أحضان من حجر
قصة حقيقية
الكاتِبة أرام بـرو Aram_Pro
حسابي أنستا atam_pro1
.
.
وبعد فترة من الوقت هدء الوضع وحتى
ألآزد حسيته بدأ يترخه بِسياقتـه وخاصتًا
إنو أحنا على طريق سريع أستوعبـت إنو
اكو شيء غلط التفتت أتفحصه وإذا بالجهة
اليسار من بطنه تنزف ووجه كله يتعرق
توسعت عيوني وأني أشوفه بدأ يفقد الوعي
وصوت السيارات المُتخاطفة تحذرنه:- ألآزد .
ماحسينه إلا وبالسيارة أندفعت بِقوة آثر
تصادم قوي .
ضميت دانيال لَگلبـي تزامُنًا مع إنقلاب
السيارة مرتين على التوالي إلى أن أستقرت
هنا أطلقت صرخة مُتألمة من هول الألم
بِكوعي
دارت بيـه الدنـيا وعيوني غوشت طبگت جفني
ورجعت فتحته أباوع لـ ألآزد الفاقد وهو ينزف
ودانيال اللي أخذ ضربه خفيفية تسببت له بِفقدان
الوعي بلعت ريگي وأصوات الناس المُتجمهرة
عند السيارة تخترق رأسي
انحنيت على ألآدز بِخوف:- كاسِر أفتح عيونـك
كـ ـاسِر أنتَ سـ ـامعنـي ؟؟
تنفست بِصعوبـة ورحت أخذت مُسدسه ونزلت
من السيارة والجنطة بِأيدي والنـاس تجمعت
حولي يسألونـي بيج شيء ؟؟ گُتلهم بِصوت
خافت:- وگفوا تكسي بِسُرعة .
سحبنـي شخص من بينـهم بِطريقة مُقرفة
وأيده زحفت لَفخذي بِحجه المرتبك وخايف
إذا صاير شي علينـه ، حَسيت بالنار تطلع من
عيوني بِسبب فعلتـه فَضربتـه بالمُسدس على
أنفه صارخة مُزمجرة بِوجه:- تجرأ تلمسني
مرة ثانـية ساعتها اعلگ أيدك بِرگبتك .
هنا هو أنحرج لَينزلون عليه إهانه وضرب
بينما أني تقدمت من رجُل جبيـر بالعمر
گُتله:- وگف النا تكسي رجاءً .
:- بنتـي الإسعاف بِطريقها الكم .
- رجاءً خلينـا نأخذ تكسي ونختصر الوقت
رجاءً .
باوع لي بِقلة حيلة وهتف للرجل:- تعالوا وياي
ننقلهم بِسيارتي .
من سمعته تنفست بِقوة وتبعته راحوا نزلوا
ألآزد وهم يهتفون لَبعض هذا مصوب أستعجلوا
وفعلاً نقلوه ونقلوا دانيال وأني بِنصهم جان
رأس ألآزد بِحضني وأديه على صوابـه حتى لا
ينزف أكثر بينما دانيال نايم على فخذي اليمين
- حجي أريد أطلب منك طلب .
گال وهو يحاول يسرع بِسياقته:- أطلبي بنيتي .
- أخذنـا هلى بيتك .
:- على بيتـي !! بس الرجال مصوب وحالته
خطرة والطفل فاقد لازم أوديكم مُستشفى
وأن طلعتوا سالمين أبشروا أخذكم على بيتي .
- حجي حياة زوجي وأبنـي بِخطر من شوي
جانوا لاحگينـه جماعة وهم اللي صوبـوا
وإذا دخلنا مُستشفى راح يوصلهم خبر أني
أداويـه بس أخذنا على بيتـك على ما يهدأ
الوضع .
أنت تقرأ
أحضان من حجر
Romanceأحضان مِن حجر ، الكاتِبة أرام بـرو اِمْرَأَة غَجَرِيَّةٍ مِنْ سُلَالَةِ اَلذَّهَبِ شَاهِقَةً جِدًّا تَزَاحُمَ جِنْسُ أَدُمْ لِلْإِطَاحَةِ بِهَا طَمَعًا بِجَمَالِهَا وَقُوَّتِهَا وَلَمْ يُفْلِحْ أَحَدُهُمْ فَشَنَّتْ حَرْبٌ ل أَجْلِ اَلْحُصُولِ عَلَيْ...
