كفي والمنجمه
بقلمي: leo Alfatlawi
بارت الثاني عشر***
دا سد الشباج وانتبهت لمكرم واكف يسنط اجه كال شنهو السمعته مصطفى اتريد تشرد مرت مؤتمن وتفضحنه بالديرة انتي عاقل لومخبل لهنا وصلت بيك الحقاره من شنهو مخلوق ولك هذا اخوووووك يالزمااال اخوووك
اندار باوعلي وانتي شنهو احجي وياج والله حرمات اتعب روحي و احجي ويه وحده مثلج ناكر الطيب متستاهلين واحد مثل مؤتمن
-مكرم فدوه
-خرب بيج وبمكرم ولج اشلون تردين اتعوفي بعد ماترك كلش لخاطرج ولج رد بحجي وصغر نفسه جدام العالم بعد مااوكف بوجهم ودگ صدر ولج متحمل كلام يسم البدن وضال ساكت بس حتى يرضي حضرتج غزل صاحيه انتي لولا ولكم انتواا شنهو عليش ها عليشششس شنهو مقصر وياكم ذاب روحه بالموت لخاطركم لخاطر اتعيشون عيشه مال اوادم
مصطفى-كافي مكرم لا اطلعه نبي براسنا والمضحي واني متدخل لاوحگ الكعبه تعرف اشنهو لازم عليك اخليك تنام عمرك بالحبس لا تدخل ولا اضل اتشمر حجي
-لك منهو يثق بيك بعد اذا اخوك تغدر بي حتى الحيوان احسن منك شنهو العملة مؤتمن ويستاهل كل هذا منكم لونفس الطينه مخلوقين اثنينكم
-عفيه نفس الطينه وانت لوعندك ذره كرامه تولي لهلك ولاتدخل بينه متشوف روحك زودتها عايش عاله علينه وساكتين روح بويه ذولاك اهلك خلي يلفوك
مااشوف غير مكرم كمش مصطفى من ياخته وانطاه بوكس وكعه بالكاع رجع ذاك كام ضرب مكرم اتلازمو صارت بيناتهم ضرب قوي اني اباوع واطفر لان وگع مصطفى بالكاع ومكرم صار عليه ضليت اصيح على مكرم فدوه عوفه بطلت لااروح ولااسوي شي فدوه تركه اندار مكرم صاح دخلي جووووه
دخلت ردت اسد الشباج شفت مصطفى كام من الكاع امدمه سديته ورجعت جوه ميته رعب خايفة يگول المؤتمن واعرفه يعدمنه ماعنده مانع ولا واحد راح يكله لويش اشلون يحبونه احنه الاثنين
ياربي دخيلك كون ميكول بس لا مستحيل مصطفى يخلي يگول يدري راح يذبحني حتى مكرم مراح يجازف ويحجي
اعصابي تلفت من التفكير كوه اجر النفس من الخوف الدقايق اتمر من عمري منتظره اشوكت تندفر الباب ويدخل مؤتمن يكتلني لميت رجليه لحضني ارجف مر الوقت بس هدوء ماكو شي
غمضت اقنع بنفسي مصطفى حلها ويه مكرم اي يحلها يكدر لااا مكرم راح يگول وانكتل
فتحت عيوني بالساعة الي ادگ ويه دگات كلبي لمن سمعت الشباج يندك طفرت رحت كلت منو
مصطفى -غزل لا تفتحين الشباج بس اريد منج احجايه اخيره ترحين لولا
-هااا
-احجي ولج بسرعة
-مؤتمن دره
-لاماراح يدري حليتها ويه مكرم بس احجي
