كفي والمنجمه
بقلمي: leo Alfatlawi
بارت السادس والعشرون/ ج2/
اصرخ واجر روحي منهن عيوني بالباب متأمله مصطفى يلحگني لو هو يرف كلبه ويگول تركوها بس ماشفت غير خله اديه ورا راسه وانطاني ظهره عرفت روحي انتهيت بعد ماادري شسوي كمت اصرخ بعلو صوتي وتوسل يتركني صاح يله اخذنهااااا على صوته شالني شيول دخلوني غرفة اباوعلها تخوف كمت ارفس واضرب بس اريد اخلص روحي
التمن طوقني حيل رفعني نيمني عالسديه ربطن اديه وبدن ينزعني ملابسي التحتيه
وحده جانت يمي شكلتلي سيروم ورادت تنطيني ابره بي
صحت والله اني مواطنه امريكيه اشتكي عليكم اذبكم كلكم سجن
-زوجج وقع وقدم اوراق تثبت انتي مريضه بالقلب والدكتور وقعله
-مو بكيفكم اني ماراضيه والله اشتكي
ماردت هيه اصلا مو عياده قانونيه امبينه لان مو دكاتره شكلهن ماعرف اشلون وحتى لغتهم تعبانه مو تمام بس وحده منهن جانت تفهم شنو احجي لغتها الانكلش قويه
اتوسلت بيجت صرخت محد يهتم عرفت امطمعهم بفلوس شفتها دتضرب الابره واني انهاريت
صحت بس اكولج شي قبل لاتضربيني
ماردت رجعت اتوسل كلتلها بس خلي اكلج واذا ماوافقتي اشتغلي براحتج
-شنو تردين يلا بسرعة
-اشكد تردين وتركيني
-مااريد كالتها وصاحت يلا بلشن الشغل
-لالا بس صبري شوفي هاي مداليتي ذهب وسواراتي هم ذهب اخذيهن محد راح يدري وراح انطيج مبلغ اشكد تردين وكليله نزلت الطفل بس تركي فدوه ابوس ايدج
- انتي بخطر الطفل خطر على حياتج
-لاوالله عد احسن اطباء رحت وكلي ماعليج فدوه ابوس ايدج ساعديني اوكفي وياي ماعندي احد الله يخليج واذا على زوجي لاميشتكي لان احنه من العراق وراح نرجع بعد يومين ماراح يجي اصلا يعني انتي بأمان فدوره اروحلج والله اموت ابني هذا الله يخليج
-انتي مريضه وزوج دفع هواي يالله قبلنا انسويلج عمليه مستعجله
-جذاب مو مريضه شفتي هاي اليمه هاي مرته الثانية وحبيبته يردون ينزلون الطفل لان هيه متريدني ويا تريده يطلكني الله يخليج تركي
-مااجازف هيج اوراقج كولها سليمه ومختومه لازم اسويلج العمليه
-وين شفتيهن منين جاب اوراق
-جابهن صور مؤكدة وأاسم دكاتره معروفين
-دااكلج محد راح يعرف اخذي ذهبي واني انطيج بعد شوفي وخري الحجاب اكو تراجي بأذاني هم غاليات اخذيهن وانتي راح تاخذين الي انطاهن الج ماكو وياج بس ذني الاثنين انطيهن كل وحده اسوار راح يرضن الله يخليج ماراح تخسرين شي
