كفي والمنجمه
بقلمي: leo Alfatlawi
شعرها بالكاع كلما تخلي ايدها على راسها واجر خصله اطيح هيه والحنه
عصرني گلبي على منظرها اتندمت وقتها لان طاوعت مصطفى ونفذت الراده
عمتي كامشه ايدها اتكلها لاتهلسين كافي وهيه اتملخ بخدودها وتبجي كعدت على الدرج ودموعي تنزل عليها صارت شبه كرعة
هيفاء وسماح شالنها للحمام غسلن راسها يردن يشوفن شنو السبب دخل مؤتمن صاح شكو شافني ابجي وارجف اجه بسرعة يمي كال شصابج بويه
-مابيه شي بس خفت من الصوت لبالي كيوته صارلها شي
-كايتي يم مصطفى بالديوانية تلعب كومي غسلي وجهج
دنك راد يكومي وخرت ايده وكمت اخذ حسرة ورجع كال شكو شنهو الصار منهو جانت تصرخ
-يمكن دعاء
-اشبيها
-خاله حنه ومااعرف يمكن صار عدها تحسس اخذوها للحمام ديسبحوها
-روحي بويه لغرفتج لاتوكعين
-لامابيه شي بس وخر داانزل
راح لغرفة بيبي واني رحت وراهن للحمام اشوف منظرها يخوف شعرها طويل وثخين ترس الحمام اتخيلت اني يصير بيه هيج وجعني كلبي
سماح تبجي على بجيتها وهيفاء كامشه اديها لخاطر لا تضرب روحها لان جانت تقريبا فاقده ومنهارة
طلعوها من الحمام روحها رايحه ودنها للغرفة رحت طلعت منشفه انطيتها
صاحت هسه ارتاحيتي اكيد شمتانه
مارديت خليت المشفه على راسها ونشفته بس اشوف شعرها يجي بيدي خفت وخرت اديه
صاحت شكو غزل ولج احجي عليش بعدتي
-ماكو شي بس اني تعلب روحي من الحنه
ردات تكوم اتشوف روحها ماخلنها كامشاتها
دخل مؤتمن كال شكو اشبيكم
وهيه بدت تلطم كالته شوف اشعملن بيه كرعنييي لخاطر تكش روحك مني شوف شسووا بيه يامؤتمننن
وكف صافن عاكد حجبه خفت يعرف اني شراح يخلصني اجه يمها وخر المنشفه كاللها شنهو من عمل بيج هالشكل
-ماادري شوف منهو خله شي بالحنه ووكع شعري خالين مزيل ماكو غير غزل
سماح- دعاء كافي تشمرين بلاج غزل امنيلها مزيل اصلاً امسويه ليزر متستعمل هيج اشياء
-لاچامنهو غيرها يريد يحر گلبي
-ولج الحنه الخالتها تلفانه انتي عليش متبطلين هاي الاعشاب كم مرة نبهتج كلتلج كم وحده راح شعرهن بسبب طب عرب واعشاب
