အမြန်လမ်းမကြီးပေါ်၌ expressအဝေးပြေးကားတစ်စီးသည် အရှိန်ဖြင့် မောင်းနှင်ပြေးဆွဲလျက်ရှိသည်။
ထိုexpressကားသည်ဂိတ်မှထွက်ခွာလာခဲ့သည်မှာ အချိန်အားဖြင့် လေးနာရီပြည့်လုလုပင်ဖြစ်သည်။
ကားထဲရှိ ခရီးသည်တို့တွင် အိပ်စက်နေကြသူများလည်းရှိသလို အသာလေးမှိန်းစက်နေကြသူများလည်းရှိသည်။သေချာသည်က လေးနာရီနီးပါးကားစီးလာခဲ့ပြီးဖြစ်သဖြင့်အားလုံးမှာပင်ပန်းနေဟန်ရှိကြသည်။
အဝေးပြေးကားသည် သတ်မှတ်ထားရာကားဂိတ်သို့ရောက်ရှိရန်အတွက် အရှိန်ပါပါဖြင့် ဦးတိုက်မောင်းနှင်လျက်ရှိသည်။
အရှိန်မြှင့်နေသော ကား၏အမြန်နှုန်းကဲ့သို့ စေးစက်ထင်၏ရင်ခုန်နှုန်းတို့သည်လည်းထိုနည်းတူစွာမြှင့်တက်လျက်ရှိပါသည်။
စေးစက်၏ခေါင်းတစ်ခုလုံး ငြီးနောက် နောက် ဖြစ်နေသည်မှာ ကားပေါ်တက်၍စထိုင်သည်မှ ယခုချိန်အထိ။
အိမ်မှထွက်လာချိန်ကကောင်းသေးသော်ငြား ကားကွင်းအရောက် ကားများ ၏အငွေ့အသက်တို့ကို စတင်ထိတွေ့ခံစားမိချိန်မှာတော့ မူးနောက်နောက်ဖြစ်လာသောမိမိခေါင်းကို စေးစက်ရိပ်မိလိုက်ပါသည်။နဖူးတွင်စို့လာသောချွေးစများက သက်သေပင်ထွက်ဆိုပြနေသေးသည်။
အသက် ၂၂နှစ်အရွယ်ရောက်နေပြီဖြစ်သော စေးစက်လိုလူပျိုလေးက ကားမူးမှာ အကြောက်ဆုံးဖြစ်သည်ကို စေးစက်မိသားစုဝင်တွေမှလွဲ၍ မည်သူမည်ဝါမှသိကြမည်မဟုတ်။
စေးစက်မိသားစုသည် စေးစက်၏ဘဝ၊စေးစက်၏ အနာဂတ်၊စေးစက်၏အရာအားလုံးပင်ဖြစ်ပါသည်။
မိသားစုဝင် သုံးဦးသာရှိတော့သည့်စေးစက်တို့မိသားစုသည် ဖေဖေရှိစဉ်ကလိုပဲနွေးထွေးအေးချမ်းသောမိသားစုလေးဖြစ်နေဆဲပင်။
ဖေဖေမရှိတော့သည့်နောက် စေးစက်တို့အရိပ်မဲ့လေပြီဟု ထင်ဆထားမိသည်မှာလက်တွေ့တွင် မဟုတ်ခဲ့ရပါ။
ထိုအချိန် စေးစက်က သုံးတန်းတက်ရမည့်အရွယ်၊အကိုလင်းထက်ထင်ကဆယ်တန်းတက်ရမည့်အရေးကြီးဆုံးအခိုက်အတန့်။
YOU ARE READING
YANG(Completed)
Romanceကျုပ်ကိုထိန်းချုပ်လို့ရမယ်လို့ခင်ဗျားထင်နေလား~~~ မိုးထိယမ်း ငါ့ဦးနှောက်ထဲမှာမင်းကအလုပ်သဘောသက်သက်ပဲ~~~ စေးစက်ထင် .................... က်ဳပ္ကိုထိန္းခ်ဳပ္လို႔ရမယ္လို႔ခင္ဗ်ားထင္ေနလား~~~ မိုးထိယမ္း ငါ့ၪီးေနွာက္ထဲမွာမင္းကအလုပ္သေဘာသက္သက္ပဲ~~~ ေစးစက္ထင္
