كفي والمنجمه
بقلمي: leo Alfatlawi
بارت السابع والعشرون /ج2/
اباوعلها صدگ تحجي مو تتشاقه كلتها بترجي دعاء بس انطيني فون اخابر مؤتمن فدوه
ام دعاء-امشي لج يلاااا -اندارت على دعاء كالتلها وانتي دخلي جوه
رادت تدخل كلتلها والنبي اكول لمؤتمن حخلي يندمج ولج وين اروح الدنيا ظلمة ومااندل دعاء فدوه خابري مؤتمن
باوعلي ودارت وجها رجعت حجيت وياها بتوسل شفتها مااهتمت نزلت دموعي واني اترجاها سوت روحها ماتسمعني اصلا باوعت الامها گلتلها والله مااتنفس ومن الفجر اروح بس خلوني اكعد ورا الباب اخاف وحدي اضل بالشارع صاحت ولج دعاااء هاي ماتولي جيبيلي سلاح خلي اجتلها
خفت رجعت ليورا سدت الباب حيل
اتلفتت حتى لواصرخ محد يسمعني الباب بنهاية المزرعة والوقت متأخر وهنا البيوت بعيد واحد عن الثاني مسافة كلش جبيره ارض زراعية
كعدت يم الباب جنت متأملة وحدة من البنات تجي تفتحه لويجي احد من جماعة الشيخ اكله يوصلني لمؤتمن
مرت ربع ساعة الجو بارد وبنتي بردت حضنتها حيل اريد ادفيها اسمع الباب انفتحت كمت اباوع دعاء واكفه كالت شنهو بعدج
-دعاء دخيلج ولج الوقت متأخر لاتسوين هيج
-روحي غزل منا بسرعة وبالج تنخين واحد من ذني البيوت الجريبات تراهم اهل حمزه كلها هنا
- لعد وين اروح مااندل الله يخليج بنتي بردت بس الليله خليني من الفجر ارجع لو بس انطيني فون اخابره يجي عليه
-گولي والله ههههههه بعد ماتردين احضرلكم غرفة تاخذورن راحتكم فرد مره يلاااا لج
-والمسيح وداعت كيتي اندمج بس يصير الصبح خليني ادخل احسلج
-اشلون بالله اتندميني منهو راح يوكف جانبج صدك نسيت اكلج مصطفى انسجن يعني بح ماكو بعد طاررر دوريلج رفيج ثاني ههههههه
-دعاء كيتي بردت فدوة ادري تردين تنتقمين بس موهيج وهاي بت مؤتمن لاتنسين يعني اذا صارلها شي ماراح يرحمج
-هههههه هاي اذا حصلها امشي منا بسرعة
-مااروح واني هياتني كاعدة لمن يجي احد واذا ماكلت المؤتمن السويتي اخلي يطلعة من عيونج مااطلع غزل
اني كعدت وهيه دخلت كلت بلكي يرف كلبها من شافتنا بردانين لو تخاف من جبت طاري مؤتمن بس ماتوقعتها اتسوي هيج
لمن فتحت الباب مره لخ بيدها جلب جبير وامها وياها رادن يهدنه عليه اباوع الجلب جبير شكله مرعب فاتح حلكه كمشته الام واتقدمت يمي وهو يجر بروحه وينبح بس يريد يفترسني كالت الج خمس دقايق اذا لمحتج بالمنطقة اهده
