كفي والمنجمه
بقلمي: leo Alfatlawi
بارت الثالث والثلاثون ***
اباوع واحس كلبي وكف اريد اكمش الفون ايدي ترجف
شلت الجهاز اجه مسج ثاني شسويت بالشغلة يمعود گاعده على نار
دنگت اريد افتح الجهاز لكيت رقم سري رحت دكيت متنه فتح عيونه كوه عاكد حواجبه اشر شكو
-افتح الرمز بسرعة
--شكو بويه شبيج بهاليل
-مؤتمنننن افتح الجهااااز لاتخلين اتجاوز عليك
-شكووو لج شبيج تسودنتي شبي جهازي
كالها واخذه من ايدي كعد فتحه باوع شنو بي ثواني قبل لا اخذه من ايده قفله عصره بجف ايده وباوعلي
-مؤتمن تفتح الجهاز وتنطينيا هسه لاوروح بابا متشوف وجهي بعد
-غزل بويه مابي شي بس هدي
-شهدا مؤتمننن شهدا تريد اهدأ افتح الرمز يله
-مابي شي تره مسج وصلني بالغلط
-يا غلط انت شنو لبالك كدامك طفله و دتضحك عليه لاتخبلني مؤتمن تفتحه هسه لو شنو
-ما افتحه بي امور مال شغل ورسائل جماعتي مايصير تقريها
-مراح اقرا شي بس اكو اسم وانت تعرفه منو لاتغشم روحك بس هو راح اقرا
-غزززل تره زوتيها مكعدتني نص الليل لشي تافه وصوتج العالم نايمه
-خليك مااريد لاتفتحه
راحت للكنتور طلعت ملابس لبستها فتحت الباب ردت انزل كام من الجربايه بسرعة وكمشني كال لاتتخبلين وين تردين
-وخررر مؤتمن ايدك شيلها لو تفتح الجهاز هسه لو ينتهي كلشي بينه
-بويه مابي شي اشبيج
-اي فتحه خلي اشوف
مؤتمن لبالك مااعرف عندك علاقة وياها من الظهر انتبهتلكم كاعده كدامك بلاحجاب
-يابه وحگ كلام الله ماكو شي الي ابالج تعالي لا تطلعين دخلي العالم نايمه لا تتسودنين بهاليل
-مؤتمن كلمة وحده تفتحه لولا
-غزززل كل عقلج هالهوسه على رنه جايه خبله انتي
-عمرك ماراح تصير مثل البشر كلتها ودفعته
فتحت الباب اسمعه ركع الفون بالحايط
نزلت اركض طلع وراي بس من حركت كلبي بسرعة ركضت لغرفة مصطفى دكيتها حيل اجه سحبني وصاح رجعي للغرفة غزل عقلي بوووويه
دفعته لزمني حيل واني تخبلت حسيته راح يمنعي وصدك اكو شي الي صارله كم يوم مايگدر ينام علموده
