Hüzn artar, vərdiş olar,
Belə acı gülüş olar?
Çətin bir də gəliş olar,
Yaşa hələ, hələ ölmə...
Bilirəm, bir diləyin var.
Dərində çox istəyin var.
Yaşanmamış çox şeyin var,
Yaşa hələ! Hələ ölmə!
Sənin üçün nur görülər,
Bəlkə bir fürsət verilər?
Dərdin ölər, qəlb dirilər,
Yaşa hələ! Hələ ölmə!
Sağalmazmı heç yaralar?
Niyə hamı qəlb yaralar?
Vurulmamış çox yara var?
Yaşa hələ... Hələ ölmə!
Heç bunlara səbəb bilmə.
Eybi yoxdu ağla, gülmə.
Parça-parça olub ürək,
Parçaları Sən də bölmə...
Qurban olum! Belə ölmə...
Yaşa hələ... Hələ ölmə...
@NigarSadiq 'ə
YOU ARE READING
"Hər vaxtınız şeir" ...
PoetryHər üstün bilən və bacaranın bir üstün bilən və bacaranı vardır. Ən üstün bilən və bacaran isə bilik və bacarığı yaradan - Tanrıdır!
