كفي والمنجمه
بقلمي: leo Alfatlawi
بارت الثالث عشر والرابع عشر ج2
هاي الكلمة جانت كافية افتهمت منه ديقنعه يتزوج
صفنت عليه اويلي مؤتمن عمره وروحه يلم نسوان باليبت ولا يمل من تعدد الزوجات اصخام بوجه
شفته يريد يتحرك ركضت للحمام على طراف اصابيعي حتى لايلكفني لان اعرفه راح يحذرني اكول لمن يورطها بوحده لخ مثل ماخلاني كدام الامر الواقع هذا ناوي يسوي مكرم نسخته الثانية
سبحت وطلعت لكيته متمدد يكلب بالفون رحت نمت يمه سحبني لحضنه وضل يكلب اباوعله هذا شيحس من يومية متزوج وحده شنو شعوره من يتنقل من حضن لحضن گال شنهو اكو غزل
-ماكو شي
-همم خير ان شاءلله بس نضرتج هاي موش خالية
مارديت غمضت وضميت راسي بحضنه هذا اذا لح شوية اروح اخرط الاول والتالي
سويت روحي نايمه منتظرته اشوكت يطلع حتى اروح لهيفاء ضليت احسب الثواني متامله اگللها واتلحك على رجلها قبل لايورطه مؤتمن
عالاساس ماانام تالي رحت بالنوم ماكعدت غير للظهر كمزت شفته ماكو خفت طلعت هيه هم ورجعت لبيتها
نزلت لكتها ماكو سألت سماح كالت راحت ويه امي للزيارة
رجعت للغرفة خبرتها اول ماردت قبل لاتحجي كلتلها تركي الزياره وردي
-شكو غزل
-تعالي واني اكلج شغلة مهمة
-يلا بليل نجي مانبات
-تمام على بيت جدو تعالي مو ترحين بيتكم
-يله ولج ميخالف روحي مكرم جاي يصيح اتعطلت عليه
سديته وتذكرت ماجابتلي الكلبجات ماكو غير حبيبة
خبرتها اشكد رن وماكو لو يجيني رفض عرفتها غبيه بيد جهالها الفون رديت اتصلت مابطلت لمن ردت كالت ها غزاله خيه خيرج
-كم مره اكولج فونج لاتنطي للجهال
-ولج خلي الفريخات ملتهيه كولي خيه شرايده
-اريد كلبجات
-يمه اصخام المن ولج بس لا لجدتي
-اي اربطها هيه ومؤتمن واشمرهم بالشط ولج جيبيلي كلبجات
-غزل المن اول كولي
-باجر الاحد ومفهومج كفايه
-يحظي اخاف الايه تنكلب والله شما اشوف انتي المربوطة وشرط يم الهواش لان وصلت حدها وخليتي بنطي جلمه جدام الكل
-حبيبة
-عيونها خيه طالعة وما ارجع اذا مااجيبهن صدك جذب عد عيناج
