و بعد مرور أسبوع و هم ف اسبانيا
هيثم صحي علي صوت عز
عز : هيثم اصحي بسرعه لازم نسافر مصر دلوقتي
هيثم بنوم : هتلاقي مكرونه ف التلاجه
عز : مكرونه اي ي هيثم .. اصحي
هيثم بعد ما فاق اخيرا : اي في اي
عز : لازم نسافر مصر دلوقتي .. عندي مأموريه
هيثم : طيب طيب .. هروح اصحي داليدا
هيثم راح لدولي و صحاها
هيثم : دولي .. اصحي عشان لازم نسافر مصر
دولي : دلوقتي
هيثم : اه عشان عز عنده مأموريه
دولي : حاضر .. هقوم احضر الشنط اهو
بعد مرور ساعه
ركبو طياره خاصه و نزلو مصر
دولي و هم راكبين تاكسي و مروحين عز .. انت مش هتيجي معانا البيت
عز : لا هروح بيتي عند امي و ابويا و اقولهم علي موضوع الخطوبه
هيثم : انت لسه ماقولتلهمش
عز : لا لسه
هيثم و دولي راحو بيتهم و عز راح لبيته
هيثم : تعرفي ي دولي انا لحد دلوقتي مش مصدق اني شايفك قدامي
دولي : صدق يعم .. انا هنا اهو
هيثم : مش هنروح لماما
دولي : ماما!!! .. انت خلاص ي هيثم سامحتها و نسيت كل اللي هم عملته فيا و فيك
هيثم : مانسيتش بس هنفضل كدا لحد امتي .. هي خلاص ندمت و عرفت غلطها و عايزه تصلحه .. و كمان بابا من ساعه ما سافر وانا معرفش عنه حاجه و مش بيرد عليا
دولي : خلاص ي هيثم اعمل اللي تعمله
هيثم : مانتي هتيجي معايا علي فكره
دولي : و لو قولت لك مش هاجي
هيثم بزعيق : هتيجي معايا ي داليدا .. و اتفضلي اطلعي نامي و لما تصحي هنروح لها
دولي طلعت من غير ما تتكلم
هيثم ف نفسه بعد ما طلعت : معلش ي هيثم .. لازم تزعقلها و توقفها عند حدها
عند عز ف بيته
عز بمرح : انا جيت ي أهل البيت
مامته و اللي اسمها كريمه : حمدالله علي السلامه ي بني
عز : وحشاني ي كراميلا والله
كريمه ضربته بخفه : كراميلا ف عينك ياولا
عز : اومال فين الحج حسن
كريمه : ابوك راح يجيب للبيت شويه حاجات
عز : انا عندي ليكي خبر ياما هيفرحك اوي
كريمه : خير ي بني .. ناوي تتجوز ولا اي
عز بضحك : ايوا ي ست الكل
كريمه بفرحه : مين ي ابني اللي امها داعيه عليها دي
عز : اخص عليكي ياما .. طب والله مانا قايل غير لما ابويا يجي
كريمه و قلعت سلاح الام المصريه و حدفته: بقا انت بتحلف عليا انا
عز بألم : ااااااااه ي ست الكل .. دا انتي بتعرفي تصوبي علي الهدف احسن مني انا
حسن جه من وراه : عز .. وحشني يابني
عز : حجووووج واحشني يا راجل
حسن و هو بيحضن ابنه : مش انت ي بني كنت بتقول هتيجي كمان اسبوع
عز : مانا عندي مأموريه بكرا الصبح
كريمه : الا هيثم عامل اي دلوقتي
عز : زي الفل
حسن : الحمد لله
كريمه : قول بقا ي عز مين هي العروسه
حسن : عروسه اي .. انت اتجوزت من ورانا ي عز
عز بضحك : لا ي حج لسه هتجوز
كريمه : اخلص ياض مين العروسه
عز : اخت هيثم .. اسمها داليدا
حسن باستغراب : هو هيثم عنده اخت
عز : ايوا ي بابا عنده اخت
كريمه : ازاي
عز : هحكيلكم
عز حكي لهم علي كل حاجه و علي القصه كلها
عز بعد ما خلص كلامه : بس كدا ي جماعه وانا بحبها و عايزها
كريمه : يعني هي ي بني محترمه
عز : جدا ي ماما .. محترمه اوي و لابسه الحجاب و مش بتسيب فرض الا و تصليه و كمان تعالمها معايا كان علي قد السؤال و خلاص
حسن : طيب ي بني لما ترجع من المأموريه هنروح نزور هيثم و نخطب اخته كمان
عز بفرحه : والله ي حج أنت راجل زي العسل .. ما تسمعينا زغروطه ي كراميلا
كريمه بفرحه : ربنا يسعد قلبك ي بني
عند هيثم و دولي
هيثم : يلا ي داليدا البسي عشان نروح
دولي : هتعمل برضو اللي ف دماغك ي هيثم
هيثم ببرود : ايوا .. و اخلصي البسي
دولي بدموع : هيثم انت بتعاملني كدا ليه .. انا عملت اي
هيثم : يا دولي انتي اللي مش راضيه تسمعي من حد و اللي ف دماغك مش بتغيريه .. دي امك و دا ابوكي و هم غلطو بس ندمانين و عايزين يعيشو اللي باقي من حياتهم مع عيالهم و كفايه عند بقا
دولي : مش قادره ي هيثم اسامحهم .. حتي لو عاملتهم حلو برضو مش هقدر اسامحهم
هيثم : طب انتي بس عامليهم حلو و صدقيني هتلاقي كل حاجز بينك و بينهم اتشال .. بس انا عايزه اعرف بابا راح فين
دولي : انا هرن عليه و هيرد عليا أن شاء الله
هيثم حضنها : ايوا كدا خليكي شطوره
دولي بضحك : شوفتي و انا شاطره
هيثم : طب يلا روحي اجهزي عشان منتأخرش
دولي بخبث : طب خد رقم سلمي و رن عليها لحد ما البس و قول لها اننا جاين
هيثم : هرن علي ماما و اقول لها
دولي : لا ماهو تلفون مرات اب قصدي ماما مش بيجيب شبكه
هيثم : طب ما تكلميها انتي
دولي : لو اتكلمنا انا و هي هنفتح ف الكلام و مش هنروح .. يلا بقا ي هيثوم
هيثم : هيثوم!!! هاتي يختي و اخلصي البسي
دولي دخلت تلبس و هيثم كلم سلمي
هيثم : السلام عليكم .. سلمي صح
سلمي : و عليكم السلام .. مين
هيثم : انا هيثم اخو داليدا و كنت بتصل عشان تبلغي ماما اننا جاين
سلمي : انتو جيتو مصر امتي
هيثم : لسه واصلين النهارده من كام ساعه كدا
سلمي : حمدالله ع السلامه .. و سلملي علي دولي .. سلام
هيثم : مع السلامه
دولي جت من وراه : ها كلمتها
هيثم : يخربيتك يشيخه قطعتيلي الخلف .. اه كلمتها و قولت لها أن احنا جاين
دولي : طب يلا .. هتسوق انت ولا اسوق
هيثم بسرعه : لا لا هسوق انا
دولي بضحك : ماشي
YOU ARE READING
جعلتني آرى العالم بعينيها
General Fictionهي الفتاة المرحة .. ستدخل حياة الشاب الكفيف لتُنيرها من الظلام السائد الذي يعيش فيه ستضيف لحياته و حياة صديقه لذة و طعم و بهجة و بعد كل هذا ستحدث المُفاجأة التي ستغير مجرى حياتهم ( دولي ، هيثم ، عز )
