Unicode
Ding...Dong...
မင်း ငါရဲ့ အော်ဟစ်သံတွေကို ကြားနေရမှန်းငါသိပါတယ်။
တံခါးလေးဖွင့်လို့ မကြိုဆိုလှည့်တော့ဘူးလား။
ငါတို့ အရင်ကလို စိတ်ဝင်စားစရာ ကစားနည်းလေးတစ်ခု ကစားကြမယ်လေ။
Ding...Dong...
စင်္ကြန်တစ်လျှောက် ခြေသံတွေကို ကျယ်လောင်စွာကြားနေရတယ်။
မင်းရဲ့ အကြောက်တရားတွေကို ဝမ်းသာစွာ ခံစားမိတယ်။
အခုမှ ထွက်ပြေးမယ်ဆိုရင် လွတ်မြောက်ဖို့ နောက်ကျသွားခဲ့ပြီ။
ပြတင်းပေါက်ဆီကို အလန့်တကြားကြည့်နေတဲ့ မင်း။
ငါတို့ အခုလေးတင်ပဲ အကြည့်ချင်းဆုံ သွားခဲ့ပြီ။
တူတူပုန်းတိုင်း ကစားနည်း
ငယ်စဥ်ကတည်းက အကျွမ်းတဝင် ရှိခဲ့တယ်။
ပုန်းကွယ်ရင်း ပုန်းကွယ်ရင်း မင်းကို တစ်စုံတစ်ယောက်မှ မတွေ့နိုင်တော့သည် အထိ။~~~~~~~~~~~~~~~~~~
တရားရုံး အဆောက်အအုံရှေ့ ကျယ်ပြန့်မတ်စောက်တဲ့ လှေကားထစ်တွေကို ရှောင်းကျန့်က ခပ်သွက်သွက်ကျော်လွှားလို့ ဆင်းသည်။
လက်မောင်းကြား ပွေ့ပိုက်ထားသည့် အထပ်လိုက်သော ဖိုင်တို့မှာလဲ မနိုင်မနင်း။
ခြေတံရှည်တို့ဖြင့် တရိပ်ရိပ် ဖြတ်ကျော်လာမိခဲ့သည့် လှေကားထစ်တို့က သည်နေ့မှ ပိုများနေသယောင်။
ကျောင်းတုန်းက ရင်းနှီးခဲ့သည့် စီနီယာတစ်ယောက်ထံတွင် အကူအညီတောင်းထားသော ဝမ်ရိပေါ်၏ အမှုနှင် ပတ်သက်သည့် စာရွက်စာတမ်းများကို ဒီနေ့ ရုံးချိန်းအပြီးတွင် စီနီယာက ပေးလိုက်သည်မလို့ ရှောင်းကျန့်လက်ထဲတွင် များစွာသော ဖိုင်တို့ဖြင့်။
အဆက်အသွယ် ကောင်းတွေရှိသည့် စီနီယာက ရှောင်းကျန့်တို့ သမာရိုးကျ လပေါင်းရှည်ကြာစွာ စုဆောင်းထားသည့် အချက်အလက်တွေထက် ပိိုသာသော အချက်အလက်တွေကို အချိန်တိုအတွင်း ရရှိနိုင်သည်။
ဝမ်ရိပေါ်၏ အမှုနှင့် ပတ်သတ်၍ အရင်တာဝန်ခံရှေ့နေ လွှဲပြောင်းပေးခဲ့သော အချက်အလက်တို့မှာ ပြည့်ပြည့်စုံစုံ ဖြစ်မနေခဲ့တာမလို့ ရှောင်းကျန့် အတွေးများရပြန်သည်။
ယခု ရှောင်းကျန့် လက်ထဲတွင် ဆုပ်ကိုင်ထားသော စာရွက်တို့ဟာ ဝမ်ရိပေါ် အပြစ်ကင်းကြောင်း အထောက်အထားတို့လဲ ဖြစ်နိုင်သလို လွဲချော်စွာ တရားခံဖြစ်ကြောင်း ထင်ရှားစေသော အလီဘိုင် တစ်ခုအနေနဲ့ ဖြစ်သွားနိုင်သည်။
ထိတ်ခနဲ ပူပန်သွားရသော စိတ်အစဥ်နဲ့အတူ ရှောင်းကျန့် မိမိ၏ လွန်လွန်ကျူးကျူး အတွေးများမှုကြောင့် တင်းကျပ်စွာ ဆုပ်လိုက်မိသော လက်သီးဆုပ်နဲ့အတူ ပြစ်ဒဏ်အနေဖြင့် လက်သည်းစတို့ကို လက်ဖဝါးအသားနုတို့ နာကျင်လာသည်အထိ နစ်ဝင်စေလိုက်သည်။
ဝမ်ရိပေါ်ဟာ တရားခံပါလို့ တွေးကြည့်ရုံနဲ့တင် ရှောင်းကျန့်ဟာ မွန်းကျပ်ခြင်းနဲ့အတူ မလိုလားအပ်သည့် ဒေါသတရားတို့ကြောင့် မြင်မြင်သမျှ အပေါ် အပြစ်ပုံချမိပြန်သည်။
ကာယကံရှင် ကိုယ်တိုင်က တိတိကျကျ ဝန်ခံထားခြင်း မရှိသော အမှုတစ်ခုဖြစ်တာကြောင့် ထင်မြင်ချက်ပင် ရေရေရာရာ သုံးသပ်မရသေးသည့်အခါ ရှောင်းကျန့်ရဲ့ တဇွတ်ထိုး ခံယူချက်တို့ဟာ မိုက်ရူးရဲများ ဆန်နေလေမလား။
လက်ရှိ သက်သေ အနေအထားအရ ဝမ်ရိပေါ်သာ တရားခံဖြစ်ကြောင်း တစ်ဖက်ပိတ် လူတို့၏ အမြင်တွေအပေါ် ရှောင်းကျန့် သဘာဝလွန် ဖြစ်ရပ်တစ်ခုကဲ့သို့ မှော်ဂါထာ တစ်ခုကို သာ ရွတ်ဆိုလို့ အခြေအနေတို့အား ပြောင်းလဲပစ်လိုက်ချင်တော့သည်။
ရှေ့နေတစ်ယောက်၏ ဝတ္တရားဆိုသည့် အပေါ်ယံခြုံလွှာတစ်ခုအောက် ပုန်းလျှိုးမိနေသည့် မရိုးရှင်းတော့သည့် ခံစားချက်တို့ကြောင့် ဒီရက်ပိုင်းအတွင်း သိပ်ကိုမှ ပင်ပန်းလှပါသည်။
မိမိကိုယ်ကိုကိုယ် ဆန်းစစ်ကြည့်မိတိုင်း မရေရာသည့် ရလဒ်တို့နှင့်သာ ယောင်လည်လည်း ဖြစ်ရပြန်သည်။
ရိုးရှင်းစွာ အဖြေထုတ်ကြည့်လျှင် ဝမ်ရိပေါ်ဘာတွေပဲ ကျူးလွန်ခဲ့ပါစေ ရှောင်းကျန့်က ကာကွယ်ပေးရန် ဆုံးဖြတ်ခဲ့ပြီးသား။
ဝမ်ရိပေါ်ဟာ အပြစ်များလွန်းသည့် လူတစ်ယောက် ဖြစ်နေပေသည့်တိုင် သည်လို ရက်စက်သည် ရာဇဝတ်မှုမျိုးဖြင့်တော့ မပတ်သက်စေလိုပါ။
ဝမ်ရိပေါ်ဟာ ဆိုးသွမ်းလွန်းသည်မှ မှန်ပေမယ့် အပြစ်ကင်းစင်ကြောင်း ရှောင်းကျန့် အကြွင်းမဲ့ယုံကြည်သည်။
အကယ်၍ ထိုလူသားဟာ ကံအကြောင်းမသင့်စွာ တရားခံဖြစ်ခဲ့ရင်တောင် ရှောင်းကျန့် တစ်ချက်မတွေဝေပဲ ဘဝတစ်လျှောက်လုံး သစ္စာခံလာခဲ့သော ဥပဒေတို့အား ချိုးဖောက်ပစ်ဖို့ အထိ သတ္တိရှိပါသည်။
ထက်မြက်သည့် ဥပဒေကျောင်းသား ရှောင်းကျန့်ဟာ မှန်ကန်စွာ ဖြောင့်မတ်တတ်ဖို့ သင်ကြားခဲ့ဖူးပေမယ့် တစ်စုံတစ်ယောက်သာဆို ချွင်းချက်မရှိ ရဲရင့်စွာ မိုက်ရူးရဲဆန်ကြည့် ချင်ပါသည်။
သို့ပေမယ့် ကာယကံရှင် ဝမ်ရိပေါ်ဟာ တရားခံအစစ်အကြောင်းမေးမိတိုင်း ပဟေဠိလို မျက်ဝန်းတွေနဲ့ ငေးကြည့်တတ်တဲ့အခါ၊
တစ်ဖက်စွန်းရောက်သွားသည့် ယုံကြည်ချက်တို့အား ဖွင့်ဟမိတော့ လှောင်ရိပ်သန်းသလို အပြုံးမျိုးဖြင့် ပြုံးတတ်သည့် အခါ ရှောင်းကျန့်ဟာ ပုံစံအမှန်မသိလောက်အောင်ကို ပုန်းလျှိုတတ်လွန်းသည့် ဝမ်ရိပေါ်၏ ကစားနည်းတွင် လွန်ဆန်နိုင်ခြင်းမဲ့ ခဲ့ရပြီး။
YOU ARE READING
Caligari(Complete)
FanfictionYou are the 𝙡𝙖𝙠𝙚, the 𝙨𝙩𝙖𝙧𝙨, the 𝙢𝙤𝙤𝙣? Ethereal music's soulful tune Princess of the glacial water Nevermore a lover, daughter In death, your voice will soar the plains Sing for me those sad refrains Graceful swan, my deep regret you ne...