东宫 Eastern Palace 🦊🏜️
ငါ ရွှီညန်ရဲ့ နန်းဆောင်ကို အပြုံးတွေပြည့်လျှံနေတဲ့ မျက်နှာတစ်ခုနဲ့ အတူရောက်သွားခဲ့တယ် ။နန်းတော်ထဲက အထီးကျန် ပန်းခြံ ကိုပေါ့ ။
ဒါငါ ရွှီညန်ကို ပထမဆုံးအကြိမ် တွေ့ဖူးတာပဲ ။
သူမက အိပ်ယာပေါ်မှာလှဲလျောင်းလို့နေတယ်။ သူမျက်နှာက တော့ ကျန်းမာရေး အခြေအနေကောင်းတဲ့ ပုံမပေါ်ရှာဘူး ။ ဒါပေမဲ့ သူမက အတော်လေးကို လှပတဲ့ အမျိုးသမီးတစ်ယောက်ဆိုတာတော့ငါပြောနိုင်တယ် ။
အဲ့အချိန်မှာပဲ နန်းတွင်းသူတစ်ယောက်က "ထိုက်ဇစ်ဖေး ကြွရောက်လာပါပြီ" လို့ ပြောလိုက်တော့ ၊ သူမက အိပ်ယာထဲကနေ ကြိုးစားပြီးထလာချင်တဲ့ ပုံပဲ ၊ ယုန်ညန်က သူမကို ထူပေးဖို့ပြေးသွားတယ်။
ငါသူမကို ဘယ်လိုတောင် နှစ်သိမ့်ပေးရမလဲ တကယ်မသိဘူး ။ ငါမိဖုရားခေါင်ကြီး ပြောတာကိုပဲ ပြန်အတုခိုး ပြောလိုက်ရဖို့ပဲ တတ်နိုင်တယ် ။ "နင် အရမ်းကြီးလည်း စိတ်မကောင်းဖြစ်မနေပါနဲ့ ။ ဘယ်လိုပဲပြောပြော နင်ကအသက် ငယ်ပါသေးတယ် ။"
ရွှီညန်က မျက်ရည် တွေအနည်းငယ် ကျဆင်းလာရင်းနဲ့ " ထိုက်ဇစ်ဖေး ကို ကျေးဇူးတင်ပါတယ်။ ကျမက ကံဆိုးမှုတွေကို သယ်ဆောင်လာမိတာပါ ။ သေသင့်ပါတယ် "
ငါလည်း ရှက်ကိုးရှက်ကန်းနဲ့
"တကယ်တော့ ......နင်ဘာလို့ သေချင်ရတာလဲ ? ငါ့ကို ကြည့်လေ ......ကောင်းကောင်းမွန်မွန် နေနေတာပဲမဟုတ်ဘူးလား ..."
ယုန်ညန် ချောင်းတစ်ချက်ဟန့်သံ ကို ကြားလိုက်တာနဲ့ ၊ ငါစကားပြောထပ်မှားပြန်ပြီ ဆိုတာသိလိုက်ပြီ ။
"နင် ဘာစားချင်လဲ ? ငါတစ်ယောက်ကို လုပ်နည်းသင်ပေးပြီး နင့်ဆီပို့ခိုင်းလိုက်မယ် " လို့မေးလိုက်တယ် ။
နောက်ဆုံးတခေါက် ငါနေမကောင်းတုန်းက မိဖုရားကြီးက ငါ့ကို ပြုစုဖို့ လူလွှတ်ပေးပြီး ငါဘာစားချင်တာရှိသလဲ ဒါမှမဟုတ်ရင် ဘာများလိုအပ်ေနတာရှိလဲ အမေးခိုင်းခဲ့တယ် ။
အရှေ့နန်းတော်မှာ လိုအပ်နေတာဘာများရှိသလဲ ?
ဒါက သူတို့ငါ့ကို မေးခဲ့တာပဲ ။ ငါလူမမာတစ်ယောက်ကို ဘယ်လို နှစ်သိမ့်ပေးရမလဲ မသိ ။ ငါ မိဖုရားကြီး ပြုမူပြောဆိုခဲ့တဲ့ အတိုင်း အတုယူ ပြီးပြန်ပြောရုံပဲတတ်နိုင်တယ် ။
YOU ARE READING
Eastern Palace (Goodbye my princess Myanmar Translation)
Historical Fiction🦊🏜️ ကောင်းကင်ဘုံ၏ အကြီးမားဆုံး သော အပြစ်ဒဏ်မှာ အရာရာကို မေ့ပစ်လိုက်နိုင်စွမ်း မဟုတ်ခဲ့ပဲ အရာအားလုံးကိုအမြဲ တစေ မှတ်မိနိုင်စွမ်းသာ ဖြစ်၏။ ________________________ ❗❗❗ I don't own this novel. This is fan translation . Fully credit to original autho...
