Unicode
💓
💛 A night of the yellow world 💛
💚❤
💚❤ အခုအချိန်ထိ ရန်မဖြစ်တတ်ကြသေးသည့်လင်ယောက်ျားနှစ်ဦး ❤💚
ခြံဝန်းထဲတွင်ကားရပ်သည်နှင့်ရှောင်းကျန့်သည်တုန့်ဆိုင်းမနေဘဲ ကားတံခါးဖွင့်ကာ ဆင်းလိုက်သည်။ လက်ထဲတွင်လည်း ကျင်းကော်ထည့်ထားသည့်ခြင်းကိုကိုင်ဆွဲလို့ထားသေးသည်။ သူ့လူသားနောက်သို့ ဝမ်ရိပေါ်ပြေးမလိုက်မိဘဲ ကားမောင်းသူနေရာမှာသာ သူပေတေပြီးထိုင်နေလိုက်သည်။
သူဘယ်လိုချော့သင့်သလဲ ...။
သူ့သားအငယ်ဆုံးကောင်ရဲ့ခေါင်းပေါ်ကိုပဲ ထိုပြဿနာအထုပ်ကြီးတင်ပေးလိုက်ရမလား ... ။မုန်တိုင်းမလာခင်တိတ်ဆိတ်နေသလိုအနေအထားကြောင့်မည်သူမျှပင်စကားမဆိုရဲကြ။ အသံကျယ်ကျယ်မထွက်ရဲသည်ကြောင့်လည်း သက်ပြင်းချလိုက်သည့်အသံကိုတောင်တိုးတိတ်စေလိုက်ကြသည်။
နောက်ခန်းတွင်ကျပ်ကျပ်တည်တည်းထိုင်ပြီး လိုက်လာရသည်လူတွေပင်ကားတံခါးကိုအသံကျယ်ကျယ်မဖွင့်ရဲကြဘဲ တိတ်တဆိတ်သာ ကားပေါ်မှဆင်းကြသည်။ ဝမ်ချီအော့ကတော့ ကားပေါ်မှဆင်းခါနီး ... ကားမောင်းသူနေရာမှာထိုင်နေသည့်ဝမ်ရိပေါ်ကိုပုခုံးလေးအသာပွတ်ရင်း အားပေးစကားကို ခပ်တိုးတိုးလေးပြောလိုက်သည်။
"ပါးပါး ... ဒီနေ့မရှင်းရင်နောက်ရက်ပြဿနာပိုကြီးသွားလိမ့်မယ်""ဒီနေ့မဟုတ်ဘဲနောက်ရက်မှတောင်သိစေချင်တာ"
ဒီကိစ္စအား တသက်လုံးဖုံးကွယ်ထားလို့ရရင်ပိုကောင်းမှာလို့တောင်ဝမ်ရိပေါ်တွေးလိုက်သေးသည်။ဝမ်ပုဟွေ့နှင့်ဝမ်ကျိုးယွဲ့သည်ထိုကိစ္စအား သူမတို့နှင့်မဆိုင်သလို ...ရှောင်းကျန့်နောက်မှ နီးနီးကပ်ကပ်လိုက်သည်။ သူမတို့နောက်မှ လိုက်သည့်ဝမ်ချီရီသည်လက်ထဲမှဖုန်းကိုတတောက်တောက်ဖြင့်ရိုက်ရင်း သူအိမ်ပြန်ရောက်ပြီဖြစ်ကြောင်းကို သူ့ချစ်သူဆီသံတော်ဦးတင်နေသည်။ ဝမ်ချီရီနောက်မှလိုက်သည့်ဝမ်ချီစန်းသည်ကားပေါ်ကမဆင်းသေးသည့်ဝမ်ရိပေါ်ကို လှည့်ကြည့်လှည့်ကြည့်ဖြင့်လျှောက်လှမ်းခဲ့သည်။ ဝမ်ချီအော့သည်ထိုလူတန်းကြီးနောက်မှ ခပ်နှေးနှေးကလေးလိုက်ခဲ့သည်။
YOU ARE READING
Family with lots of love 💚❤ (Part 191 to ...) || UYFIL Season 2 ||
FanfictionTitle - Family with lots of love 💚❤ ( Until you fall in love's season II ) ( Part 191 to ...) A wonderful family of three twins and two fathers . Main couple - Wang Yibo & Xiao Zhan Three twins - Wang Qiyi , Wang Qier ,Wang Qisan ...