كفي والمنجمه
بقلمي: leo Alfatlawi
بارت الحادي والثلاثون***
لطمت سماح وصاحت سودة بوجهي شنهو يعقد مالكوا غير هالعريس يخربون عليه
هيفاء- موش مكرم الشيخ طلب من مؤتمن يعقد على دعاء
باوعتلها وضحكت بستهزاء
-بروح ابوج هدي والله موش بكيفة حرجه بهيج طلب وكف لاياخذ ولاينطي متفاجأه من الطلب والله مارايدها سودة عليه هذا اخي مامكتوبتله الراحة
-انتي شنو دتحجين اكيد تشاقين
-والله يغزل حتى هو ضل صافن ماعرف شيرد وروح عمي مامحسب هيج حساب لاتخربين علاقتكم على هيج شغلة عابره بس عقد كم يوم ويحللها ماعونه الله يهديج و تنجمعون والله استونه صرنا نشوف الفرحة بعيونه دخيلج اهدي واحجي وياه بالاول وتفاهموا لاتتعاركين ويا من جديد
احس كلمتها دخلت سجينه بنص كلبي شلت راسي باوعت المؤتمن جاي تجاهنه ردته يجذب الصار باوعتلها ضمت وجها وبجت بصوت وصل مؤتمن
-شنو مؤتمن شنو السمعته
-غزل صوتج العالم تباوع
-شتباوع اكيد دتتشاقه شنو راح تتزوج
-مااتزوج بس انطيني مجال خلي افهمج
-شتفهمني مؤتمن راح تعقدها شتفهمني يعني صدك راح تتزوج
-بويه شنهو تخبلت اتزوج عليج عليش اعمل هيج
-لعد هذا الداسمعة شنوووو
مارد سحبني على جهة دفعته من الصدمة بعد مااكدر اوكف كعدت كعد گدامي نص گعده و كال غزل بويه بس اهدي
-شهدأ مؤتمن راح تتزوج وخالني كدام الامر الواقع واتكلي هدي
-مااتزوج بس اعقد طالبها منه واحد شيخ جبير وجدامج صار الحجي ومايكدر يردة طلبها مني طلب بس اعقدها بأسمي فتره واطلكها
-جذاب انت واحد جذاب ومو بشر حتى اثق بيك هم كم يوم وتجيبها تكول هم غصبني وفشله مو مؤتمن بس ورحمة بابا مااراح اضل وياك لوتبقى اخر واحد بهالدنيا
-تجاوزتي بس مقدر موقفج وراح اعديها صوتج العالم انتبهت كلتلج بس عقد لاتخبليني ماراح اخذها وذاك الوكت اذا عملتها الج حگ اتركيني
-ماراح تخليني هم راح تجبرني اعيش وياك اعرفك كلتها وبجيت لان اعرفه شنو
-غزل وداعت امي وراس جدي مرة ماراح تصيرلي انه لواريد اتزوجها اجيبج وياي لهنا شنهو تسودنت بس طلبني وماكدرت ارده تعرفين اشكد وكفاته وياي ومايثق بغيري ورح عمي اذا سويتها وتزوجتها تركيني وكتها ماراح اعترض ولامنعج بس كافي لاتبجين احس ادموعج تذبحني غزل وحگ هذا الضريح ماكو بكلبي غيرج ولا راح يجي مكانج احد
