ချစ်မိခဲ့သည်ဆိုရာဝယ် (OR) ချစ်သောမမနီ(Completed)

Part {22}

ချစ်မိခဲ့သည်ဆိုရာဝယ် (or)ချစ်သောမမနီ
အပိုင်း (၂၂)

၂နှစ်ခန့်မျှကြာပြီးသည့်နောက်

"ဝသုန်ပျော်နေသလား"
"အမှန်တိုင်းပြောရရင် ဝသုန်စိတ်လှုပ်ရှားနေတာ ဇင်ဇင် အဆင်ပြေပါ့မလားဆိုပြီး"
"ပြေမှာပါ ဝသုန်ရယ် ဝသုန့်မမနီက ဝသုန်ကိုသိပ်ချစ်တာကို သူ့မေမေကိုသူရအောင်ပြောမှာပါ"
"ဝသုန်တော့ကြောက်မိတယ် ဇင်ဇင်ရယ်။မမနီကဝသုန့်ကိုချစ်တာသိနေပေမဲ့လည်း စိုးရိမ်မိသား။ဒါမျိုးကမလွယ်ဘူးဆိုတာ ဇင်ဇင်လည်းသိတယ်မလား"
"ဒါပေမဲ့မမနီအမေနဲ့ဝသုန်ရင်းနှီးတယ်မလား ပြေမှာပါ။"
"မျှော်လင့်မိတာပဲဇင်ဇင်ရယ် ဝသုန်လေ အဲ့နေ့ကို တကယ်ကိုစိတ်လှုပ်ရှားမိတယ်"
"ဘာမှတွေးမနေပါနဲ့ပြေမှာပါ အခုတော့ ပစ္စည်းတွေလည်းသိမ်းပြီးပြီ မနက်ဖြန်ပြန်ဖို့လဲအဆင်သင့်ဖြစ်ပြီ။ကျောင်းကြီးကိုနှုတ်ဆက်ရင််း ဗိုက်ဖြည့်ကြစို့ ငါဗိုက်ဆာနေပြီဟ"
"ကဲ အစားပုတ်နဲ့တော့ သွားမယ် လာလာ နင့်တီချယ်လေးရော လာမယ်မလား"
"ဟီးဟီး လာမှာ"
"အတွဲတွေများ အမြင်ကပ်စရာ ဟွန့်"
"သူကပဲ ပြောရသေး သူများကအခုမှပျော်ရတာကို"
တဟီးဟီးဖြစ်နေသည့်ဇင်ဇင်အားကြည့်ကာ ဝသုန်ရယ်မိသည်။သူ့ခမျာလည်းပျော်မှာပေါ့လေ။နှစ်တွေအကြာကြီးချစ်ခဲ့ရတဲ့အမျိုးသမီးက ပြန်ချစ်တယ်ဆိုတာ ဘယ်လောက်ထိပျော်စရာကောင်းလဲဆိုတာ ဝသုန်အသိပဲလေ။ဆိုင်ထဲရောက်ပြီး သိပ်မကြာ တီချယ်ရောက်လာလေသည်။စားစရာများအားစားပြီး ဇင်ဇင်တို့ လွတ်လွတ်လပ်လပ်စကားပြောရအောင် ဝသုန်ကအဆောင်ဆီသို့အရင်ပြန်လာလိုက်မိသည်။မနက်ဖြန်ဆိုသည့်အချိန်တွေမှာဘာတွေဖြစ်မလဲ တွေးရင်းရင်မောရသည်။မမနီက ဝသုန့်ဘက်မှာရှိနေမှာဆိုတာသေချာပေမဲ့လည်း စိုးထိတ်မိသည်။မေမေကတော့ အဆင်ပြေမှာပါလို့ပြောပေမဲ့ စိုးရိမ်မိဆဲပင်။မမနီမှာ ငဲ့ညှာထောက်ထားစရာတွေသိပ်များတာမလို့ ဝသုန့်ကိုမရွေးချယ်ခဲ့ရင်ဆိုတဲ့အတွေးတွေနဲ့ခြောက်ခြားခဲ့ရတဲ့နေ့ရက်တွေမှာ မရေမတွက်နိုင်အောင်ပါပဲ။အခုတော့ထိုနေ့ရက်ဟာရောက်လာတော့မည်။ရင်ဆိုင်ရတော့မည်ဆိုသည့်အတွေးတို့ဖြင့် သက်ပြင်းမောကိုအခါခါချမိသည်။