جعلتني آرى العالم بعينيها

الفصل الثامن عشر

دولي فاقت و لقت عز قدامها
عز : داليدا حبيبتي .. انتي كويسه .. فيكي حاجه
دولي : لا مش كويسه ي عز
و اترمت ف حضنه و عيطت و هو أخدها ف حضنه اكتر و فضل يهديها
عز : خلاص ي روحي .. خلاص اهدي
دولي : عز .. ممكن تجبلي هيثم .. ولا اقولك انا هروحله
دولي راحت علي اوضه هيثم و دخلت و هيثم حس بوجودها
دولي بارتباك : هيثم
هيثم : تعالي ي حبيبتي
دولي جريت عليه و هو حضنها و هي فضلت تعيط
هيثم : طب ممكن اعرف انتي بتعيطي ليه دلوقتي
دولي بعياط : انا حياتي كلها كذبه ي هيثم .. عشت مع اب مش ابويا عشان ابويا الحقيقه رماني و عشت مع امي اللي كنت مفكراها مرات ابويا و طلع عندي اخ معرفش عنو حاجه بقالي ١٩ سنه .. انا بجد بتمني أن دا كله يكون كابوس و ارجع حياتي الطبيعيه تاني
هيثم : يعني انتي مش مبسوطه اني طلعت اخوكي
دولي : لا طبعا مبسوطه
و عز دخل عليهم فاجأه و شاف دولي ف حضن هيثم
عز بغيره : داليدا .. قومي من حضن الزفت دا
دولي : وانت مالك انت
هيثم : علي فكره الزفت دا يبقي اخوها
عز : انا قولت كلمه و مش هكررها تاني
دولي بعدت عن هيثم : علي فكره انت بارد
عز : مش مهم .. و كمل كلامه لهيثم : بقولك ي هيثم .. انا عايز سهره من بتوع زمان
هيثم بضحك : اشطا و ناخد دولي معانا كمان
دولي : اي دا هتودوني night club ( ملهى ليلي)
هيثم : night club اي ي حيوانه .. داحنا بنروح نجيب ريدبول و نشربها علي البحر الساعه ٣ الفجر و نعمل نفسنا سكرانين
دولي : الله انا بحب الحاجات التافهه دي اوي
عز : اشطا ي شباب .. اجهزو بقا علي الساعه ٢ كدا
و كمل كلامه لدولي : وانت مش ناوي تحن ي جن
دولي بكسوف : هيثم .. خلي صاحبك دا يتلم
هيثم : معندناش بنات للجواز ي عز
عز و هو بيردح : نعااااااام .. هو اي اللي معندناش بنات للجواز .. انت هتستهبل ي هيثم
هيثم : ايوا .. لما دولي تخلص جامعتها و تتخرج بعدين بقا نشوف الموضوع دا
دولي : شاطر ي هيثم
عز : هو اي دا ان شاء الله .. طب كتب كتاب بس
هيثم : نو
عز : طب خطوبه طيب
هيثم : ممكن .. موافقه ي دولي علي الخطوبه من الواد الاهبل دا
دولي بكسوف : اللي تشوفه ي ابيه
عز : اي دا .. اي الاحترام اللي نزل عليكي فاجأه دا
دولي : مااااشي ي عز .. خلاص ي هيثم انا مش موافقه
هيثم : خلاص ي عز البنت مش موافقه
عز : هيثم .. حبيبي .. ابو الهياثيم .. متبقاش بارد بقا و جوزني البت
هيثم : طب خلاص سيبلها وقت تفكر
عز : حبيبي يابو الهياثيم والله
و خرج عز من اوضه هيثم
هيثم و هو بيكلم دولي : دولي حبيبتي انا مش هجبرك علي حاجه .. موافقه علي عز
دولي : موافقه ي ه‍يثم
عز دخل الأوضه تاني و هو بيزغرط
عز : لولولولولولولي علي بركه الله الخطوبه يوم الجمعه الجاي ف قاعه اللؤلؤه
هيثم بعصبيه مصتنعه : أنت ي حيوان .. بتسمع كلامي انا و اختي ليه
و قام و مسكه و طلعه برا
عز بضحك من برا الاوضه : بتتردني انا و عيالك ف نص الليل ي محسن
هيثم : بس يالا ي اهبل انت

عند المجهول

: جاسر باشا
جاسر : ها ي ايمن في اخبار
ايمن دراع جاسر اليمين : ايوا ي باشا .. البت اللي كانت شغاله عند هيثم طلعت اخته
جاسر بعدم فهم : اخته ازاي يعني
ايمن حكاله علي كل حاجه
جاسر : و انت عرفت منين ي ايمن
ايمن : البت اللي انا زارعها ف البيت عشان تجبلي اخباره هي اللي قالت لي .. ناوي علي اي ي باشا
جاسر : هنلعب علي البت دي .. الا قولتلي اسمها اي
ايمن : داليدا ي باشا
جاسر بشر : دلوقتي ي هيثم بدأنا اللعب و هدفعك تمن موت اختي غالي