كفي والمنجمه
بقلمي: leo Alfatlawi
بارت الثامن/ ج 2/
نزلت وراه واشوف الهوسه بغرفه سماح؛ رحت للغرفة لكيت مصطفى مجتف الولد ومكرم واكف خال راس اخته بحضنه
مؤتمن حاصر تهاني الواكفة تبجي وتحلف
دخلت اندارلي صاح طلعييي منا رجع على سماح كلها اخذي جهالج وروحي لغرفة غزل بسرررعة
ركضت سماح شالت غزوله وانطتني شهم شلته صعدنا لغرفتي عفناهم جوه مخبوصين و يصيحون على النسوان لحد توصل يمهم
دخلنه للغرفه وسماح ترجف كعدنه شوية ودخلت دعاء صحت بيها هيي شكو هنا
-مؤتمن كال صعدي غرفة غزل
-لعد كعدي يم الباب
-غزل تنجبين لا انزل هسه اكله طردتني
-هيي لا انتي ولاهو خايفه منكم من اكول تكعدين يم الباب تنجبين وتكعدين حالج حال النعال يااا صدك نعالي وين نسيته جوه
سماح- هههههه استغفر الله الناس محتاره وين وغزل وين ربي متنطيها العقل تعال خيه دعاء خليج انتي العاقله گعدي عوفج منها
-لج شنو هيي وين تردين تره هاي غرفتي انداريت لسماح كلتلها وانتي اشجاب اخوج ومصطفى لغرفتج صدك
-ولج صارلهم يومين وياي مكرم ينام يمي ومصطفى بالسطح ناصبيله كمين وامنه تهاني هاي الحمد الله صادوا
-عزا واني واكفه يم مؤتمن صار ساعة اريد اكول واخاف لان شفتهم جوه
-وانتي شنزلج جوه بهيج ساعة
-ولج دااكوله عطشانه كوم جيبلي مي يكول استفصل اجيبلج مي اخليج ترجعين تسبحين اكولج لعد وين رجاء
-رجاء وياهم بالحساب هيه الدخلته من باب الرئيسي وسؤال ثاني لاتسالين لان حالي حالج كلشي مااعرف
انداريت على دعاء لكيتها عينها بملابسي المشمره بالكاع كمت لميتهن ودخلتهم للحمام طلعت كلتلها عينج كدامج لاابززهن الج
عفست وجهه قرفانه
-سموح هذا ابنج نام غطي
-خيه غرفتج عليش هيج بارده
-مؤتمن يكول هيج غصباً عنج لخاطر تختلين بحضني
-اهاا چاخلي خيه هذا يدور دفو من جوه لجوه
عرفت سماح كعدت دعاء قريب علمود تغيضها
رحت للكنتور طلعت اتراك ذبيت الروب عالاساس اغير وهو جذب اريد ازيد حركتها
بين ماشلت التيشيرت وبين مدالبس انفتحت الباب دخل مؤتمن مستعجل فتح الكنتور قبل لايدنگ انتبهلي وهو نطت عيونه عاف الكنتور وجه سحلني من شعري كال عليش امصلخه
