🖤SWEL'🖤( စွဲ~စြဲ ) ~completed~

part.1(U+Z)

Unicode

" ပြန်ရောက်ပါပြီ "

စီးထားသည့် အနီရောင် ရှူးဖိနပ်ကို
ချွတ်လိုက်ကာ ပင်ပန်းနွမ်းနယ်သော
အသံလေးဖြင့် ပြောလာသည်ကို မည်သူမျှ
သတိထားမည့်ပုံမပေါ် ။

ဆက်ခွန် မျက်မှောင်ကျုံ့လိုက်သည် ။

အရင်ကများဆို သူပြန်လာတိုင်း နွေးနွေးထွေးထွေးဖြင့်
ပွေ့ဖက်ဆီးကြိုမယ့်သူဆိုတာ ရှိမြဲရှိစဲပင်မလား ။
ခုများတော့ အရင်နှင့်မတူတော့ချေ ။
အဆိုးဆုံးက ပြည်ပမှာ ရင်းနှီးမြုပ်နှံထားသည့်
အလုပ်ကိစ္စတွေကြောင့် ပါးပါးရောဒယ်ဒီပါ
သူ့အနား မရှိသည်က သူ့အတွက်
အဆိုးဆုံးပင်ဖြစ်နေခဲ့သည် ။

ပါးပါးရောဒက်ဒီရောဆိုပြီး အံ့သြမသွားပါနဲ့ ။
ထိုအရေးကြီးတဲ့ ပုဂ္ဂိုလ်နှစ်ဦးက ကျွန်တော်ကို
မေမေ့ဗိုက်ထဲက ထွက်လာသည်ကတည်းက
သားအရင်းပမာ ပြုစုစောင့်ရှောက်ကာ
မွေးစားခဲ့သူတွေပါ ။
ဒယ်ဒီကတော့ မေမေ့ရဲ့ ေမာင္ပါ ။
သေချာတာကတော့ ကျွန်တော့်ရဲ့ ဦးလေးဒယ်ဒီပါ ။
အင်း ထိုစကားသာ ဒယ်ဒီကြားရင် ဆက်ခွန်အား
စိတ်ဆိုးမည်မှာ အမှန် ။
ထားပါလေ ခုဒယ်ဒီက ဆက်ခွန်အနားမှမရှိတာ ။

ဆက်ခွန် ဟက်ခနဲ ရယ်ချကာ အိမ်ထဲ
ဝေ့ဝိုက်ကြည့်လိုက်၏ ။

ဒီနေ့မှ ဘာလို့ တိတ်ဆိတ်နေတာပါလဲ ။

" အိမ်မှာ ဘယ်သူမှမရှိကြဘူးလား ။
ရှိရင်လည်း ငါ့ရှေ့ထွက်လာပြီး အိမ်ကလူတွေ
ဘယ်သွားကြလည်းဆိုတာပြော ။
ငါခု စိတ်ကြည်လာတာ မဟုတ်ဘူးနော် "

ဆက်ခွန်ရဲ့ မာကျယ်ကျယ်စကားသံအဆုံး
သူရှေ့သို့ ရောက်ရှိလာသည့် အိမ်အကူသုံးယောက်မှာ
လန့်လန့် ဖျပ်ဖျပ် ။။

ဆက်ခွန် သက်ပြင်းဖွဖွ ချလိုက်မိသည် ။

ထိုလူတွေက သူ့ကိုမြင်သည်နှင့် သရဲ ဘီလူးကို
မြင်ရသည့်နှယ် ခေါင်းကိုချည်း ငုံ့ထားတာက
သူ့အမြင် သိပ်အရိုင်းဆန်သည် ။
လူတွေလည်း ခက်သားနော်... ။
စံအိမ်က နန်းတော်သဖွယ် ခမ်းနားသလောက်
အိမ်အကူ အမျိုးသမီးတွေရဲ့ ပုံစံကတော့
သူ့အမြင် နဲနဲမျှပင် ထောင့်ပင်မကျိုး ။
သိပ်ကို အမြင်ကပ်ဖို့ကောင်းလွန်းသည် ။