أحضان من حجر
قصة حقيقية
الكاتِبة أرام بـرو Aram_Pro
.
.
إلى أن قريت مُحتوى الأوراق توسعت عيوني وأني
أشوف إثبات رسمي حقيقي يوثق حالتي النفسية الغير مُستقرة الأعراض الهلوسة عدم الإدراك تغيرات
حادة بالمزاج الخ رفعت عيوني لِجهم إلي أبتسم بِجانبية وطرف شفته ينزف ، بدأت أيدي تهتز بِقوة
مو حاسة بِأنفي إلي أنفجر بالدم وأني أسمعه
يگُلهم:- هذا الدليل يكفيكم حتى تصدگون أنو
بـيرين طول ذيج الفترة والى الأن تعاني من
اضطراباً ذهانيا .
سمعت عون يلعن وهو يسرع بِأخذ كلينكس من
السيارة ويرجع لي ساد ينبوع الدم وعيونه الصقرية
تحولت لِجهم:- حتى وأن كانت هَل الدلائل الزيفتها صحيحة مُستحيل تجبر بيرين عَل الضلة هنا دام
هي مو موافقة حالتها النفسية مامستقرة أحنا انعالجها مو بالشيء الصعب تحقيقة .
أردف جَهم بِجمود:- أنا زوجها خلينـي أذكرك وقريبًا
أبو إبنها لذالك هي مسؤولتي .
أبتسمت مِن بيـن غضبي وگُتله:- طيب أذا تعترف إني
مسؤوليتك كونـي زوجتك وأم إبنك فَـ أني راح أبقى
عِندك بس إلى أن اولد الطفل وبعدها ينتهي كُل شيء يربطنا بِبعض .
غمضت عيوني وأني أحس بِقبضة خالي علـي إلي
لفتني له:- بـيرين هل الموضوع مو لعب أعيال .
همست بِصوت خافت وأني أشتعل حرفيًا:- خالي
صدگني أذا قررت أخطي خطوة وحدة ويـاكم جَهم ماراح يتردد ثانيـة إنه يأخذني لـ أقرب مُستشفى
ويسلمني الهم رجاءً خليني أتصرف ويـاه أني عارفة
من الأول إنو جَهم راح يسوي المُستحيل حتى يمنع
موضوع طلاگنـه أطمن كُله مُخطط له .
ترك أيدي وراح عند خالي سبع يحجون بعيد عن جَهم وجده أما جِدي ضل على صموده قبل لا يقترب
لِجهم إلي يباوع له لاأُبالي ماحسينه إلا وصوت الكف
إنتشر بالمكان كورت قبضتي مُتوترة من الجاي نظرات جَهم لِجدي ماتبشر بالخير من بداية لقائهم
وبعد ماضربه الكف غزا عيونه الموت
أضطربت أنفاسي وأني أشوف جَهم سحب سلاحه
من ظهره وحرس البيت وياه ، حسيت رجلية ثگلت وعلى لحظة أخر واگعة التفتت
لَعون معرته بِملابسه والدنيا أدور بيه:- وگف إلي
جاي يصير عَون .
باوع لي قلق قبل لا أفقد بين أديـه مو دارية بالصار
حولي
بعدين گعدت وأني أحس بِالألم ينهش بِرأسي تحركت
بِوهن بعد ماسمعت صوت يـاقوت إلي جانت واگفة عند البـاب وقريبة حيل من عون إلي يحاول يبعدها
عنه بِقلة صبر:- وخري أيـدج يـاقوت أكتفيت من
جنونج .
تمتمت وهي تفتح أول زر من قميصه:- صدگنـي
أنتَ مو شايف شيء من جنوني للان عون .
أنت تقرأ
أحضان من حجر
Romanceأحضان مِن حجر ، الكاتِبة أرام بـرو اِمْرَأَة غَجَرِيَّةٍ مِنْ سُلَالَةِ اَلذَّهَبِ شَاهِقَةً جِدًّا تَزَاحُمَ جِنْسُ أَدُمْ لِلْإِطَاحَةِ بِهَا طَمَعًا بِجَمَالِهَا وَقُوَّتِهَا وَلَمْ يُفْلِحْ أَحَدُهُمْ فَشَنَّتْ حَرْبٌ ل أَجْلِ اَلْحُصُولِ عَلَيْ...
