اليوم الثاني
محمد : طلال اصحى عاد يلا
طلال فتح عيونه بتعب: شتبغى ؟
محمد: مارح تصحى ترا طفشتني
طلال: ويين نروح طيب صحيت خلاص
محمد: وين التقيت فيه؟
طلال رفع راسه: وش ؟ من
محمد: اخو جاسر
طلال: بشقتنا
محمد: انا رح *سكت بصدمه* طلال انت مابعت الشقه ؟
طلال رفع حاجبه بستنكار: وليه ابيعها ؟
محمد: بس انت
طلال: صح قلت وبعت العفش بس مستحيل ابيع الشقه شفيك علي ؟
محمد شال اللحاف : اقول قوم اخلص جوعان
طلال: وانا ايش دخلني؟
محمد: قوم نطلع نفطر
اصيل اللي كان راجع من دوامه بعد ٣ ساعات دخل الشقه وانتبه لمحمد اللي واقف على جواله
اصيل: شفيك محمد ؟
محمد : انتظر اخوك
اصيل: طلال وينه ؟
محمد: داخل يبدل يقول
اصيل: بتطلعون ؟
محمد: اي
اصيل : انتبه له
محمد: لاتوصي
طلع طلال بعد مالبس بنطلون اسود وبلوفر احمر : اصيل انا طالع تبي شي ؟
اصيل: لا انتبه لك بنام انا شوي
طلال: اي ريح لك كم يوم مانمت عدل
طلعو وبعد الفطور
محمد: اوه نسيت ان المدير طالب مني اوراق مهمه
طلال ناظره بغضب: طلعتني واخر شي المدير طالب اوراق ؟
محمد: اي ياخي نسيت تو اتذكر
طلال: اجل كويس اني جيت بسيارتي
محمد: اي يلا بروح انا ترا دفعت الحساب بس خذ قهوتك
طلال: تمام
جلس بالمطعم وماحس بالوقت قرب منه النادل
النادل: اخذ طلبك ؟
طلال ناظر بالساعه: اوه لا مشكور
طلع من المطعم بعد ما اخذ كوب قهوته الثاني ركب سيارته سرح يفكر برساله جاسر وايش ممكن يكون كاتب بداخلها ايش ممكن ينتبه له ويكتب عنه قبل وفاته حس انه بيموت ؟ لا ما اتوقع كيف الواحد
بووووم
بشقه اصيل
دق الباب بقوه وخوف اصيل اللي كان توه صاحي من نص ساعه انصدم من هذا اللي بيجي ويدق الباب بهالشكل
راح يفتح
هادي بانفاس متقطعه : الحق طلال طلال
اصيل بخوف مسك هادي: شفيه ؟
هادي : صار صار له حادث توهم اتصلو علي من المستشفى
اصيل بخوف : باي مستشفى
هادي : البس وتعال انتظرك تحت
بالمستشفى
فتح الباب بقوه ودخل
طلال اللي كان بالسرير واستغرب التصرف بس لما شاف اخوانه تنهد
اصيل قرب منه ومسك يده بخوف: انت بخير انت مافيك شي ؟
طلال بهدوء غريب :انا بخير اصيل لاتخاف
هادي : وش صار كيف صار الحادث
طلال ناظر بيده اللي دخل فيها من قطع الزجاج : ولاشي حادث عادي
هادي فتح عيونه مو مصدق كلام طلال وبروده : طلال
اصيل بخوف من اللي بباله: طلال يالمك شي
طلال ناظر بيده وان الممرض دخل يعقمها ويشيل قطع الزجاج منها : لا مافيني شي لاتخافون انتو ماصار شي
اصيل مسك يد هادي بقوه وبدون مايستوعب اخوه بدا يتغير معقوله بيرجع لنقطه الصفر او بيرجع لنقطه مستحيل يقدرون يوصلون له فيها
طلع من الغرفه وهو للحين مصدوم هادي راح وراه
هادي : اصيل
اصيل اللي انتبه: هلا
هادي : لي ساعه اناديك ماتسمع ؟
اصيل: هادي ماقدر رجعنا لنقطه البدايه يا هادي
هادي بصدمه: وش تقصد ؟
اصيل : كنت اتمنى اني غلطان بس ماتوقع اني غلطان نظراته بروده هدوئه الغريب
محمد اللي كان وراهم : صار شي من لما قابل اخو جاسر
اصيل رفع راسه لمحمد: محمد وش نسوي ؟
محمد ابتسم بحنيه: تطمن مارح يصير شي لطلال
دخل للغرفه وانتبه للممرض يلف يده قرب منه
محمد: طلال كيف صار الحادث
طلال اللي كان يناظر اللحاف : كنت افكر فيه جات صوره الحادث قدامي بنفس الطريق بنفس المكان وصار لي الحادث بدون ما ادري او احس
محمد قرب منه وعطاه كف طلال ناظره بصدمه مو اقل من اللي موجودين
محمد بغضب : قلت لك انساه انسسسى قلت لك لاتقابله ماسمعت كلامي قلت لك انتبه لنفسك اخوك وصاك انك تنتبه لنفسك ناوي تخسر الدنيا عادي !
طلال : بس مو قصد وماكنت ابي يصير كذا
محمد التفت على الممرض : متى يقدر يطلع ؟
الممرض بخوف من تصرفات محمد: يقدر يطلع الحين بس ياخذ علاجاته من الصيدليه
محمد ميل نفسه وقرب من طلال: اسمع انت من اليوم تبدا تتعالج مع اصيل بالطيب او بالغصب لازم تتعالج فاهم
طلال ابتسم: مارح يفيد
محمد : ايش ؟
طلال بعد اللحاف عنه : ولاشي
محمد مسك يده بقوه: قلت لك من اليوم فاهم اخوانك كانو بينجنون بسببك
اندق الباب وبتوتر تقدم منهم : انا اسف
طلال التفت للشخص الواقف ولاعتذاره ؟
اصيل: من انت ؟
الرجل: انا اللي صدمته اسف كنت منشغل باني اطلع علاجي ومانتبهت للطريق
هادي: ولايهمك ماصار شي انت بخير ؟
الرجل : اي بس انت ؟
طلال: ماصار شي لاتحاتي اشياء خفيفه
الرجل: ابي رقمك علشان تصليح السياره
طلال: السياره تتصلح الحين لاتشيل هم وارجع لبيتك
الرجل استئذن وراح منهم
اما هم اللي خذو العلاجات وطلعو
بالشقه
طلال: هادي امك لحالها وتاخرت عليها
هادي تنهد قبل يقوم ويتكلم: اسمع انتبه لنفسك هذي اخر مره اقولها لك ترا عندي ردت فعل اقوى من محمد بس ماسك نفسي اذا انت ماتبي نفسك احنا نبيك
ابتسم طلال: اوووك
بعد ساعه
محمد اللي كان يمشي بالصاله رايح جاي : اسمع انا عندي اقتراح حلو
طلال : اللي هو ايش ؟
محمد : نربطك ؟
طلال واصيل ناظرو بعض مو مستوعبين ؟
طلال: تربطني ليه حيوان عندك !
محمد بقله حيله: وش اسوي فيك عجزت وانا احاول فيك واحاول اني اسيطر على زعلك وعصبيتك وحالتك انا تعبت من اني اشوفك تضيع ومو قادر اسوي لك شي
طلال وقف وقرب منه ضمه بقوه: انا اسف بحاول اني اتخطى
محمد ضمه هو الثاني: متوقع اني بتركك كم مره قلت لك بتركك وارجع لك بعد ساعه ؟
طلال: بس اخر مره شفتني بالكوفي والا ماكنت رح تسامحني وترجع معي
محمد بعد عنه وضرب كتفه : اسمع انا بتركك مع اصيل الحين تكلم معه وفضفض صدقني يا طلال ماحد رح يساعدك او يطلعك من الحاله اللي انت فيها الا انت نفسك الكتمان رح ياخذك لمكان بعيد بالظلام
طلال ابتسم: تمام
طلع محمد بعد ماودعهم بنيه انه ينام بشقته
اصيل اللي كان جالس تقدم من عنده طلال وجلس قدامه غمض عيونه وتنفس براحه : عادي امسك يدك ؟
اصيل مسك يد طلال: خليك مغمض عيونك اذا مو مرتاح
طلال يحس بثقل بقلبه وتنفسه وخوف ورجفه بداخله وبيده : ابي اتكلم
اصيل: وانا هنا اسمعك
طلال : بيوم الاثنين كنت جالس الساعه ١٠ و٣٥ دقيقه جاني اتصال من جاسر كنت طالع وهو طالع لدوامه يكمل كم شي كان يتكلم بثقل طلبت منه يهدى بعدها سمعت صوت الصدمه القويه بعد مده من الصراخ بمحاوله انه يقول لي وينه رد علي شخص غريب وقال لي على الموقع رحت للموقع* شد بقوه على يد اصيل* حصلته ممدد على الارض مليان دم وجسمه متقطع من الحادث ماقدرت اقرب منه طحت على الارض وكنت اصرخ باسمه ماكان يرد علي كانو اللي حوليني مستغربين من تصرفي صرت ارجف وخايف شكله اللي كان بهيبته بهدوئه بشكله طايح قدامي ماقدر احركه او المسه قربت منه امتلت يديني دم * شهق ودموعه تنزل اصيل قرب منه وضمه بقوه * كنت خايف جاو الاسعاف وخذوه من بين يديني ماكنت مستوعب الا لما شفتهم يقولون انه يطلبني رحت له اركض بخوف وماقدرت اتكلم معه كان يكح الدم اللي بفمه المسعف طلب منه مايتكلم علشان يحافظ على اخر انفاسه بس تدري ايش قال لي * خليك مبسوط بحياتك ولاتدمر نفسك بنلتقي بمكان ثاني وبوقت ثاني ويمكن نلتقي بالاخره * بعدها طاحت يده قدامي
اصيل بمحاوله لتهدئته : اهدى طلال خلاص انا هنا
طلال كمل بحرقه وقهر وخذلان من نفسه : انا السبب انا اللي كنت اكلمه صرت اكره الوقت وصرت اكره اطلع صرت اكره نفسي بديت ااذي نفسي يمكن يخفف شي من اللي بداخلي بس ماقدرت
اصيل ضمه اقوى لصدره: اهدى طلال مو زين تسوي كذا
طلال بشهقات قويه : بس جاني اخوه وقال لي انه يعزني ولازم انتبه لنفسي علشانه ترك معي رساله وجواله فيه رسايل لي كان حاااس ولا قال لي
اصيل فتح عيونه بصدمه اول ما اختفى الصوت والشهقات ولثقل طلال اللي صار عليه اغمي عليه معقوله كل هذا بداخله بس واضح انه اثقل من كذا الموضوع سنده عليه ومدده بالكنب وقف يناظر لشكل طلال اللي كل يوم يكون اسوء من اللي قبل
كيف البارت وايش توقعاتكم للجاي ♥️♥️♥️♥️
