أحضان من حجر
قصة حقيقية
الكاتِبة أرام بـرو Aram_Pro
حسابي أنستا aram_pro1
.
.
أبتسم أبتسامة بانت له احد أنيابه قبل لا تختفي
وهو يسحب أدوات الحقن:- أحذر من باربـرا من
فترة وهي تلعب بِذيـلها و أحتمال تجمعك وياها
بِعملية الإبادة الكلفها بيـها هَيبان .
التفت له عَون بِملامح حادة:- تقصد باربـرا
هي اللي تحقنها الجرع ؟
همهم وهو يتقدم من بـيرين ضارب شحمة أذنها
بالجهاز ساحب دم منها:- بِشحمها و لحمهـا .
طحن سنونـه بِغضب مو مستوعب فِعل بـاربرا
معقولـة توصل بيـها المواصيل لَقتل أختـها ؟
الصدمة جان شاك بِشاهيستا لكن بـاربرا مُستحيل
زحزح هالأفكار من رأسه مكترها لَغـير يـوم
وراح لَبيرين عدل وضعية رأسها وگعد مقابيـلها
منزل المُضاد عالطاولة موزعه عالإبر قبل لا
يبلشون عمليـة الغرس بِجسمها بِأماكن مُعينه
لوهلـة عَون جان راح يتراجع بِسبب الآثار اللي
خلفتها الإبر بِجسمها لكن قوه گلبـه و كمل و إلى ثلاث ساعات مُتواصلـة من التركيز و التوتر أنتـهوا
من عمليـه حَقن المُضاد وتركوا البـاقي لَجسمها
هو يديره
هنا گعد عَون عالأرض متكأ عالحيط تعبـان
و قلق تنهد وهو يحس بِكف الرئيس على
كتفه:- كَلـه هـان .
- أن شاء الله .
گعد وره مُباشرةً متكأ عالقنفة اللي تصورت كأنها
شايلـة إله أغريقي بِشكله الغريـب وبنيته
الضخمة:- إذًا أحجي لي على خطوتـك الثانـية
يا أبكمنـا .
- بس تگعد مباشرةً أنقلها للمُستشفى حتى تكمل
علاجها هناك .
:- بعدين ؟
أبتسم عَون:- أطلگها ، هذا اللي تريد تسمعه .
قهقه هَو بِطريقة مُرعبـة:- توقعتـك راح تجادلنـي
وتگول أحبـها وأيرد أستمر وياهـا .
- أنتَ ليش مُصر على إني أحبـها ؟
:- لأني أشوف أشياء أنتـوا بِنفسكم جاهلينـها .
- عينك الثالثـة هالمرة ما صابت .
همهم و هو يوگف على حيله معدل
هندامـه:- أكذب على نفسك أشوف وين يوصل
بيك الحال تاليـها .
- عَجيب التناقض العندك من جهة تريدني أطلگها
و من جهة ثانية تريد تقنعني إني أحبـها .
بسم له بِغموض قبل لا يطبطب على كتفه طالع
من الغُرفة ، وگف عَون بِدوره وطلع وياه موصله
للباب:- يا ترى النـا لقاء ثالِث من خلاله أگدر
أشكرك على هالوگفة ؟
ضيق عيونـه وأبتسامة زينت محياه:- ما أعتقد
إلا إذا صار عليـها شيء أحتمال أقطع القارات
السبع و أجي أعزيك .
أنت تقرأ
أحضان من حجر
Romanceأحضان مِن حجر ، الكاتِبة أرام بـرو اِمْرَأَة غَجَرِيَّةٍ مِنْ سُلَالَةِ اَلذَّهَبِ شَاهِقَةً جِدًّا تَزَاحُمَ جِنْسُ أَدُمْ لِلْإِطَاحَةِ بِهَا طَمَعًا بِجَمَالِهَا وَقُوَّتِهَا وَلَمْ يُفْلِحْ أَحَدُهُمْ فَشَنَّتْ حَرْبٌ ل أَجْلِ اَلْحُصُولِ عَلَيْ...
