كفي والمنجمه
بقلمي: leo Alfatlawi
بارت التاسع والعشرون ***
هو كالها وجدو باوعلة متعجب
ضحكت رجاء بصوت عالي كل عقلها ديقيضها
كلهم بجهه وعيني جانت على مؤتمن اريد اشوف ردت فعله شنو من يتزوج على اخته
اباوعله اصلاً مو يمه السالفة مدنك يكمل بأكله كأنما يعرف مامتفاجى بالحجي صاح جدو- وعليش يبوي تتزوج اشبيها حرمتك
احمد- مابيها شي بس انه رجال اكدر افتح بيتين وحرمتي كاضيتها يم اهلها من حگي اتزوج هم اريدلي وحده تساعد امي
رجاء- شنهوووو يعني صدك ناويها يااحمد والله اشعل امك اذا سويتها
-شنهو كلتي ولج كالها وكام دفرها
طفر مؤتمن سحبه دفعه للجهة الثانية كله تريد تتزوج ولي محد يمنعك بس تمد ايدك عليها اجسرها الك
- تجيب طاري امي اجسر راسها موش بس امد ايدي مؤتمن اختك جثير تتجاوز وسكت لخاطرك بس وصلت حدها عدل تربيتها
-متربايه احسن من تربيتك بس اكيد ردت فعل ماقاصدتها ويله ولي شوكت العقد عود بلغنه نجيك
جانت رجاء واكفه صافنه بعد ماسمعت مؤتمن مااعترض صرخت صرخه رجت البيت وكعدت كامت تلطم بسرعة كعد يمها مؤتمن سحب اديها حضنها حيل واحمد طلع صاحت لااا مؤتمن لاتخلي يروح لايخوي صيحه صيحله
-كافي بويه هدي
- بس منعه والله اصيرله خدامة بعد مااتجاوز لاتخلي يتزوج ولك مؤتمن اموت مااكدر اشوف وحدة ثانية ويا
-هاي هيه خليج يمي عوفج منه هذا ناويها ومكمل شغله بعد مااكدر امنعه هذا بيتج لاترجعيله عوفي يطكه مرض البايعج بعي لاتهتمين
- كله من مرتك چا منيله افلوس يتزوج لو ماتنطي هو جاتله الفكر گوه مدبر لكمته
شال مؤتمن راسه يباوعلي كلتله منيلي عزا لو شكو مصيبة تذبوها براسي هو شامبو اسبوع ماخليت بشر ما اتوسلت بي يالله جبتولي انوب زوج
- والله هيه الي ملت راسه كله منها هيه الدكتله صدر احمد مايعملها يحبني كالتها ولطمت كلما راد يسيطر علها ماكدر
عضيت شفتي متشمته اباوعلها خلي تحس بطعم الشريجه اشلون لو بس همه اوادم يحسون والباقي هيج بلااحساس
رحت كعدت على الدرج وتفرج شافيه غليلي لبالهه مايجيها يوم مصطفى واكف يمهم كوه كامش روحه لايضحك باوعلي وغمز دنكت عن لااضحك وانفضح
كل صوت جانت تصرخه يطلع من كلبها اخر شي كامت تصيح طلكني مااردله طلكني منه
استوى مؤتمن يكول اي وسمعنه طبه اندارينه لكينه عمتي بالگاع واكعة ؛ ترك رجاء وكام ركض الامه دنگ رفع راسها لحضنه ضرب على وجهه شافها بلا نفس شالها وصاح مصطفى الحگ شغل السيارررة
