تميمة غرام

الفصل الثالث و الاربعين

الرواية عدت المليون 🌚😅🎉🎉🎉

بصوا انا عندي طلب ممكن تدعولي من قلبكم لان حرفيا انا نفسيا زي الزفت الفترة دي

اه و طبعا التفاعل يا جماعة مش زي الفصل الي فات 🙂💔

♾♾♾♾♾♾♾♾♾♾♾♾

تابعوا تناول الطعام حتى انتهوا و غسلوا الأطباق كذلك مع وضع بقية الطعام في الثلاجة

صعدت الدرج بهدوء ليرفعها بين ذراعيه على غفلة " ايه طيب القمر هيفضل زعلان مني لغاية امتى ده حتى الشمس طلعت يعني "
اراحت رأسها على صدره " سليم انا بجد عايزة انام تعبت اوي النهاردة لو سمحت طلعني الجناح خليني انام "

صعد بها الجناح لينزلها بعد ان اغلق باب الجناح نظرت الأخرى للفراش و هي تنتظر ان ترى أطفالها لكن لا يوجد احد  قبل ان تتساءل اخبرها هو " راحوا جناحهم "
ضمت ذراعيها إلى صدرها  لتصحح له " قصدك جناح طليقة باباهم أبقى جهزلهم جناح تاني علشان كاميليا هانم تعرف ترتاح كويس أظاهر ان أوضة الضيوف مش عاجباها "

رمقها بعدم تصديق " سيفدا أنتِ مكبرة الموضوع اوي انا مقدر انك غيرانة بس ثقي فيا شوية و في حبي ليكي "
تساقطت دموعها بخفه " عارفة و واثقة فيك  بس هي لا انا بموت يا سليم حس بيا شوية ليه سمحتلها تقعد في بيتي ليه تخليني عايشة في النار "

عانقها لصدره بحنو " خلاص اهدي طيب و هكلم بابا بكرا يجي و يشوف هيعمل ايه اعتبريها مش موجودة اصلا يا روحي "
لكنها ابتعدت عنه غاضبة " حلو يبقى انت كمان مش هنا بالنسبالي يا ابن العامري لغاية ما الحية الي دخلتها بيتي تخرج منه "

تمددت على الفراش تحت عينيه المتوسعة من الصدمة ليتحرك خلفها سريعا " متخربيش على نفسك يا ام العيال "

تمدد بجانبها بينما هي اعتدلت و هي تعيد هذا اللقب " ايه انت قلت ايه بقى انا ام العيال يا سليم "
كان متمدد و هو يغمض عينيه ليردف بهدوء " اه يا حبيبتي ب دور النكد الي انتِ عاملاه ده أنتِ ام العيال و زوجة مصرية اصيلة "

اندفعت جالسه على ركبتيها و هي تضع أيديها عند خصرها " بقى كدة يا سليم تمام نام بقى و انا هروح انام مع ولادي "
قبل ان تتحرك سحبها لتسقط فوق صدره " و حياة أمي يا سيفدا ما أنتِ متحركة من هنا ف استهدي بالله كدة و نامي بلا كاميليا بلا زفت انسيها و ركزي مع جوزك "

تنهدت ب غيظ منه لتريح رأسها على صدره و هو يعانقها له بحنو " ايوة كدة حلو اوي "
غفت بهدوء بين أحضانه هو كان يُمني نفسه ب ليلة رائعة اليوم لكن اتت كاميليا و أفسدت كل شيء