسببه له الاماكن الزحمه بس ماكان مقرر الا بعد وقت بس حاليا انحط قدام الامر الواقع
اصيل: متاكد ؟
طلال: اي متاكد
نزلو اثنينهم اصيل كان يشوف رجفت طلال الخفيفه تقدم ووقف بجنبه مسك يده وابتسم: خليك ماسك يدي لحد مانطلع
طلال اومئ بالايجاب
دخلو وبوسط التسوق اصيل ترك يد طلال علشان ياخذ الكم شي اللي حصله وكان بياخذه تقدمو مجموعه شباب بنفس الممر طلال حس بتوتر وبعد عنهم بخوف التفت عليه واحد منهم
عقد حواجبه قبل يتكلم: مريض انت ؟
طلال رفع يده بخوف : اسف اسف
اصيل عقد حواجبه قبل يلتفت بغضب : انتبه لكلامك
واحد من الشباب مسك صاحبه واعتذر منهم قبل ينطق : عندك رهاب اجتماعي صح ؟
طلال اللي كان واقف ويده مرفوعه على وجهه نزلها بشويش قبل يسال: اي ليه
الولد ابتسم بحنيه: اسف لتصرف صاحبي عندي اخ نفسك كذا
طلال ارتسمت على وجهه علامات الضيق اعتذر ثاني مره قبل يتحرك منهم اصيل ناظر طلال وعيونه مليانه ندم وخوف
بعد ما انتهو توجهو لشقه اصيل
دق جوال طلال اللي رفعه واول ماشاف اسم المتصل ارتسمت على وجهه علامات الحزن: هلا يبه
اصيل التفت له الشخص هذا اللي رباه ؟ بس ليه متضايق
طلال: بتاخر ساعه او ساعتين لاتحاتي واذا بتنام نام
فلاح بقلق : متاكد ؟
طلال : اي لاتحاتي
سكر منه قبل يلتفت على محمد
فلاح : كيف عرفت ؟
محمد : اتصلو علي المستشفى يبغوني اقنعك لان اقرب رقم لك رقمي
فلاح تنهد : طيب بروح انام انا
محمد: مارح تنتظره ؟
فلاح : مو واضح لك انه يتهرب مني ؟
محمد؛ بس على الاقل هو يستاهل تبرير منك
فلاح : صح بس مو اليوم يكفي اللي صار
نرجع لشقه اصيل
اصيل : فيه شي ؟
طلال: قلت لك انه فيه موضوع ابغى اتكلم معك فيه
اصيل انتظره يكمل : اي
طلال: اي ابوي او الشخص اللي رباني كان مسافر لسنوات وتو رجع قبل فتره سمعته يتكلم مع صاحبي انه مريض وانه ترك العلاج وجاي هنا علشان يعيش معي
اصيل بداء يحس بتوتر ورجفه صوت طلال انتظره يكمل
طلال: خايف اخسر احد ثاني تعبت اخسر الناس ولو احصل اخوي ايش ممكن اني اسوي او كيف بعيش معه هل رح يتقبلني بعيوبي ب ايجابيتي
يعني احس اني خايف وبنفس الوقت متوتر
اصيل: تكلم معه
طلال رفع راسه وترك اللي بيده: ايش ؟
اصيل: ماتبي تخسره تكلم معه اقنعه يرجع للعلاج يرجع يستمر يعيش يتمسك بالحياه علشانك
طلال: بس
اصيل ببتسامه : لابس ولاشي تطمن كل شي بيكون بخير لاتشيل بداخلك كثير بكذا مستحيل تتحسن
طلال: بس حتى ولو يعني احس اني خايف
اصيل: تكلم معه ولاتخاف هو موجود علشانك وبتلتقي باخوك وتعيشون سوا مبسوطين
طلال بستغراب: اانا مستغرب من شي
اصيل اللي كان يحط الاكل على الطاوله ويرتبه : ايش ؟
طلال: ليه انا مرتاح لك كذا كثير ناس قابلتهم وكنت خايف منهم بعد فتره طويله صرت اتكلم معهم وامشي معهم
اصيل رفع كتفه: مدري بس تعال يلا ناكل ورح نرسم خطه للعلاج
اليوم اللي بعده
فلاح كان قايم وطلع يمشي
طلال وصلته رساله من ادهم انهم اجازه فا قرر يفاتح فلاح بالموضوع وانه يقضون اليوم سوا
طلع من غرفته بعد مالبس وبدل : محمد وين ابوي ؟
محمد اللي متمدد على الكنب : طلع يمشي * سكت فتره* اسمع طلال
طلال : همم
محمد: لاتقسى عليه
طلال رفع راسه وبيده الكوب : محمد مستحيل اسوي كذا تعرفني انت
محمد ابتسم: عارفك والله بس لاتنفعل عليه ولازم تتكلم معه
طلال تنهد: وهذا اللي ناوي اسويه
فلاح فتح الباب ودخل : سلام
ردو عليه
فلاح: بروح الغرفه ابدل واجي
محمد ناظر بطلال: فرصتك
بكذا انتهى البارت واسفه تاخرت بس لي اسبوع التعب صاير مو طبيعي وبس بسرير ومالي حيل شي بس قررت اكتب اليوم وانزل
توقعاتكم للجاي وايش ممكن يصير فلاح ومرضه طلال واصيل هل رح يكتشف من يكون اصيل بالنسبه له وايش رح تكون ردت فعله تجاه الموضوع واحبكمممممم♥️♥️♥️
