ဆုံးဖြတ်ချက်ချပြီးကာမှ တွေဝေနေရသည့် အဖြစ်မျိုး Jennie ရဲ့ဘဝမှာ မရှိခဲ့ဖူးပေ။ မိမိကိုယ်တိုင် ကားနဲ့တိုက်သတ်ထားတဲ့လူကို လူနာသတင်းလာမေးရတာ နည်းနည်းတော့ အူကြောင်ကြောင်နိုင်စေပေမယ့် ဆုံးဖြတ်ပြီးသားမို့ မတက်နိုင်။ အမျိုးသမီးကို အကူအညီတွေပေးခဲ့ဖူးတဲ့ လူပဲဆိုပြီး နှလုံးသွင်းကာ လာခဲ့ရတဲ့လမ်း။ သိပ်တော့လဲ အဆင်ပြေမနေဘူးရယ်။အခန်းတံခါးဝတစ်ခုရဲ့အရှေ့မှာ ခြေအစုံရပ်ပြီး အသက်ကိုဝဝရှုသွင်းကာ စိတ်ကိုတည်ငြိမ်အောင် ထားစေပြီး အခန်းတံခါးကို ခေါက်လိုက်သည်။
" ဝင်ခဲ့ပါ "
အခန်းတွင်းဝင်ခဲ့လိုက်သည့်အခါ
ကုတင်ဘေးနားက ပြတင်းတံခါးရဲ့ရှေ့မှာ ဂျိုင်းထောက်လေးနဲ့ မတ်တပ်ရပ်နေတဲ့ လူက Jennie ကို ပြုံးပြီးလှမ်းကြည့်နေတယ်။ အမြင်ကပ်စရာကောင်းလိုက်တာ။"မသေသေးလို့ ကျေးဇူးတင်တယ်"
"ဟား ဟား ဟား "
ထိုရယ်သံဟာ Seo joon ဆိုတဲ့အမျိုးသားဆီကဖြစ်သည်။ ခနဲ့သလို ရယ်တာမျိုးမဟုတ်ဘဲ Jennie ရဲ့အပြောကို သဘောကျစွာဖြင့် ရယ်ခြင်းမျိုးဖြစ်နေတာကြောင့် စိတ်မတိုမိ။
"Jennie Kim ကတော့ တကယ့်စံပဲဗျာ"
"ဘာကိုလဲ "
ဘယ်ဘက်ခြေထောက်ကို ကျောက်ပတ်တီး ကိုင်ထားရတဲ့ ထိုအမျိုးသားဟာ ဂျိုင်းထောက်ရဲ့ အကူအညီဖြင့် ကုတင်ပေါ်သို့ တက်ထိုင်သည်။ မတ်တပ်ရပ်နေဆဲဖြစ်တဲ့ Jennie ကို လှမ်းကြည့်လာသည်။ ထိုင်ခုံမှာ ထိုင်ရန် လက်ဟန်ပြလာတော့ ဂရုမစိုက်သလိုဟန်နဲ့ အနားကို တိုးသွားမိတယ်။
"ခင်များရဲ့သတ္တိကို တကယ်ချီးကျူးမိတယ်"
"ချီးမွှမ်းခံဖို့လာတာမဟုတ်လို့ အဲ့တာတွေမလိုပါဘူး။ ဆိုတော့ ဆေးရုံမဆင်းသေးဘူးလား။ အမျိုးသမီးက ဒီနေ့ဆင်းမယ်ပြောလို့ လာခဲ့တာ"
"ခဏနေ ဆင်းတော့မှာ "
"ကျေးဇူးတင်ပါတယ် "
တအံ့တဩဖြစ်သွားတဲ့ အမူအယာတွေဖြင့် ဖျက်ခနဲမော့ကြည့်လာတဲ့ Seo joon ရဲ့ အကြည့်ကြောင့် မျက်နှာလွှဲလိုက်ရသည်။
KAMU SEDANG MEMBACA
Tied to you,with love bond
Fiksi Penggemarရစ်ပတ်နှောင်ဖွဲ့တက်တဲ့ အဖြူရောင်ကြိုးအမျှင်လေး တစ်ခုရယ်ပါ။ နူးညံ့စွာ စီးမျှောပျော်ဝင်ပစ်လိုက်ဖို့အတွက် ထိုက်တန်လွန်းတဲ့ အကြောင်းတရားလေးဟာ မျက်ခွံပေါ်က မှဲ့နက်လေးကနေ အစချီပြီး ဖြစ်တည်မှုအားလုံးနဲ့ အဆုံးသတ်ရမှာပါပဲ။ - Kim Jisoo - သစ်သားခြံစည်းရိုး အ...