عند دولي و هي طالعه لهيثم و طلعت فعلا و كانت بتطبل علي الباب بهبل و بتقول : يلا يا نايم صحي النوم .. احنا بقينا ف شهر الصوم
هيثم جوه ف اوضته و قال ف نفسه: شهر صوم اي هو رمضان جه امتي .. و كمل كلامه بصوت عالي : شهر صوم اي .. مين علي الباب
دولي : انا
هيثم : و حياه امك .. عرفت كدا انتي مين
دولي : انا داليدا .. و كملت كلامها و هي بتفتح الباب : ادخل ولا اي
دولي دخلت و هيثم حس بوجودها
هيثم : مانتي دخلتي خلاص
دولي تجاهلت كلامه و قالت : اي دا يسطا دا انت صغير كنت بحسبك كبير و اقولك بقا هيثم بيه و كدا بس لأ انا قررت اخلي البساط احمدي و اقولك هيثم عادي
هيثم بصدمه : انتي قررتي لوحدك
دولي بصوت وابتسامه عبيطه : اه .. و فيها أي
هيثم بصوت منخفض بس هي سمعته : يارب دي شكلها هتبقي ايام سوده
دولي : اخص عليك ي واد ي هيثم .. بقا انا ايامي سوده .. طب طلقتي لو مش عاجبك طلقني
هيثم بصدمه و عصبيه : اطلقك!! اطلقك ازاي يعني ي بت المجانين و كمل كلامه بصوت عالي : اطلعي براااا .. يلاااا
دولي : اي يعم مالك كدا مش طايق نفسك ليه
هيثم بنبره مرعبه و جز علي سنانه : انا قولت اطلعي بكرا و مش هكررها تاني
دولي بخوف : نهار اسوح ي عم انت هتاكلني ولا اي
هيثم : طب تمام انتي اللي جبتيه لنفسك و فضل يحسس لحد ما مسكها و مسكها من طرحتها و حدفها برا الأوضه و قفل الباب
دولي بصريخ : اااااااااااه .. انت ي بن المفكوكه .. بقا انت بتستقوي علي واحده نسوان زي .. قلبي و صباع رجلي الصغير غضبانيك عليك ليوم السبت ي هيثم يا ابن شريف .. طب تعالي قومني طيب كسرتلي ضهري .. الاهي يارب الايفون اللي انت ماسكه دا يتكسر زي ماكسرت ضهري كدا .. و كملت بغنى : ي دنيا طفيتي شمعي يا ناس كسرتو ضهري و العمر راح راح هدر
و هيثم ف اوضته و وقع علي الارض من كتر الضحك و كان لاول مره يضحك كدا من قلبه
هيثم بضحك من جوا الأوضه : يعني انتي عايزه اي دلوقتي
دولي بعصبيه مصتنعه : بتضحك عليا يا ابن شريف .. يضحكو عليك يوم جنازتك ي بعيد .. طب تعالي قومني طيب و قول لحد يجبلي فولتارين ولا حاجه
شريف جه من وراها : طب انتي بتجيبي في سيرتي ليه دلوقتي
دولي شافته و اتخضت جدا : اي دا شريف بيه و قامت نطت زي القرده
شريف بضحك : ما انتي قومتي زي القرده اهو اومال اي الصياح دا كله
دولي رجعت قعدت مكانها تاني و مثلت أنها بتتألم : ااااه .. اه ي شريف بيه ابنك دا مفتري و واكل حق الغلابه
هيثم : يعني انا مفتري و واكل حق الغلابه مااااشي .. ماشي
دولي : انا اسفه يسطا مكنتش اقصد .. انا عبيطه اصلا و بقول كلام زي ماتخدش ف بالك
شريف و هيثم بصوت واحد : لا حول ولا قوه الا بالله
و شريف سابها و مشي و هيثم قفل الباب ف وشها
دولي : سبتوني لوحدي ي اندال .. يعني هو انا عشان معنديش لا حبيب ولا قريب ولا غريب
و قامت دولي و نزلت تستكشف البيت
و نروح عند سعاد
سعاد ف نفسها : والله ي بت ي دولي البيت ناقصه هزارك و هبلك و كملت كلامها بحزن : انا مش عارفه والله بعامل البت كدا ليه بسمعها علي طول بتعيط و بيبقي نفسي اخدها ف حضني و اقول لها متزعليش مني ي بنتي بس مش بقدر
و قامت تصلي و دعت لداليدا أن ربنا يهديها و يصلح لها حالها
و بعد ما خلصت صلاه لقت الباب بيخبط و راحت تفتح
مجهول : بنتك فين ي سعاد.....
YOU ARE READING
جعلتني آرى العالم بعينيها
General Fictionهي الفتاة المرحة .. ستدخل حياة الشاب الكفيف لتُنيرها من الظلام السائد الذي يعيش فيه ستضيف لحياته و حياة صديقه لذة و طعم و بهجة و بعد كل هذا ستحدث المُفاجأة التي ستغير مجرى حياتهم ( دولي ، هيثم ، عز )
