صباح يوم جديد عند شريف و هيثم و عز و دولي
كلهم كانو واقفين بيودعو عز عشان هيسافر للمأموريه
هيثم : هتوحشني اوي الاسبوع دا
شريف : تروح و ترجع بالسلامه يا ابني
عز بص ل دولي : مش هتقولي حاجه
دولي : ابغي اقولك تروح و ترجع بالسلامه لكن استحي
عز بضحك : دولي بتستحي ي جماعه
دولي بغيظ : علي فكره انا مش عايزه ازعلك قبل ما تسافر لما ترجع بس
عز : هتوحشوني بجد ي جماعه .. دعواتكم بقا
و مشي عز و سابهم و سافر
و دولي طلعت هيثم اوضته و خرجت تكلم مرات ابوها
و شويه و تلفون هيثم رن و نده علي دولي عشان يشوف مين اللي بيرن عليه
هيثم بصوت عالي : دولي .. دولي
دولي طلعت لهيثم
دولي : نعم
هيثم : شوفي مين اللي بيرن
دولي : واحده اسمها مريم
رد علي مريم
هيثم : الو
مريم : الو ي هيثم
هيثم : اخبارك اي .. فينك ي بنتي من زمان
مريم : موجوده اهو .. عندي ليك خبر هيفرحك اوي
هيثم : قولي عشان الواحد محتاج يفرح
مريم : انا حامل ي هيثم
هيثم : بجد ي مريوم .. الف الف الف مبروك .. ربنا يتمم لك علي خير
مريم : يارب ي هيثم
هيثم : ابقي سلميلي علي ايهم و قوليله أن هيثم بقولك الف مبروك و يتربي ف عزك
مريم : يوصل ي هيثم .. سلام
هيثم : مع السلامه
خلص المكلمه و حس أن في حد ف الاوضه
هيثم : دولي .. انتي لسه واقفه
دولي : اه عشان لو احتاجت حاجه
دولي : طب ممكن اسألك سؤال
هيثم : اتفضلي
دولي : هي مين دي ي هيثم
هيثم : دي تبقي بنت خالتي و كانت بتقولي أنها حامل
دولي : اه .. الف مبروك
و خرجت من الأوضه
و بعد مرور أربع أيام و هيثم و دولي بيقربو من بعض اكتر و بيكلمو عز كل يوم ، و اليوم دا دولي كانت هتروح لمرات ابوها دولي قبل ما تمشي
شريف : تعالي ي دولي عايزك
دولي : حاضر ي عمو شريف
وراحت وراه المكتب
دولي : نعم ي عمو
شريف طلع فلوس و ادالها : خدي دول ي بنتي اديهم لمرات ابوكي
دولي باحراج : مالهوش لزوم والله ي عمو
شريف : مالهوش لزوم ازاي ي بنتي دا حقك
دولي : تمام ي عمو .. شكرا
و سابته و خرجت و سلمت علي هيثم و علي مديحه و راحت لمرات ابوها
و عند سعاد
دولي خبطت ع الباب و مرات ابوها فتحت لها
سعاد بفرحه : دولي .. وحشتيني اوي
و اخدتها بالحضن
دولي : وانتي كمان الله ي سوسو ي عسل انتي
سعاد : تعالي ادخلي و احكيلي علي كل حاجه
دخلت دولي و سعاد قعدتها
سعاد : ها احكيلي بقا كل حاجه
دولي : مافيش ي مرات ابويا .. هيثم دا يكون كفيف وانا بساعده و كدا و شريف أبوه دا راجل سكره كدا
سعاد بتوتر : قولتي اسمه اي
دولي استغربت من توترها : اسمه شريف و ابنه اسمه هيثم
سعاد و بتتهرب : طب ارتاحي وانا هحضر لك الغدا
YOU ARE READING
جعلتني آرى العالم بعينيها
General Fictionهي الفتاة المرحة .. ستدخل حياة الشاب الكفيف لتُنيرها من الظلام السائد الذي يعيش فيه ستضيف لحياته و حياة صديقه لذة و طعم و بهجة و بعد كل هذا ستحدث المُفاجأة التي ستغير مجرى حياتهم ( دولي ، هيثم ، عز )
