كفي والمنجمه
بقلمي: leo Alfatlawi
بارت الثامن***
صوت الصرخة وية صوت الرمي واني احس روحي تتكطع طلعت عمتي تركض اتشوف شنو الصار اسمع مكرم يصيح لك مؤتمننن لاتطلع والله يچتلوك ولك ايدك تنزف
زلم هواي بالبيت بس هذا كلة مو ابالي ولااسمعهم محتاره بروحي لان احس نهايتي قربت الالم مينحمل احس شي مني ينشلع كل صرخه اصرخها تطلع من كلبي
اباوع المره العجوز اليمي اتخوف دخلت بيبي وياها كالت يله فضيها لاتخليها اتلوع
-حجيه هاي اصغيره اخاف اتموت
بيبي. لاع ماعليها متموت جنها احصان نزلي الفرخ وخلصينة واذا ماتت هذا حد يومها
-راح اشتغل بس بمسؤوليتكم
-اكلج متموت فضينة قبل لايجي زلمتهه ويخبصنا
اني شفتها كشفتني واني كمت اصرخ ولك مؤتمن الحكنيييي
لان عرفت هاي ناوية على كتلي كلبها اسود من وجهه شنو الحقد الشايلته
العجوز تسحب بثوبي واني ادفع بيها واصرخ لمن صوتي انبح الخوف جان امسيطر عليه ضربتني بيبي بالعصه وكالت ولج خليها اتخلصج دمج راح يخلص وتموتين يمصخمة
-مااريد عوفوني طلعوا منا ولك مؤتمننننن
هيه تتعارك واني اصرخ دخل على صوتنه مؤتمن كال اشصاير
بيبي- متخلي المرة اتساعدها
-جذب يردن يموتني مؤتمن حباب لاتخليهن
احجي بشهكة واتوسل يحميني منهن
اجه يمي كمش ايدي كال غزل بويه يساعدنجن خليهن لاتخافين
-لالافدوه مؤتمن لاتخليهن اخذني للمستشفى ذني يموتني فدوه مؤتمن لاتعوفني
اشر اي ودنگ راد يشليني كمشت ايده بيبي و كلتله وين ماخذها البت اتسقط وانت حتى عقد ماعندك فوگ الطياح الحظ فضيحه وهاي ايدك عليش هيج تنزف روح وعوفها هاي عياره متعرفها انت
-بعدي جدده
-ولك ربع ساعه وتكوم مابيها شي كلنه سقطنا وكمنه مابينه شي لاتخاف بس اطلع
اباوعله محتار كامش ايدي يباوعلي ويسمع لجدته
المرة العجوز. يمه لاتخاف كل يوم كم وحدة مثلها اطلع جوه ايدي بس اطلع منا
عصرت ايده اشرله لاتعوفني مؤتمن حباب دنگ باسني من راسي وهمس يمج مااعوفج بس خليها تساعدج
-لالا مؤتمن الله يخليك لاتخليها توصلي
دخلت عمتي اني اتوسل بي وكامشه ايده حيل اخاف يعوفني وهيه جرته اتكله اطلع يمه هسه عشر دقايق وتصحى مابيها شي سحبته سحب مني اندارلي همستله لااامؤتمن
