هيثم اتنهد : تمام ماشي .. طب هناكل اي ي جماعه
عز : شاورما
دولي : معلم .. والله انت معلم ياض ي عز
عز : ي بنتي كملي كلمه عدله علي بعض من
دولي : المره الجايه حاضر
عز : يخربيتك ي بت تلاجه
شريف : انتو هتمسكو ف خناق بعض تاني
دولي : لا لا خلاص
هيثم : طب يلا ي جماعه اطلعوا أجهزو .. و كمل كلامه ل دولي : و انتي ي دولي تعالي معايا حضريلي هدومي
دولي بمرح : حاضر ي سي هيثم
و طلعو فعلا يجهزو و دولي اختارت اوتفت حلو جدا لهيثم و كان شكله وسيم اوي
دولي : اي الحلاوه دي ي هثوووم .. الاوتفت هياكل منك حته
هيثم بمرح : انا كدا كدا حلو اصلا من غير حاجه
دولي : يا اخي تبا لغرورك
عز شاركهم الكلام : عشان تعرف ي هيثم أن مش انا لوحدي اللي بقول عليك مغرور
قاطع كلامهم صوت شريف و هو بينادي عليهم : يا ولاد جهزتوا ولا لسه
هيثم : ايوا ي بابا خلصنا و نازلين اهو
و فعلا نزلو و ركبوا العربيه و شريف هو اللي كان بيسوق و دولي كانت قاعده ف الكرسي اللي جنبو و عز و هيثم كانو قاعدين ورا
عز : داليدا .. ماتشغليلنا اغاني نفرفش شويه
دولي : غالي و الطلب رخيص
و شغلت فعلا اغاني و فضلو يغنو مع الاغنيه هي و عز و شويه و هيثم شاركهم الغنا
و شريف كان مبسوط جدا من الجو اللي دولي عملاه و أن هي ازاي قدرت تغير هيثم
و قبل ما يوصلو مطعم الشاورما
دولي : جماعه اي رايكو نجيب الاكل و نطلع ناكل ع البحر
كلهم وافقو و فعلا راحو أكلو علي البحر و بعد ما خلصو اكل
شريف : ما تحكيلنا عنك شويه ي داليدا
دولي : اولا ياريت ماتقوليليش داليدا تاني .. كل الناس بتقولي دولي
عز : تمام ي ست دولي
دولي : احم احم بسم الله الرحمن الرحيم و به نستعين .. انا عايشه مع مرات ابويا و هي اللي مربياني و امي معرفش عنها حاجه
هيثم : بتدرسي ي دولي
دولي : اه طبعا انا اولي هندسه
شريف : ماشاء الله ي بنتي .. ماتيجي معايا ي عز نروح نجيب حاجه نتسلي بيها
عز : يلا ي عمي
و بعد ما عز و شريف مشو
دولي بهدوء عكس طبيعتها : هيثم
هيثم بنفس الهدوء : نعم
دولي : تعرف أن انا اول جيب عشان اشتغل عمو شريف خوفني منك جدا و كان بيقولي انك بقيت عصبي جدا و كل ما يجبلك حد عشان يساعدك و كنت بتضربه و تمشيه
هيثم اتنهد تنهيده طويله : من سنه كنت راكب العربيه و رايح الشغل ف الشركه بتاعتي و جاي اركن العربيه عشان انزل بس ملقتش فرامل...........
YOU ARE READING
جعلتني آرى العالم بعينيها
General Fictionهي الفتاة المرحة .. ستدخل حياة الشاب الكفيف لتُنيرها من الظلام السائد الذي يعيش فيه ستضيف لحياته و حياة صديقه لذة و طعم و بهجة و بعد كل هذا ستحدث المُفاجأة التي ستغير مجرى حياتهم ( دولي ، هيثم ، عز )