Lullaby
'တိုးသဲ့သဲ ဆိုညည်းသံ။
သမုဒ္ဒရာ ပဲ့တင်ထပ်သလို
မျက်ဝန်းတွေကို မှေးမှိတ်စေပေမယ့်
သားချော့တေးတိုင်းက အိမ်မက်လှလှ မက်စေဖို့ မဟုတ်ဘူး။
ဆူးတိမ်တိုက်တွေပေါ်မှာ ကခုန်လို့
ရုန်းမထွက်နဲ့
နောက်တစ်နေ့ မိုးသောက်မနက်။'
~~~~~~~~~~~~~
ချိန်းဆိုထားတဲ့ အချိန်ထက် အတော့်ကို နောက်ကျနေပြီ မလို့ ရှောင်းကျန့် ဝရုန်းသုန်းကားဖြင့် တွေ့ဆုံကြမည့် ဆိုင်သို့ ပြေး လာမိပေမယ့် မိမိအား စောင့်နေရမည်ဟု ထင်ထားသည့်လူမှာ ယခုထိ ရောက်မလာသေးပေ။
"တစ်ဆိတ်လောက်ပါဗျ။
ချန်မျိုးရိုးနဲ့ book တင်ထားတဲ့ အခန်းများရှိလားမသိဘူး။"
ခပ်ကျဲကျဲထိုင်နေကြတဲ့ အပြင်ကခုံတွေမှာ ရှောင်းကျန့် မိမိအား ချိန်းဆိုထားသည့် အမှုသည်အား မတွေ့ရတာမလို့ reception သွားမေးမိတော့ booking တင်သူ စာရင်းအား စစ်ပေးနေသည့် ကောင်မလေးက ခနအကြာမှာ စာရင်းမရှိကြောင်း ငြင်းဆိုသည်။
ဖုန်းဆက်ပြီး အကျိုးအကြောင်း လှမ်းမေးဖို့ ကြံရွယ်လိုက်ပေမယ့် အချိန်ကိုက် မြည်လာသည့် ဖုန်းကြောင့် ရှောင်းကျန့် အလျှင်စလို ကိုင်လိုက်မိသည်။
"ဟယ်လို Mr. ချန်၊
အာ အိမ်တော်ထိန်းကြီးလား"
Mr. ချန် ခေါ်ဆိုလာတဲ့ ဖုန်းထင်တာကြောင့် ဖုန်းနံပါတ်တောင် မစူးစမ်းမိပဲ ရှောင်းကျန့် လောကွတ်ပြုလိုက်မိပေမယ့် တစ်ဖက်မှ ထွက်ပေါ်လာတဲ့ အသံဟာ သိပ်မကြာခင်ကမှ တွေ့ဆုံခဲ့ကြသည့် အိမ်တော်ထိန်းကြီး ဖြစ်နေတာကြောင့် ရှိုးတိုးရှန့်တန့်ဖြစ်သွားရသည်။။
"ဘယ်လိုဖြစ်တာလဲ။
ကျွန်တော်လာခဲ့မယ်လေ။
ကုမ္ပဏီက ဘယ်နားလဲ?"
အလောကြီးနေဟန်ဖြင့် အိမ်တော်ထိန်းကြီးဟာ စကားလုံးတို့အား ဇယ်ဆက်သလို အလျှင်အမြန်ပြောသွားသည်။
YOU ARE READING
Ｃａｌｉｇａｒｉ(Complete)
FanfictionYou are the 𝙡𝙖𝙠𝙚, the 𝙨𝙩𝙖𝙧𝙨, the 𝙢𝙤𝙤𝙣? Ethereal music's soulful tune Princess of the glacial water Nevermore a lover, daughter In death, your voice will soar the plains Sing for me those sad refrains Graceful swan, my deep regret you ne...
