Gözlərimdə tökülməmiş yaş qalıb
Dözmüşəmsə, ürəyimdə daş qalıb.
Uzatdığım əl hər zaman boş qalıb
Əl üzməyi mən bu cür öyrənmişəm
İstək ilə səbr gərək söyləyib
Səbr edərək gözləmişəm istəyib
Çatmamışam murada səbr eyləyib
Və bezməyi mən bu cür öyrənmişəm
Məni əli kirli, alnı tər görüb
Yəqin həyat igid görüb, nər görüb
Hər bir işin axırında şər görüb
Şər sezməyi mən bu cür öyrənmişəm
Arzum uçub puç olubdu fələkdə
Parçaların seyr etmişəm küləkdə
Hər gedənə sözüm qalıb ürəkdə
Söz düzməyi mən bu cür öyrənmişəm
Bu dərd ümmanına hamı baş vurub
Dalğalar məni də hamı tək yorub
Bir dalğa batırıb, biri qaldırıb
Bax, üzməyi mən bu cür öyrənmişəm
Həm dözməyi mən bu cür öyrənmişəm
YOU ARE READING
"Hər vaxtınız şeir" ...
PoetryHər üstün bilən və bacaranın bir üstün bilən və bacaranı vardır. Ən üstün bilən və bacaran isə bilik və bacarığı yaradan - Tanrıdır!
