كفي والمنجمه
للكاتبه leo Alfatlawi
اول ماكال هيج رفعت راسي مامصدك السمعته اباوعله جان يحجي بجديه كمشتني الرجفه شنو هذا معقوله عاقل لويريد يكتلني ومحد يكدر يحاسبه لان اصير مرته
اجت ماما صاحت لو تموت ماانطيك بنتي
-بعدي غادي
-شنوو اوخرر مؤتمن الك حق تاخذه منيي وخرر عن بنتيي
كالتها وجرتني بس هو جان قبضته قويه بحيث مااكدر اتحرك من جوه ايده؛ اندار على عمو قتيبه كله بعد حرمتك لااتخليني امد ايدي عليها
قتيبه- فريال تعالي هنا تركي بتهم خلي ياخذوها فكينه من شرهم
-شنو بس لا وافقت والك هذا يموتها ذوله ماعدهم رحمه اسألني عنهم اني اكثر وحده اعرفهم
-ميأاذوها هاي بتهم
-عزا ابعيني راحت بتي صرت وياهم لوخفت على ابنك والله يمؤتمن اخليك تندم اترك غزل الك كلتلك ثار اخذه مني هاي مالها ذنب
هاي الهوسه والصراخ كله اصلا مجان يسمعه لان ملتهي ويه الشيخ ينطي معلومات عنه علمود العقد كمل باوعلي دنگ خله راسي يم اذني وهمس
-اتوافقين وانتي حبابه اي غلطه منج اخلي طلقه براسج ونهيج بثواني وانعل ابو اليطلع ابوجهي باوعلي واشر براسه هااا
هزيت راسي بأي ماينسمع مني بس صوت شهكتي لان خفت صدك يكتلني ويكول غسل عار مثل ماتكول سماح
ماما- غزل ماما لاتوافقين وانت يالشيخ اذا عقدتها راح اشتكي عليك واكلهم يعقد باطل
ضحك مؤتمن بستهزاء ودنگ طلع ورقه من جيبه راح يمها رفع الوقه وكلها تذكريها هاي لولا
اباوعها اتصنمت وردت حسابك وياي عوف غزل
-لو الورقه لوغزل ضلت يمج بعد يله لاتاخرينا
-مؤتمن عمه لاتخلي الماضي يعميك وتظلم وحده مالها ذنب
- يله شيخنا اتوكل كمل العقد
المومن- الشهود منو
-ذوله موجودين كاظم ومكرم هوياتكم خويه
-والوكيل البنيه قاصر
-احمد اخوها هو وكيل عنها
-تمام اتفضل هنا خلي اكمل نقل المعلومات
اباوعله سحب الكرسي كعد ودنك وصار كدامي امتاني اجابتي كل عقله هذا راح اوافق مستحيل اصير مرته شنو اتخبلت واذا كتلني شنو راح اخسره اموت ولااعيش وياهم وخاصتاً ويا ؛
بده يعقد انداريت ردت ماما تنقذني من هذا الموقف لكيتها ماكو ولاواحد مختفين وين راحوا ذوله صح شفت ماما عمو اخذها وداخل جوه بس طلع وهسه لاهو ولاسيف وين بلكي راحوا يخبرون الشرطه انتبهت احمد ماهو عرفته يمها جوه اكيد حاسبين هيج حساب
