كفي والمنجمه
بقلمي: leo Alfatlawi
بارت الثامن عشر/ ج2 /
اباوع لبنتي فقدت بعد مااشوف اي شي كدامي دخلت للحمام شلتها كلبتها لكيت حلكها طالع منه سبال
همست كيتي حبيبتي ماما فتحي عيونج صفنت ثواني ماحسيت اي رد فعل نكثتها ردتها ترد ماكو ضغطت على بطنها اريدها تتنفس كاطعه النفس
اجت سماح رادت تاخذها صرخت بوجها شلتها وطلعت اركض بره بدون شعور طلعت من البيت
صار المضيف كدامي جان واحد بالباب ينظف شافني اركض شمره المكنسه صاح شكوو خويه
-بنتي بنتي مااااااااات
نزع الغتره وخلاها على راسي راد ياخذها ماخليته صاح جيبيها خويه بلكي اعرفلها اشلون طاحت
كوه تطلع الكلمة مني ارجف ومنهار كلتله غرت
من سمع راسن كلبها للكاع شالها من رجليها وراح يركض عالشارع رحت ورا صاح حييهمم ولكم سيارررررة
من الهبطه حتى رجليه متعيني كعدت بالكاع اجت سماح لابسه عباتها تركض كمشتني كومتي كالت كومي
اجت السياره شلت راسي صدك شفت الولد يصعد كال عجلي خويه بسرعة
كمت صعدت وياي سماح اباوع لكيوت بيد الولد بس جثه باقيله والولد مستمر شايلها من رجليها ويدك على ظهرها اني بس اباوع فقدت حتى الاحساس؛ حسيت روحي بارده وبضياع احس العالم خالي مااشوف احد كبلي فارغ اي نبض مابي
صاح السايق- كولي يالله على كيفكم اشمالها البت
سماح- غرت بالحمام
-وين عنها يبوي ماتنتبهن للفريخات
-والله يخويه عينه بيها صح حركه بس والله ماخاليها وحدها مااعرف اشوصلها للحمام جان عدنه خطار بس زتيناهم ماكو دقايق
-هاي موش بنت الشيخ
-اي بنته
-ترا مابيها شي موش زركه بس كاطعه نفس لاتخافون بيها روح
سماح تبجي وتتوسل بالولد ينكثها حيل وهو مستمر يضرب على ظهرها السايق يباوع من المرايه يريد يعرف شنو بيه اني جنت بعالم ثاني ضيعت بنتي الي ماعندي غيرها ولاراح يصير عندي
اخاف اسئله بس صافنه مااريده يكول ماتت واني اشوفها بدون حركة
السياره تمشي بكل سرعتها وسماح كامت تلطم حيل لان تأكدت منها مابيها نفس من شافت الولد انخبص ينكث نكث بيها مكلوبي اني مكتفيه بس اباوع بدون شعور
وصلنه للمستشفى نزل الولد بعد ماشفته لان راح يركض نزل السايق فتح باب السياره وسندني نزلني وسماح اتعدل بالغتره اتضم شعري دخلنه جوه رحنه للطواء
