كفي والمنجمه
بقلمي: leo Alfatlawi
بارت الخامس والثلاثون***
وكفت متصمنه اباوعله بيده قميصه ركض بكل حيله طفر السياج واسمع شغل ماطور وشحطه
ركض للشباج لكيت سمر لامه روحه بالزاوية صعدت الشباج وطفرته رحت يمها جانت ضامه راسها بحضنها وترجف خليت ايدي عليها وهيه كمزت ترجف وتتوسل اعوفها
-اهدي حبيبتي لاتخافين اني يمج
كعدت يمها همست منو هذا احجي
باوعتلي وبجت جريت ثوبها اشوف صدرها كله طكع
شهكت ولطمت على صدري -عزا ابعيني ولج احجي شمسويلج منو هذا
لمت روحها بخوف ماردت
سمر حبيبتي احجي يمكن اكدر اساعدج شنو حرامي طافر عليج علمود اصيح مؤتمن يشوفج فدوه بس احجي
-لالا راح يموتني لاتحجين موش حرامي
-منو هذا لعد احجي
-مااعرفه غزل لاتحجين فدوه راح يذبحوني واذا ذبحوني وانكشفت السالفة ترجع عليج هم تسويلج مثلها
-منو رجاء مو اصخام بوجها هيه ادخل عليج ولج لويش ماطلعي ماصحتي امصخمه
-ماكو الباب مقفول من انام يجيني مااعرف منو يفتحله الشباج ويقفل الباب يسد حلكي وميخليني اكوم يخنكني حتى صوتي مااكدر اطلعه
-ماكو غيرها هاي رجاء ولج احجي هم اعتده عليج
-لالاابد غزل لالاتحجين يذبحوني
-لويش هيج دسوي هاي كلشي اتوقعت بس توصل للشرف لا
-لاهو ميسوي شي موش زين بس يسوي اشياء هواي هواي سحر هواي اسود يسوي بيه نكاسه سحر وشياء هواي كالتها وفتحت عيونها
خفت من منظرها كمت ابتعدت عنها سمر انكلب شكلها وصارت اشكال تحجي دكيت الباب بثنين اديه حيل انفتحت بسرعة دخلت رجاء صاكه على اسنونها كالت اشدخلج لهنا
-عزا بعينج اذا مافضحتج بسيطه
- صوتج تفضحين منهو انتي واختج بالغرفة ومدخلات واحد وهاي موش اول مره نسيتي الدخلتي من البالكون وكلتي حرامي لوحسبالج عبرت علينه وبعدين ناخذ اختج وانشوف ابنيه لا لان امبينه شغلتجن هاي
-ولج شنو متخافين الله اتخبلت البنيه لويش هيج دسوين
-ماسويت شي هاي جدامج عين الله تحرسها جنها ورد وين محصله واحد يريحه بلاش
-اصخام بوجهج ولج يذبحوها اذا عرفوا انتي شنو هم بشر هسه اصيح مؤتمن انشوف اشلون راح يصدكج
-روحي اذا انتي مرة سويها منهو يطلع هنا عدنه غيرج هذا صاحبج جايبته من المدرسة واله اشدرا مؤتمن الضهر مينام يمج بس بليل ماشايفه حرامي يجي الضهر هذا حرامي امسير اسنين عايشين بهذا البيت ماصار هيج اشو من اجيتي كاموا الحرامية تطافر هههههه
