ඉස්කෝලේ ළමයි, ගුරුවරු හැමෝගෙන්ම සීයට අසූවක්ම අද ප්ලේග්‍රව්න්ඩ් එකේ. අද විශේෂයෙන්ම ඉස්කෝලේ නිවාඩු දවසක් වුණේ පළාත් බාස්කට්බෝල් තරඟ තියෙන නිසා. හැමෝම වගේ බලන් හිටියේ තරඟ පටන් ගන්නකන්. අනිත් ඉස්කෝලවලට සාපේක්ෂව මේ ඉස්කෝලේ ඉඩ පහසුකම් වැඩි නිසා තරඟ පවත්වන අය හිතුවේ තරඟ මේ ඉස්කෝලේම පවත්වන්නයි.
එතකොට ගංගාවි.... ඊයේ හවස ගෙදර ගිය වෙලේ ඉඳන් අම්මාගෙයි අප්පච්චිගෙයි කන් දෙකට නිවනක් නැහැ. ගංගාවි කියලා කියලා බැරිම තැන එයාගේ කාමරේට යන්න ගියා. රෑ හත විතර වෙද්දි දවල් ගංගාවිගෙන් ඉල්ලගත්ත ලෑන්ඩ්ෆෝන් නම්බර් එකට ශානිකා කතා කළේ මොනාවුණත් කෙල්ල පව් නිසා. අඬලා දොඩලා වැලපිලා ගංගාවිව ගොඩක් පරිස්සමින් බලාගන්න පොරොන්දු වෙලා යන්තන් ශානිකා අප්පච්චිගෙන් හෙට ඉස්කෝලේ යන්න අවසර ගත්තා. අප්පච්චි වුණත් කැමති වුණේ නෑ ගංගාවි අවුලෙන් ඉන්නවට. ඒ නිසාම එයා ගංගාවිගේ කාමරේට ගිහින් කිව්වේ පහසු ඇඳුමක් ඇඳගෙන සරලව ඒත් ගොඩක් පරිස්සමින් ගිහින් එන්න කියලා.
උදෙන්ම බඩු ලෑස්ති කරගෙන අම්මට වැඳලා ගෙදරින් ආව රන්දිමා අයියා එක්ක අයියාගේ බයික් එකේම ඉස්කෝලෙට ගියා. යද්දිත් සෙනග උතුරන්න. ඇවිස්සුන කූඹි ගුලක් වගේ ළමයි ග්‍රව්න්ඩ් එක පුරාම. හිරුණිත් ඇවිල්ලා ඉන්ඩෝ එක අහල පහළම හිටපු නිසා රන්දිමා එයා ගාවට ගියා.
"ආහ් කෙල්ල ගුඩ් මෝනින්"
"මෝනිම් මෝනිම්... අක්කේ බලනවකෝ ඉන්න මිනිස්සු ටික... වෙන ඉස්කෝලවලින් ආවම උන්ට අපේ ඔලු උඩ තමයි ඉන්න වෙන්නේ"
"සිරා බන්... එන්න අපි යං වෝම් අප් කරන්න"
ශානිකාට ගංගාවිව එක්කන් යන්න එයාලගේ ගෙදරට යන්න වුණේ ගංගාවිගේ අප්පච්චිට ගංගාවිව හොඳින් බලාගන්නවා කියලා පෙන්නන්න. එයා යද්දිත් ගංගාවි ලා කොළ පාට අත් නැති ලස්සන ගවුමක් ඇඳගෙන යන්න ලෑස්ති වෙවී හිටියා.
"දූ අද කොන්ඩේ ගොතන්නේ නැතුව යන්න... තාම මැහුම් එච්චර සනීප නැහැනේ"
"ඒත් අම්මේ ඉස්කෝලෙට අවුලක් නැති වෙයිද?"
"කවුරුහරි කිව්වොත් විතරක් බුරුලට පොනියක් දාගන්න, අනික කොන්ඩේ දිග නිසා උරිස්සත් වැහෙනවනේ"
YOU ARE READING
Nerdy Girl🌻 || GL Story || (COMPLETED ✅)
Non-Fiction"ඉතිං..... දැන් චූටිට කොහොමද?" "කවුද චූටි?"😳 ........................................................ "කරුණාකරලා මට මෙහෙම පස්සෙන් ඇවිත් කරදර කරන එක නතර කරන්න. ඔයා කොහොම කිව්වත් මම ඔයාට කැමති නැහැ!" "හ්ම්... ඒකත් එහෙමයි නෙහ්...." 😏 "ආාාහ්!!!! රන්දි...
