أحضان من حجر
قصة حقيقية
الكاتِبة أرام بـرو Aram_Pro
حسابي أنستا aram_pro1
.
.
هنا طار النعاس من عيون الكُل و قسم صعد
و قسم راح يركض مع عَون يدور بحين ما راح صفين شعل الكهرباء لتضوي المزرعة بالكامل بينما عَون إللي جان قريب من المسبح لمح جسد ناعم يطفو بالمي تقدم كم خطوة و الخوف مسيطر
عليـه قبل لا يركض ركض المجنون شامر نفسه
بالمسبح و هو يصرخ بِأسم علي شاه .
- شاهيستا -
بعد ما وعت الحجية فزت تصرخ بِعلي شاه
و أنو ياقوت أخذتـه سألها طوفان عن الصار
فَگالت أنها دخلت الغرفة و هم نايمين تريد
تأخذ علي لكن من گعدت و حاولت أمنعها
دفعتني و بعد ما عرفت و لا شفت شيء هنا
فهمنه كُل شيء و ما هي إلا ثوانـي حتى تعالى
الصراخ بره طلعنه عالصوت نركض و إذا بالصدمة
عَون داخل المسبح رافع علي شاه لصدره و هو
يصرخ بِجنون و نظرات هَلِعة تلاحگوا أخوانـه
أربعتهم وسحبوهم هُم الثنين لطرف المسبح
و صعدوا يريدون يطلعونهم لكن عَون أبى
و هو ينزل علي شاه إللي تلونت شفايفه
باللون الازرگ و بشرته أبيضت بِشكل مُرعب
على أطراف المسبح و هو تارة يضغط على
صدره و تارة ينفخ بِحلگه و أوصله ترتجف
بِخوف و أستمر يسويله أسعافات إلى أن صفعته
الحقيقة مبلغته بِموت علي شاه من زمان هنا
هو سحبه لصدره يبجي بِكسرة و يبوس
بِثغره يردد:- إلهي أقسم عليك بِمُحمد إلا وحيدي .
أقترب منه طوفان مبوس رأسه بِعيون دامعة
لأول مرة المحها يگُله:- عَون أعطينياه و أطلع .
هزهز رأسه بِعُنف وهو يصيح بِلا وعي:- أبنـي
مــات طوفان أبنـي مات غرگان .
تقدم الحجي منه بِعيون باچية كحال الكُل يهون
عليه مُصيبته بينما أني حضنت خودان إللي بادلتني
بِدموع حاسة برجلية ثگلت و عون داخل بِحالـة
صدمة مرة يگُلـهم أبنـي مابيـه شيء شوي و يگعد
و مرة يگُلهم أبنـي مات جان منظره يكسر الگلب
بحين ما علي الصغير بين أديه جثه جعدهـا المي
صارت الساعة 3 الفجر
ليتجمع الكُل بمزرعتنـا آل حاكم زياد و أولاد عمه
عمتي و بـاري إللي أتصلت بيـها حتى تجي و فزعت
النه مو مصدگة حتى شافت بِعينـها .
- بيرين -
أخذت كتف عمتي أبجي بِقهر بحين ما شفت
علي شاه الميت على طرف المسبح و عون متمسك
بيـه بِوهـن يگُله:- شاهـي أميري الصغير علي يا ترى
بِشنو صحت و أنتَ تقاوم جوة الماي بابا ؟ شثگلها
عليك جانت هاللحظات ؟ تعذبت مو ؟ جنت تبجي
تريد تنام عندي و خفت عليك منـها لكن شاء القدر
أن تكون منيتك الليلة يا جمرة روحي الما تطفة بعيون من أصبح بعد أفتح عيونك يأبوك ثلمت گلبي .
أنت تقرأ
أحضان من حجر
Romanceأحضان مِن حجر ، الكاتِبة أرام بـرو اِمْرَأَة غَجَرِيَّةٍ مِنْ سُلَالَةِ اَلذَّهَبِ شَاهِقَةً جِدًّا تَزَاحُمَ جِنْسُ أَدُمْ لِلْإِطَاحَةِ بِهَا طَمَعًا بِجَمَالِهَا وَقُوَّتِهَا وَلَمْ يُفْلِحْ أَحَدُهُمْ فَشَنَّتْ حَرْبٌ ل أَجْلِ اَلْحُصُولِ عَلَيْ...
