LOVE WARNING ⚠️[Complete]

Chocolate and drunk

အဖြူရောင်ကြွေပြားတွေခင်းထားတဲ့မီးဖိုခန်းဟာ အခုချိန်မှာတော့အညိုရောင်ချောကလက်အစက်လေးတွေနှင့်ပြည့်နှက်နေလေသလိုအိမ်စီးဖိနပ်အပါးလေးဝတ်ထားတဲ့ခြေထောက်ဖွေးဖွေးလေးကလည်း ဟိုလျှောက်ဒီလျှောက်နှင့်ပြာပန်းခပ်လှုပ်ရှားနေတာကြောင့် ဖနှောင့်သားလေးတွေမှာသွေးခြေဥမတက်နီရဲနေလေသည်။နက်ပြာရောင်ပိုးသားညဝတ်လက်ရှည်ဝမ်းဆက်ကိုဝတ်ထားတဲ့အက္ခရာလေးအလုပ်ရှုပ်နေသည်မှာ လွန်ခဲ့တဲ့နာရီဝက်ကတည်းကဖြစ်သည်။အိပ်ချင်မူးတူးဖြစ်နေတာကြောင့် မျက်ခွံလေးကဖောင်းအစ်နေပြီးမျက်သားလေးတွေကလဲရဲနေသည်။မျက်တောင်ရှည်ကော့ကော့လေးတွေကလဲ မကြာခဏပုတ်ခတ်ပုတ်ခတ်လုပ်နေပြီး ဆံစနီနီပွပွလေးတွေကိုလည်း ထိပ်တွင်သားရေကြိုးပျော့လေးနှင့်ဖြစ်သလိုစည်းထားသေးလေသည်။

   ဘေစင်ရှေ့မှာရပ်ရင်း စတော်ဘယ်ရီသီးအလုံးကြီးကြီးလှလှများကို အသာအယာဆေးကြောနေရင်းတစ်ချက်တစ်ချက်လည်းသန်းဝေနေသေးသည်။‌တစ်ခါသုံးပလက်စတစ်ဘူးလေးထဲတွင် တစ်လုံးတည်းသာကျန်ရစ်ခဲ့သောစတော်ဘယ်ရီသီးလေးကိုရေစွတ်ကာ ပါးစပ်ထဲထည့်လိုက်ပြီးမှ အသီးနီနီလေးတွေနှင့်ပြည့်နေတဲ့ကြွေပန်းကန်ဖြူဖြူလေးကို အိတ်ခွံတွေဘူးတွေဇလုံတွေနှင့်ပြည့်နေသည့်ကောင်တာစားပွဲရှည်ကြီးပေါ်သို့တင်လိုက်သည်။

   အရည်ပျော်စပြုနေပြီဖြစ်တဲ့ချောကလက်တုံးကြီးကို အနည်းငယ်မွှေပေးလိုက်ရင်း မီးကိုအနည်းငယ်လျှော့ချလိုက်သည်။ချောကလက်နံ့တွေကလဲ တစ်အိမ်လုံးကိုပျံ့နှံ့လာပြီဖြစ်လာတာကြောင့် အက္ခရာရဲ့မျက်ခွံလေးတွေကလည်း အနည်းငယ်ပိုပြီးပွင့်လာလေသည်။နှာခေါင်းလေးကိုရှုံ့ပွရှုံ့ပွလုပ်‌လိုက်ရင်း ချောကလက်အနံ့သင်းသင်းကိုရှုရှိုက်ကာ စိတ်ပျော်ရွှင်လာပြီး နှုတ်ခမ်းလေးမှာလည်းပြုံးလာလေတော့သည်။

  "ဟိဟိ အရမ်းမွှေးတာပဲ..."

   ချောကလက်ကိုမွှေနေရင်း လက်ညိုးလေးနှင့်တို့ကာမြည်းစမ်းလိုက်သည်။ပြင်းပြတဲ့ချောကလက်အရသာက ဦးနှောက်ထဲထိဝင်ရောက်သွားပြီး အိပ်ချင်နေတဲ့ပိုးတွေကိုဖယ်ထုတ်နေလေတော့သည်။ရေနွေးဇလုံအောက်ခံ၍ အချိန်အနည်းငယ်ယူပြီးချောကလက်တုံးအားအရည်ပျော်အောင်လုပ်ပြီးနောက်ဆက်မွှေနေရင်း ဘယ်ပုံစံခွက်ထဲထည့်ပြီး ဘာပုံစံလေးဖော်ရမလဲဆိုပြီးစဉ်းစားနေရသေးသည်။အလုပ်တွေကအရမ်းရှုပ်နေပါသည်။ အက္ခရာရဲ့လက်ရောခြေထောက်ရောဦးနှောက်လေးပါ အလုပ်ရှုပ်နေပါသည်။