و بعد مرور ثلاث اسابيع
في اليوم اللي هم هيسافرو فيه اسبانيا عشان هيثم يعمل العمليه
دولي بتوتر و هي بتشرف علي الشنط : يلا ي عز اخلص هنتأخر
عز : مالك ي بنتي مستعجله و متوتره و مش علي بعضك كدا ليه
دولي : خايفه ي عز خايفه
عز مسك ايديها : ان شاء الله خير و هتنجح العمليه .. ادعيله انتي بس
دولي بعدت ايده باحراج : عز لو سمحت كدا مينفعش
عز بضحك : اي الطماطم اللي ظهرت دي .. انتي بتتكسفي
دولي : هيثم بينادي عليا
عز بضحك : اهربي اهربي
و بعد حوالي نص ساعه
دولي بصوت عالي : ما يلا ي جماعه بقا .. يلا ي هيثم بتعمل اي دا كله
هيثم : خلاص انا جهزت اهو .. شوفي بس عز فين
دولي : يااااا عز
عز و هو نازل من فوق : ياااا نعم .. انا جيت اهو يلا علي المطار
دولي : اسوق انا ي جماعه
هيثم و عز ف صوت واحد : لااااااااااا
دولي بضحك : خلاص خلاص ي جماعه مش هسوق
راحو المطار و استنو حوالي ساعه و بعدين ركبو الطياره
و دولي قعدت جنب الشباك و هيثم جنبها و عز قدامها
هيثم : دي اول مره تركبي فيها طياره صح
دولي بثقه : لا ركبت قبل كدا ة نطيت منها كمان
هيثم : اي دا بجد
دولي : ايوا ف بابجي
هيثم : كنت بلعبها انا و عز قبل ما اعمل الحادثه
دولي : لما نرجع مصر و العمليه تنجح نبقي نلعب احنا الثلاثه
هيثم بتوتر : يعني هي العمليه هتنجح
دولي و هي بتحاول تطمنه : ايوا ي حبيبي هتنجح بأذن الله
هيثم : انشاء الله
عز : اجهزو ي جماعه الطياره هتبدأ تطلع
الطياره فعلا بدأت تتحرك
دولي بصوت عالي : احيه .. احيه ي هيثم هنموت .. البتاعه دي بتتحرك .. هنموت ي عز مش هتلحق تتجوزني .. يا صغيره علي الموت ي لووووووزه
عز بضحك : اكتمي .. اكتمي ي بت .. هنموت اي بس .. و بعدين هو اي اللي البتاعه دي بتتحرك ماهو طبيعي الطياره تتحرك
دولي : يعني احنا مش هنموت
هيثم : ي بنتي اسكتي ما تفوليش علينا
دولي : طب انا عايزه اسوق الطياره دي
عز : لا احنا كدا هنموت بجد .. نامي ي حبيبتي و متصدعيناش الطريق لسه طويل
دولي نامت و سندت علي كتف هيثم و هو أخدها ف حضنه
و قال ف نفسه : يارب .. يارب انا عايز العمليه تنجح عشانها .. عايز اشوفها و اعوضها عن كل حاجه .. عايز اشوفها يوم فرحها و هي بالفستان الابيض
و بعد مرور مده من الوقت
هبطت الطائرة علي أرض اسبانيا
دولي بفرحه : الله .. اسبانيا حلوه اوي .. كان نفسي اروح كوريا بس مش مهم اسبانيا حلوه برضو
عز : يلا دلوقتي نركب تاكسي و نروح الفندق و الصبح انشاء الله نروح للدكتور
دولي : لا لا يلا نروح دلوقتي
عز : مينفعش ي دولي دلوقتي
دولي : بس هنصحي الصبح بدري صح
عز : ايوا .. و يلا بقا عشان انا بتعب من الطيارات جدا
دولي : الف سلامه عليك ي زوجي المستقبلي
هيثم : ما تتلمي ي بت انتي .. احترمي أن انا واقف حتي
عز : سيبها سيبها ي عم .. اصل هي مش هتكررها تاني
دولي : يلا بقا نمشي .. بس قبل ما نمشي تعالو نتصور
اتصوروا صور كتير مع بعض و بعدين راحو الفندق
و كان عز و هيثم ف اوضه و دولي ف اوضه
و طبعا كلهم دخلو و نامو علي طول
عن سعاد
سعاد حاولت كتير ترن علي دولي و مش بترد .. رنت علي هيثم هو كمان مش بيرد .. فكرت انها تاخد سلمي و تروح بيت هيثم و فعلا راحو
سعاد بتخبط علي الباب و الخدامه فتحت لها
سعاد : هيثم و داليدا موجودين ي بنتي
الخدامه : لا هم سافرو و هيرجعو كمان ثلاث اسابيع
سعاد بصدمه : سافرو!! طب ما تعرفيش راحو فين
الخدامه : هيثم بيه قال إنه هيسافر اسبانيا
سعاد : شكرا ي بنتي
سعاد و هي بتكلم سلمي : هم ليه بيهربو مني .. ليه مش عايزين يسامحوني .. انا ندمت علي كل اللي عملتو .. هم ليه بيعاقبوني
سلمي : هيسامحوكي ي طنط انا واثقه .. و كملت كلامها بتذكر : اه صح .. دولي كانت قيلالي أنهم هيسافرو عشان عمليه هيثم
سعاد : عمليه اي
سلمي : عمليه عينه
سعاد بفرحه : بجد!!! ربنا يشفيك ي ابني و ترجع و انت مجبور الخاطر و ماشوفش فيك حاجه وحشه
سلمي : يارب ي طنط
و ف صباح يوم جديد في اسبانيا و بالتحديد عند عز و هيثم و دولي
لبسو هم الثلاثه و راحو عند الدكتور عشان يعرفوا حاله هيثم و يحددوا ميعاد العمليه
( الحوار اللي جاي دا هيكون بالأسباني بس انا هقوله باللغه العربيه )
عز : ما هي حاله هيثم يا طبيب
الطبيب : لا داعي للقلق .. الحاله ليست متأخره .. و سوف تتم العمليه الجراحيه بعد يومين من الآن
عز : شكرا
الطبيب : علي الرحب و السعه
بعد ما خرجوا من المستشفي
دولي : ها ي عز .. الدكتور اللي انا مش فاهمه منو حاجه دا قال اي
عز : قال إن العمليه هتم كمان يومين
دولي بفرحه : انشاء الله العمليه تنجح
و بعد يومين
دولي كانت متوتره جدا عشان دا يوم عمليه اخوها و كانت خايفه إن العمليه متنجحش و راحو المستشفي و هيثم دخل اوضه العمليات
هيثم قبل ما يدخل : عز .. داليدا امانه ف رقابتك لو حصلي اي حاجه ف هي ف رعايتك انت
دولي عيطت : بس ي هيثم اسكت خالص ما تقولش كدا .. انت هطلع و هتشوفني كمان
عز : اختك ف عنيا ي هيثم .. و ان شاء الله ترجع تشوف تاني و تشوفني ي عم وانا عريس كمان
هيثم : ان شاء الله
YOU ARE READING
جعلتني آرى العالم بعينيها
General Fictionهي الفتاة المرحة .. ستدخل حياة الشاب الكفيف لتُنيرها من الظلام السائد الذي يعيش فيه ستضيف لحياته و حياة صديقه لذة و طعم و بهجة و بعد كل هذا ستحدث المُفاجأة التي ستغير مجرى حياتهم ( دولي ، هيثم ، عز )
