"Hər vaxtınız şeir" ...

Ölüdən diriyə

Məzarıma heç getməyin

Yanınızda sanın məni

Ya heç zaman yad etməyin

Ya da hər gün anın məni

Sevinmir o mərmər, o daş...

Siz anlayın, qanın məni

Özünün şad günündə kaş,

Ansın şirin canın məni

Sevindirə bilməz inan

Saxta şöhrət, şanın məni

Şad edər səmimi yanan,

Axan isti qanın məni.

Ölən sizi ölü görür...

Siz o qədər danın məni.

Burdan baxanda güldürür

Yaşamı insanın məni...

- Hümbət İsmayılov