"မိုးရေစက်တွေမေးသော ပဟေဠိ🍀"
🍀Part (1)🍀
---------------------
---------------------
"ဝ ရော.....
ဂျိမ်း!!ဂျိမ်း!!"
"ဂျိမ်း!!!"
မိုးမင်းကြီးရဲ့အငြိုးကြီးစွာနဲ့ သဲကြီးမဲကြီးရွာသွန်းနေတဲ့ မိုးရေစက်တွေကြားမှာ ပြေးလွှားနေတဲ့ကောင်မလေးတစ်ယောက်....
မနက်ကသူမစီးလာတဲ့ ကတ္တီပါဖိနပ်လေးကလဲ သူမရဲ့ကြောက်ရွံထိတ်လန့်မှုကြောင့် ဘယ်နေရာမှာကျကျန်ခဲ့လဲ သူမသိနိုင်ခဲ့...
ဖိနပ်မပါတဲ့ သူမခြေဖဝါးနုနုတွေက ကတ္တရာလမ်းကိုအရှိန်နဲ့ကျရောက်ကာ
မနက်ကသူမဆံပင်မှာပန်ဆင်သွားတဲ့ငွေရောင်ဆံညှပ်လေးကလဲဘယ်ဆီဘယ်ဝါမှာကျကျန်ခဲ့မှန်းမသိတော့....
"ဝ ရော...
ဂျိမ်း !!ဂျိမ်း!!"
မိုးမင်းကြီးရဲ့ အငြိုးမာန်ကြောင့် ကောင်းကင်ကြီးကမဟူရာရောင်မဲနက်ကာ ဒေါသတကြီး မြည်ဟည်းနေပေမဲ့
မိုးရေတွေကြားမှာပြေးနေတဲ့ ကောင်မလေးကတော့ ထိုအရာတွေနဲ့ဆန့်ကျင်စွာ မိုးမင်းကြီးနဲ့အပြိုင်ငိုကြွေးလျက် ကြောက်လန့်တကြားပြေးလွှားနေသည်က သူမအိမ်ရှိရာ တစ်နည်းအားဖြင့် သူမ အဖေရှိရာဆီကိုပင်...
"ဂျိမ်း!!ဂျိမ်း!!"
ထစ်ချုန်းမြည်ဟီးသံတွေကြားကနေ သူမမြင်တွေ့လိုက်ရသည်က သူမတို့ရဲ့သစ်သားအိမ်လေး...
ခြံတံခါးကိုတွန်းဖွင့်ကာ ခြံထဲဝင်လာမိတော့ သူမရဲ့အိမ်တံခါးကသော့ခတ်ထားလျက်....
■အဖေပြန်မရောက်သေးဘူး!!
သူမအိမ်တံခါးတောင်မဖွင့်နိုင်တော့ပဲ အိမ်ရဲ့လှေကားထစ်မှာ ထိုင်ချပစ်လိုက်သည်
"အဟင့်!!အဟင့်!!ဟီး"
တစ်ကိုယ်လုံးမိုးရေတွေစိုရွှဲနေတဲ့သူမဆီကငိုရှိုက်သံတွေထွက်လာပေမဲ့ မိုးခြိမ်းသံတွေဖုံးလွှမ်းနေတဲ့ သူမရဲ့ပတ်ဝန်းကျင်ကတော့ သူမရဲ့ငိုရှိုက်သံတွေကိုမသိခဲ့ကြပါ...
တန်ခူး လှေကားထစ်မှာ ထိုင်ကာချမ်းလွန်းတဲ့အအေးဓာတ်ကို ဒူး၂ဖက်ပိုက်ကာ ငြိမ်သက်စွာခံယူနေရင်း သူမအားကိုးရာအဖေ ပြန်လာမဲ့ ခြံတံခါးဝကိုသာကြည့်နေမိသည်...
YOU ARE READING
မိုးရေစက်တွေမေးသောပဟေဠိ(Completed)(Unicode)
Romanceမိုးရေစက်လေးတွေရယ် ခပ်ဆိုးဆိုးကောင်လေးတစ်ယောက်ရယ် ရင့်ကျက်တည်ငြိမ်လွန်းတဲ့ မမတစ်ယောက်ရယ် IQမြင့်လွန်းတဲ့ ကလေးလေးတစ်ယောက်ရယ် သူတို့နှစ်ယောက်ကြားက ပဟေဠိတွေရယ်.... အချို အရို အငိုလေးတွေနဲ့ ၁၅၀၀အချစ်ရော၅၂၈ရောကိုပါတွေ့မြင်နိုင်မှာပါ.... သမီးက အဖေအပေါ် အမ...
