عند سعاد و سلمي
سلمي : طنط سعاد .. هيثم و دولي جاين دلوقتي
سعاد بفرحه : بجد .. هم وصلو مصر امتي
سلمي : هيثم بيقولي أنهم لسه واصلين النهارده من كان ساعه كدا
سعاد : طب انا هدخل اجهز لهم الاكل
سعاد دخلت تحضر الاكل و سلمي معاها و بعد ساعه خبط الباب و سلمي راحت تفتح
هيثم بهمس لدولي : بت .. هي مين القمر دي
دولي و هي قاصده تقول لسلمي اسمها عشان هيثم يعرفها : سلمي .. وحشتيني
سلمي : و انتي اكتر والله .. تعالي ادخلي ي بنتي دا بيتك وانا ضيفه
دولي دخلت و هيثم وراها و سعاد جت و حضنت هيثم
سعاد بفرحه : حمدالله على السلامه ي بني .. وحشتني اوي
هيثم : بقالي كتير ماشوفتكيش ي امي
سعاد : يعني انت شايفني ي بني
هيثم : شايفك ي ست الكل
دولي : يعني اي ي سوسو اول ما ندخل تحضنيه هو وانا مالي من الحب جانب يعني
سعاد : دا انتي الحب كله
و راحت حضنتها
دولي : وحشتيني اوي ي ماما
سعاد بفرحه : ماما !!! يعني سامحتيني ي بنتي
دولي : سامحتك ي ست الكل .. مهما كان هتفضلي امي .. مع انك يعني كنتي بتعاملني وحش بس كنتي بتخافي عليا
سلمي قاطعت كلامهم : اهئ اهئ تراني تأثرت لحظه ابكي
دولي و هي بتحدفها بالمخده : ما تسيبني اعيش اللحظه ي بت
سلمي : عيشيها يختي
دولي : انا شامه ريحه ملوخيه و محشي .. انا داخله اكل
و دخلت دولي المطبخ عشان تاكل
سعاد : طب استني نحضر الاكل و ناكل كلنا سوا
دولي و هي خارجه و بتاكل الخياره : عارف ي واد ي هيثم .. اكل سوسو دا ادمان كدا .. و كملت كلامها بخبث : تعالي ي سوسو نروح نجهز الاكل عشان انا بدأت اجوع
سعاد و فهمتها : يلا
دخلو سعاد و دولي و سابو سلمي و هيثم .. و بعد شويه دخلو عليهم لقوهم بيضحكو و بيهزروا
دولي بصوت عالي : يلاااااااااااااااااا
هيثم : الله ياخدك ي شيخه .. جايبه الصوت دا كله منين
دولي : من عند بتاع الصوت هاهاهاهاها .. يلا يلا عشان الأكل هايبرد
و بعد مرور ثلاث ايام
رجع عز من المأموريه و راح علي بيته
عز بتعب : اااااااه مش قادر .. سريري واحشني .. اوضتي وحشتني .. مخدتي بتنادي عليا .. عايز اناااااااام
كريمه : حمدالله ع السلامه ي بني
عز : الله يسلمك ي امي .. بس وديني اوضتي
كريمه : ما الاوضه اهي ي بن الهبله
عز : لامؤخذه ياما .. انا هدخل انام ي جماعه .. محدش يصحيني غير ف رمضان اقوم اتسحر و انام تاني
حسن بخبث : ماشي ادخل نام و الاسبوع الجاي بقا نروح نخطب داليدا
عز : لا لا نوم اي بس .. انا ربع ساعه و هكون لبست اصلا .. قومو انتو بس أجهزوا و انا هكلم هيثم و أقوله
كريمه و حسن ضحكو علي ابنهم الاهبل و قامو يجهزو
بعد نص ساعه
عز بصوت عالي : يلا ي جماعه انا خلصت
حسن : كلمت هيثم؟
عز : لا .. هكلمه اهو
عز رن علي هيثم
عز : أبو الهايثم .. جهزو نفسكم عشان انا ربع ساعه و هاجيب أمي و ابويا و اجي أخطب دولي
هيثم : في اي ي عم ما تهدي علي نفسك كدا .. عايز اي بقا
عز : هجيب يعم امي و ابويا و نيجي نخطب البت اختك
و قفل ف وشه السكه
هيثم بصوت عالي و فرحه : دولييييييييي قومي اجهزي يلا عز جاي
دولي : طب مايجي اعمله اي
هيثم : جاي هو واهله يطلبو ايدك مني
دولي : هو مين
هيثم : عز
دولي : ماله عز
هيثم : ي بت قومي اخلصي
دولي و هي طالعه جري علي السلم : احييييييييه مش هلحق اجهز .. نهارح اسوووووح
و بعد شويه الباب خبط و هيثم راح يفتح
هيثم : اي دا .. ماما و سلمي .. تعالو ادخلوا .. انا اصلا كنت لسه هرن عليكو تيجو
سلمي : انا هطلع لدولي و انتي ي طنط اقعدي هنا مع هيثم
سعاد : ماشي
سلمي طلعت و خبطت علي دولي
دولي : تعالي ي سلمي ادخلي .. و كملت كلامها بعد ما سلمي دخلت : الفستان حلو ي سلمي .. طب الميكب حلو .. طب الطرحه البيضه حلوه ولا البس طرحه نفس لون الفستان
سلمي : زي القمر ي دولي و الميكب قمر و الطرحه دي لايقه
دولي كانت لابسه فستان باللون الازرق و طرحه بيضه و جزمه كعب بيضه و اكسسورات فضي و ميكب رقيق
دولي : طب نادي هيثم و ماما يشوفو الفستان
سلمي : حاضر
سلمي نادت علي هيثم و سعاد و طلعو فعلا
دولي : ها ي جماعه الفستان حلو ولا اي .. طب انا حلوه
هيثم قرب منها و باس راسها : زي القمر ي روح قلبي
دولي حضنته و قالت : هيثم .. انا مش عايزه اتجوز .. قوله اني مش موافقه
هيثم بضحك : بس ي بت الهبله دا الناس زمانها علي وصول
دولي : طب هو انا ينفع مانزلش
هيثم : لا ماينفعش
و قاطع كلامه صوت جرس الباب
دولي : احيه احيه دول جم .. انزل ي هيثم قول لهم العنوان غلط او معندناش بنات للجواز .. يلا
كلهم ضحكو علي توترها و سعاد و هيثم نزلو يستقبلو عز و عيلته
YOU ARE READING
جعلتني آرى العالم بعينيها
General Fictionهي الفتاة المرحة .. ستدخل حياة الشاب الكفيف لتُنيرها من الظلام السائد الذي يعيش فيه ستضيف لحياته و حياة صديقه لذة و طعم و بهجة و بعد كل هذا ستحدث المُفاجأة التي ستغير مجرى حياتهم ( دولي ، هيثم ، عز )
