كفي والمنجمه
بقلمي: leo Alfatlawi
البارت الحادي عشر****
-غزل جلمة وحدة منج انهي هسه كلشي
-صدك دتحجي لو ناصب عليه ترا هاي حبيبتك الدتحجي عليها
-انتي لوجان عندج ذره احساس جان عرفتي منهو الي مسبب علة الگلبي
- مؤتمن هذا الاسبوع زواجك
-عوفج من زواجي الف طريجه اكلنسه بي بس انتي جاوبيني
-شنو اجاوب مااعرف يعني فاجأتني دااحس تضحك عليه
-هيج موضوع مابي ضحك
باوعتله مااعرف شرد بس بنفس الوقت احس بي متوتر كأنما اول مرة يعترف لوحده بالحب وهو اصلاً مانطق كلمة احبج
اخذ نفس وگال ماريد اتردين الجواب هسه فكري عدل والتردي يجرالج
گام طلع خلاني بحالة صدمة هذا مؤتمن المتسلط والكل يحسبله احساب ويخاف منه هيج خجول وميدبر كلمتين على بعض ضحكت لان ماجنت متصورة توصل لهنا ويا
صفنت هذا اشحب بيه لو يريد يذل ماما بعد اخاف مااكتفه بس لا هو كال اكنسل العرس عضيت شفتي وين تهاني تسمع تنجلط مكانها
عزا بعينج سماح صدك من كالت تهاني مكروصه منج اثاري منتبهه لمؤتمن وتصرفاته
هسه هذا شكله راح انهزم وانت اتفكر اكونلك زوجة وعايش بالاحلام والله لويدري يمكن يشنقني بكصيبتي
اندكت الباب دخلت عمتي ام مكرم كالت بعدج كاعده
-اي عمه كاعده تعالي هلابيج
-اشماله مؤتمن طلع من غرفتج عگله موش يمه احجي وياه يتصفن
-مااعرف عمه بس يمكن متعارك ويه تهاني
-غززل يمه خليني انصحج الي عدها مثل مؤتمن ماتفرط بي زلمه حوك وتستند عليه عمرها كله وهيه مأمنه صح عصبي ويغار بس ذني مايعملهن غير ويه الجاويه كليبه
-عمه اخاف هو دازج من الاخير باجر مقرره اكله لااا وانهي الموضوع لان اني مااكدر اكمل وياه عمه مااتحمل اعيش عيشته وانوب متزوج 2 عليه لويش ترا اني ماناقصني شي حتى ادمر نفسي هيج
-وداعت جهالي مادزني بس من شفته طلع للشط يدخن عرفت وراه سالفة وهاي هسه اتأكدت؛ شنهو طلب منج ابروح ابوج
-كال صيريلي مرة واترك تهاني
-والله عرفته من قبل لايجيبج عالعموم اني نصحتج وانتي لاتخلين احد يأاثر عليج ييمه فكري حتى ماتندمين بعدين تراهم كلمن يريد مصلحته لاتمشين وره احد شغلي عقلج وسألي كلبج
-عمه دخيلج لاتخربطين مخي من اشويه اني افكر بشي ثاني فدوه عمه وشغلة ثانية لاتكولين لسماح راح تلطش هاي واذا لطشت بعد متفوت حالي وراها تعالي خلفي وربي ومو بعيده مؤتمن يمل ويجيب تهاني دخيلج عوفي السالفة خاصه مؤتمن يغار من خياله عمه اني مااكدر مستحيل متعرفين اشكد عانيت بهالاشهر وياه
